اورته شرقدن اورته آسیاگه قره ب بارگن داعش تهدیدی

j

اورته شرقدن اورته آسیاگه قره ب بارگن داعش تهدیدی

اورته شرقدن اورته آسیاگه قره ب بارگن داعش تهدیدی

2017 – ییلده داعش عملگه آشیرگن تروریستیک هجوملر تورکیه، اورته شرق و اوراسیاده کون ترتیبیده مهم مسئله بولیب اورین آلدی. سونگی پیتلرده بولیب تورگن تارتیشوولرده اورته آسیاده هم کمیده اورته شرقده بولگن داعش تهدیدی بحث بولیب تورگن.  بیز هم پروگرامده بو موضوعنی هر تامانلمه تیکیشیریب چیقه میز.

منه ایندی شو توغریده آتاترک عالی بیلیم یورتی خلق ارا علاقه لر بولیمی اسیستانت لریدن دوکتور جمیل دوغاچ ایپک نینگ یازووینی تقدیم ایته میز.

میلادی 2016 – ییلدن 2017 – ییلگه اوترکیچه استانبول ده مشهور دیسکتیک رایناده داعش تامانیدن عملگه آشیریلگن و 39 کیشی جان بیرگن هجوم دقتلرنی اورته شرق و اوراسیا جغرافیه سیگه قره تدی. بوگون هم اورته شرق و اورته آسیاده داعش نینگ موجودیتی سبب و نتیجه لری بیلن تارتیشوو موضوعسی بولیب تورگن. داعش دنیانینگ تورلی اولکه لریده عملگه آشیرگن هجوملری نینگ عکسینچه بو بار منه شو تارتیشوو موضوعسی بولیب قالدی: داعش اورته شرقدن اورته آسیاگه باریب جایلشماقده می عجب؟

داعش نینگ تروریستیک هجوملرینی عملگه آشیرگن جنگری لری نینگ اتنیکی اوله راق کوپ مغلق ساختارگه بولیشی گه بناً تارتیشوولر عموماً تورک اصلیتلی خلق لر آرقه لی آلیب باریلماقده. بو تارتیشوولرده عموماً اورته شرق نینگ داعش نینگ ینگی مرکزی بولگنی ادعا ایتیلماقده. خوف بو توغری گپ می؟ بو هفته پروگرامیمیزده بو توغرینی آیدینلتماقچی میز.

داعش بوگونگچه یوزلب تروریستیک حرکتلرگه قول اوردی. بیراق سونگی پیتلرده هجومنی عملگه آشیرگن تروریست نینگ اتنیک کیم لیگی و تبعه سی کوپ مطرح بولیب بارماقده. نیمه اوچون مطرح بولماقده؟ بو سوالگه جواب بیرمسدن آلدین داعش جنگری لری نینگ اولکه لرگه کوره تقسیمات قیلگن ایککی ایریم فعالیت گه نظر تشله یمیز.

میلادی 2016 – ییلی مارچ آییده نشر قیلینگن راپورگه کوره، داعش گه قوشیلگن خارجی جنگریلرنینگ تبعه لریگه کوره روی خط نینگ اوست قطاریده تورگن اولمه لر و سانلری شو شکلده دیر:

تونس

6500

سعودی عربستان

2500

روسیه

2400

اردون

2250

تورکیه

2100

فرانسه

1700

مراکش

1350

لبنان

900

مصر

800

آلمان

760

 

(منبع: The Telegraph, Iraq and Syria: How many foreign fighters are fighting for Isil?؟)

میلادی 2015 – ییلی نشر بولگن بیر تیکشیروو نتیجه سیگه کوره، هر بیر ملیون کیشیدن داعش گه قوشیلگن اولکه لر روی خطی ایسه شو شکلده دیر:

اردون

315

تونس

280

سعودی عربستان

107

بوزنی هرزگوین

92

کوزوو

83

تورکمنستان

72

البانیا

46

بلجیم

46

اوزبیکستان

33

سویدن

32

فلسطین

28

دنمارک

27

تاجکستان

34

فرانسه

18

اتریش

17

هالند

15

فنلند

13

روسیه

12

قزاقستان

8

تورکیه

6

قرغزستان

5

 

منبع: Radio Free Europe/Radio Liberty, Foreign Fighters In Iraq & Syria: Where do they come from?)

موضوع بیلن تیگیشلی اوله راق کوپ سانده تیکشیروو عملگه آشیریلگن. ایریم استاتستیکلر هم انترنیت آرقه لی نشر قیلیندی. خواهله گن انترنیت سایتلری آرقه لی تاپاله دی. بیز فقط بو ایککی ته نی مثال تشکیل بیرسین دیب آلدیک. قولیمیزده موضوع بیلن علاقه لی انیق نتیجه بولمسه هم آلیب باریلگن تیکشیروولر آرقه لی معلومات قولگه کیریتیش ممکن. راپورلرنی تیکشیریب چیققنده برچه دنیا اولکه لری و اورته آسیا اولکلریدن هم داعش گه قتنشگنلر بار. لیکن بو قوشیلیشلر اردون، تونس کبی اورته شرق – شمالی افریقا اولکه لری، بوزنی، کوزوو، البانیا کبی بالقان اولکه لری و اروپا اولکه لری بیلن مقایسه قیلگنده کوپ کم سویه ده دیر. بیراق منطقوی و گلوبال مطبوعاتده دوامدار داعش گه اورته آسیادن قوشیلگن تروریستلر انعکاس بیریلماقده. بونینگ آرقه سیده گی مهم سببلر: اورته شرق منطقه سیده گی بعضی بیر تیزیملر مشروعیت لرینی اولاً رادیکال اسلام بیاناتلری و تروریزمدن قورقیش آرقه لی آلیب بارماقده لر. بو تبلیغ بو رژیملرنینگ منفعتیده بولگنی اوچون بو تبلیغلرنی قیلگنلر بو رژیملر دیر. امریکاده گی 11 سپتمبر هجومیدن کیین چین خلق جمهوریتی دنیاگه اویغور مسئله سینی افراطی اسلام و القاعده آرقه لی (شو وقت داعش آرقه لی) آلیب باردی. لیکن 11 – سپتمبردن آلدین ایسه چین نینگ اویغورلر بیلن افراطی اسلام نی بیر توتگن لیگی هیچ کیم نینگ ایسیده یوق. بو تبلیغ چین نینگ منفعتی گه بولگنی اوچون و چین هم بو تبلیغنی نشر قیلگنلر قطاریده دیر. روسیه هم بو گپلرنی قبول قیلیب ایتیب یورگن. چونکه بو بیانات روسیه نینگ اورته آسیا منطقه سیده خوفسیزلیکنی تامین قیلگن اکتور رولینی کوچه یتیره دی. روسیه نینگ اورته آسیاگه قره ته سیاستلرینی مشروعلشتیره دی. اورته آسیا منطقه سینی یخشی بیلمه گن خارجی متخصصلر هم بو تبلیغ لرنی قبول قیلیب بونینگ یاییلشی گه حصه قوشه دی. باشقه بیر عنصر ایسه تورلی سیاسی و آیدولوژیک مقصدلر بیلن بولرنی ترقه تیب تورگن گروهلردیر. بونی اینیقسه تورکیه ده کورماقده میز. تورکیه آلیب بارگن کوپ بعُدلی مستقل تشقی سیاستدن و تورکیه نینگ اورته آسیاگه قره ب باریشیدن ناراحت بولگن بیر قطار گروپلر بو تبلیغلرنی قصداً ترقه تیب بارماقده.

نتیجه ده، "اورته آسیاده داعش تهدیدی بار می؟" دیگن سوالگه؛ البته بار، دیگن جوابنی بیریشیمیز ممکن. لیکن "تورکیه و دنیا مطبوعاتیده حددن اضافه ایتیلگن درجه ده بیر داعش تهدیدی بار می؟ دیگن سوالگه جواب "البته یوق" بوله دی.

اورته آسیاده موجود داعش تهدیدیگه قرشی کوره شده حنفی / مطرودی صوفی تورک اسلام مدرسه لری مهم حصه قوشه دیلر. تورکیه جمهوریتی جمهور رئیسی ایردوغان اوتگن آیلرده اوزبیکستان گه سفر قیلگنده دولت ارکانلری بیلن بیرگه لیکده امام مطرودی زیارتینی نینگ آلدیده الگن عکس بو معناده جوده مهم بیر حادثه دیر.  



علاقه لی ینگی لیکلر