حلب نینگ تخلیه ایتیلیشی و فرات قالقانی

سیاسی تحلیل

حلب نینگ تخلیه ایتیلیشی و فرات قالقانی

حلب نینگ تخلیه ایتیلیشی و فرات قالقانی

حلب نینگ تخلیه ایتیلیشی نینگ آرتیدن آزاد سوریه اردوسی چوکاتیده گی ترکمن مخالف گروه لرنینگ کوپراغی ادلب دن چیقدی و فراد قالقانی عملیاتیگه قتنشدی. بیز هم بو هفته دستوریمیزده حلب نینگ تخلیه ایتیلیشی، سوریه ترکمن لری نینگ وضعیتی و فرات قالقانی عملیاتیده گی ینگی لیکلرنی تحلیل قیلیب چیقه میز.

منه ایندی آتاترک عالی بیلیم یورتی خلق ارا مناسبتلر بولیمی اسیستانت لریدن جمیل دوغاچ ایپک نینگ موضوع بیلن علاقه لی تحلیل یازووینی تقدیم ایته میز...

میلادی 2017 – ییل ده سوریه ده ینگی بیر دور باشله یدی. بناً سوریه بحرانی گه قول بولگن هر بیر تامان اوز جایگاه سینی تیکشیریب چیقه دی، استراتیژی لرینی اوزگرتیره دی. سوریه نینگ ایچیده گی تامانلردن بیرته سی اولکه نینگ ایسکی خلق لریدن بولگن ترکمنلردیر.

حلب نینگ تخلیه ایتیلیشی نینگ آرتیدن آزاد سوریه اردوسی چوکاتیده گی ترکمن مخالف گروه لرنینگ کوپراغی ادلب دن چیقدی و فراد قالقانی عملیاتیگه قتنشیب بارماقده.

(24 اگست 2016- ییل ده ترک قوراللی کوچلری آزاد سوریه اردوسی و ترکمن بیرلیکلری بیلن داعش کنترولیده گی جرابلس گه قره ته فرات قالقانی عملیاتینی باشلتگن ایدی.) ترکمن منتصر بالله کوچلری، فاتح سلطان مِحمد کوچلری و سلطان مراد گروهی اعضاسی ترکن جنگری لری نینگ سوریه گه اوتیش لری تقریباً نهائی بولدی.

مذکور ترکمن گروه لرنینگ ایسکی دن بیری عزیز – جرابلس آره سیده گی منطقه ده قرارگاه لری بار. ترکمن لر اوزاق مدت دن بیری داعش ترور تشکیلاتی گه قرشی توپراق لرینی محافظه قیلیش اوچون قهرمانانه بیر شکلده اوروشماقده لر. حلب دن تخلیه ایتیلگن گروه لرنینگ قتنشیشی بیلن بیرگه لیکده هم عزیز – جرابلس آره سیده گی منطقه کوچلی بوله دی همده الباب نینگ دمیده گی آزاد سوریه اردوسیگه باغلیغ گروه لر کوچلی تقویه بوله دی. امنیتی لحاظ دن معلومات بیریشیمیز توغری بولمه یدی لیکن مهم سانده قتنشیش حادثه سی یوز بیرگن لیگینی ایتیش ممکن.

فرات قالقانی چوکاتیده الباب ده قاره قیش شرطلریده و شهرنینگ ایچیده گی خلق نینگ ضرر کورمس لیگی سببلی حرکت هسته – سیکین آلیب باریلماقده. شو پیله داعش نینگ پی کاکا/YPG گه کورستگن مجادله سی نینگ 10 قاتینی کورساتیب تورگن لیگینی ایتیش کیره ک. مثال اوچون فرات قالقانیده ترک عسکرلری حاضرگچه داعش گه باغلیغ 2335 منفرجه مواد و 42 عدد ماین تثبیت ایتیب، خنثی قیلگنلر. داعش نینگ اوشبو مقاومتی گه شبهه سیز غرب کتته حصه قوشماقده. غرب نینگ رقه و موصل حرکاتینی تعویققه تشله گن لیگی اوچون داعش الباب گه جدی بیر شکلده جنگری تقویه قیلیش امکانیتی قولگه کیریتدی.

ترکیه، الباب گه قیلگن هجومی بیلن هم داعش گه ضربه وارد قیلگن بوله دی همده سوریه نینگ شمال تامانیده پی کاکا اوچون گذرگاه آچیلیشی گه مانع بوله دی. الباب شهری شمالی سوریه ده ایجاد ایتیلماقچی بولگن خوفسیز منطقه اوچون هم انچه اهمیت گه ایگه دیر.

شمالی عراق، عراق نینگ ایریم شهرلریگه کوره فرقلی بولگن لیگی کبی شمالی سوریه هم، سوریه نینگ ایریم منطقه لریگه کوره فرقلی دیر. بو منطقه نی ترکیه نینگ جنوب –شرق منطقه سی و شمالی عراق بیلن بیرگه لیکده قولگه آلیش کیره ک. ترکیه نینگ جنوب – شرقی، شمالی عراق و شمالی سوریه؛ ترک امپراتورلیگی دوریده دیاربکر، حلب و موصل ولایتلری اوله راق اداره ایتیلدی.   

عزیز بیلن جرابلس آره سیده 150 ته ترکمن قشلاغی بار. بو منطقه ده گی ترکمن قشلاق لری فراد دریاسی نینگ شرق تامانیده هم اوزاییب بارگن. فراد نینگ شرق تامانیده تقریباً 60 ته ترکمن قشلاغی بار. آقچه قویونلو بیلن منبیج آره سیده ایسه 50 دن آشه ترکمن قشلاغی موجود. جرابلس بیلن فرادنینگ بیر بولیمی ساجور سووی آره سیده (کوپراغی بره کی قبیله سی) تقریباً 25 ته ترکمن قشلاغی موجود. ساجور سووی نینگ جنوب تامانیده هم 20 دن آشه ترکمن قشلاغی بار. بو قشلاقلرنینگ امتدادی فرادنینگ شرق تامانیده بلیحه قدر 60 قشلاق جایشلگن.

داعش سونگی پیتلرده سوریه نینگ شمالیده، ترکیه جمهوریتی و متفق لری قرشیسیده جدی قیین چیلیک که دوچ قالگن. الباب شهری قولیدن کیتگنده احتمالاً جوده ضعیف لب کیته دی. شونده ی بولیب داعش نینگ قولیده گی ایریم منطقه لر ترکیه نینگ همکارلیگیده گی مخالفلر بیلن ترور تشکیلاتی پی کاکا/وای پی جی و اسد حکومتی آره سیده جدی مجادله گه باعث بولیشی ممکن.  

کیلگوسی زمانلرده فراد قالقانی و سوریه ایچیده ترکمنلرنینگ هم میدانده همده میزنینگ اطرافیده کوپراق سوز ایگه سی بولرلیگینی اویله ی من. خلق ارا جمعیت همکارلیک قیلگنده ترکمنلر هم اورته شرق ده همده سوریه ده دموکراتیک و لائیک بیر تیزیم کیلتیریش اوچون مهم حصه قوشیشی ممکن. رادیکال مفکوره گه اوزاق بولگن ترکمنلر کوچ قولگه کیریتگنده سله فی / تکفیرچی گروهلرنی مغلوبیت گه اوچره ته دی. شو شکلده اروپا هم مهاجردن همده جهادیست ترور گروه لریدن محافظه بوله دی.

   

 



علاقه لی ینگی لیکلر