رفراندوم نینگ آرتیدن عراقده نیمه اوزگریشلر یوز بیردی

شمالی عراق منطقوی باشقروویده خلق ارا حقوق گه ماس بولمه گن رفراندوم نینگ اوستیدن بیر آیدن کوپراق بیر مدت اوتدی.  بیز هم پروگرامده بو موضوعنی هر تامانلمه تیکیشیریب چیقه میز.

رفراندوم نینگ آرتیدن عراقده نیمه اوزگریشلر یوز بیردی

عراقده ینگی باسقیچ

 

منه ایندی شو توغریده آتاترک عالی بیلیم یورتی خلق ارا علاقه لر بولیمی اسیستانت لریدن دوکتور جمیل دوغاچ ایپک نینگ یازووینی تقدیم ایته میز.

شمالی عراق منطقوی باشقروویده برچه مخالفتلرگه قره مه ی رفراندوم اوتکزیلیشی نینگ اوستیدن بیر آیدن کوپراق بیر مدت اوتدی. عراق حکومتی خلق ارا حقوققه ضد اوله راق اوتکزیلگن رفراندوم نینگ آرتیدن شمالی عراق منطقوی باشقروویگه قره ته مداخله قیلدی و شمالی عراق منطقوی باشقرووی تقریباً 2003 حدودیگه قره ب کیتدی. بیر آی آلدین مستقل لیک مطرح ایکن، منه ایندی ضعیفله گن بو فدرال منطقه نینگ بغدادگه باغلیغ بولیب قالگن حالت گه کیلگنی مطرح بولیب تورگن.

رفراندوم عراقده جدی اوزگریشلرگه وسیله بولدی. عراق اردوسی نینگ تیزلیکده حرکت قیلیشی ایران، تورکیه و عراق نینگ مشترک حمله قیلیشی ریجه لنگن پلاننی برهم اوردی. کرکوک و تارتیشوو منطقه لری تکرار مرکزی حکومت گه باغلندی. حدود ایشیکلری و قونلغه لرنینگ اختیاری هم بغدادگه اوتتی. هابور حدود ایشیگی گه عراق اردوسی جایلشدی. سوریه عراق چیگره سی هم مرکزی حکومت نینگ کنترولی آستیگه کیردی. سوریه نینگ ایچکی اوروسی، تورکیه نینگ ناتو اعضالیگی، تهران نینگ ترور تشکیلاتی پی کاکانینگ عراقده گی ترماغی PJAK گه قره ته معتدل یانداشووی باعث اورته لریده انچه کیلیشمسلیکلر بولیشی گه بناً تورکیه و ایران کوتیلمه گن بیر شکلده بیر – بیریگه یقین بولیب توردی. ایککی اولکه هم بغدادنینگ یانیده کوچلی بیر شکلده اورین آلدیلر. شونگه اوخشش حادثه بیر ییل آلدین بعشیقه قونلغه سی بحرانی باعث بیر بیرگه قره ته قتیق بیاناتلر بیرگن عراق لیک و تورک رهبرلر کوچلی بیر اتفاق قوردیلر.

کیلگن نقطه ده شمالی عراق منطقوی باشقرووی فقط مستقل بولیش اوچون ایمس، عین پیتده 2005 – ییلیدن بو تامانگه قره ته اساسی قانونگه قرشی عملی بیر وضعیت یراتیب فرصتلرنی قولدن بیردی. اولاً کرکوکده گی حاکمیتینی آرتیدن اقتصادی منبع لرده گی حاکمیتینی قولدن بیردی. سونگی جریاناتلر بیلن عراق منطقوی باشقرووی جوده مهم ایککی اقتصادی فرصتنی قولدن بیردی و تکرار مرکزی حکومت گه باغله نیب قالدی. بولر نفت منبع لریده گی عوایدنینگ کیسیلیشین عبارتدیر. عراق حکومتی حدود ایشیکلری نینگ کنترولینی تماماً اوز قولیگه آلماقچی. بو وضعیت 1999- ییل نینگ باشیدن بیری حدود ایشیکلریدن قولگه کیلتیرگن عوایدلری بیلن بویوک اقتصادی کوچ گه ایگه بولگن شمالی عراق لیک شخص، حزب و رهبرلر اوچون نفت عایدی کبی جوده مهم دیر.

تورکیه – ایران – عراق اتفاقی، أولا عراق منطقوی باشقرووینی حمایه قیلگن منطقه تشقریسیده گی کوچلر نینگ فعالیتلرینی برطرف قیلدی. تشقی کوچلرنینگ منطقه ده گی کوچی نینگ محدود لیگینی اورته گه چیقردی. عراق اساسی قانونی نینگ 140 – ماده سی نینگ برطرف ایتیلیشی عراق مرکزی حکومتی تامانیدن مطرح بولیب تورگن. بلکه بغداد ایریم بیر آدیم تشلب عراق منطقوی باشقرووینی لغو قیلیشی ممکن.

کیلگوسی جریانده شمالی عراقده، KDP و عراق منطقوی باشقرووی نینگ ایسکی کوچلری محافظه قیلیش و ایسکی تیزیمنی تامین ایتیش فعالیتلری شمالی عراقده ایچکی بحرانگه باعث بولیشی ممکن. حتی عراق منطقوی باشقرووی نینگ اوز ایچیده جدا بولیب کیتیشی گه سبب بولیشی ممکن. بو حالده اربیل – بغداد مناسبتیدن تشقری اربیل – بغداد، سلیمانیه – بغداد مناسبتی نینگ مطرح بولیشی بیلن ینگی بیر عراق تصوری چیقیشی ممکن.

نوامبر آییدن باشلب عراق ینگی بیر بُعدگه اوتگن شکللی. بلکه 14 ییل لیک اشغال باسغیچی عراق مرکزی حکومتی نینگ فعالیتی بیلن نهائی بولیب قاله دی. دوامدار اتنیک و مذهبی فرقلی لیکلر سبب سیاسی اوله راق بیر جایده بولیب ت.رگن دیب اتلگن عراق نینگ ملی کیملیگی عراق منطقوی باشقرووی نینگ رفراندومی نینگ آرتیدن قویراق بولگن. هشدی شبی چوکاتیده، شانه – به – شانه کوره شگن هم شیعی همده سنی تورکمنلر عراق اردوسی ایچیده پشمرگه گه قرشی اوروشگن کرد قومندانلر بونینگ مهم تصویرلری دیر. کیلگوسی ییل عراقده سیلاولر بولیب اوته دی. بو سیلاولر احتمال قوی بو حادثه لرنینگ تاثیری آستیگه قاله دی. البته عراق، ایران و تورکیه بونی خواهله یدی.

کیلگوسی جریانده، تورکیه بیلن عراق اورته سیده گی مناسبتلر کون سایین چقورلشیب عملی بولیشی ممکن. چونکه تورکیه عراق مرکزی حکومتی حاکمیتینی تکرار قولگه آلگنی جریان بوییچه تاماً حمایه قیلدی. ایککی اولکه اورته سیده اینیقسه تروریزم قرشی کوره ش توغریسیده همکارلیک نینگ رونق بیریلیشی مطرح بولیب تورگن. تورکیه نینگ عراقده گی بعشیقه قونلغه سی توغریسیده هم کیلیشیلگن دیک کوریله دی. داعش گه قرشی کوره ش توغریسیده مهم درجه ده ایلگری بارگن عراق مرکزی حکومتی نینگ عین دمده پی کاکاگه قره ته هم آدیم آتیشی تورکیه تامانیدن توقع قیلینماقده. بو توغریده عراق تامان نینگ علاقه سی بار کبی کوریلماقده. لیکن ایککی تامانلمه مناسبت نینگ خواهله گن درجه گه باریشی اوچون عراق تامانی نینگ عملی ادیم آتیشی کیره ک.

 

   



علاقه لی ینگی لیکلر