سوریه ده ینگی جریان

سیاسی تحلیل

سوریه ده ینگی جریان

سوریه ده ینگی باسغیچ

روسیه دولت باشلیغی ولادیمیر پویتن نینگ دعوتی گه بناً سوچیده تورکیه جمهور رئیسی رجب طیب ایردوغان و ایران جمهور رئیسی حسن روحانی نینگ اشتراکی بیلن بیلن بولیب اوتگن 22 – نوامبرده گی جلسه بویوک علاقه بیلن تعقیب قیلیندی.  بیز هم پروگرامده بو موضوعنی و منطقه گه انعکاس لرینی هر تامانلمه تیکیشیریب چیقه میز.

منه ایندی شو توغریده آتاترک عالی بیلیم یورتی خلق ارا علاقه لر بولیمی اسیستانت لریدن دوکتور جمیل دوغاچ ایپک نینگ یازووینی تقدیم ایته میز.

روسیه دولت باشلیغی ولادیمیر پویتن نینگ دعوتی گه بناً سوچیده تورکیه جمهور رئیسی رجب طیب ایردوغان و ایران جمهور رئیسی حسن روحانی نینگ اشتراکی بیلن بیلن بولیب اوتگن 22 – نوامبرده گی جلسه خلق ارا مقیاسده بویوک علاقه بیلن تعقیب قیلیندی. در حقیقت سوچی، اوچ اولکه نینگ اوز ارا باشلتگن لیکن حاضرچه سوریه بوییچه آلیب باریلگن همکارلیک نینگ آستانه دن کیینگی آدیمی دیر.

سوچی بیلن 2016 تاریخیده گی آستانه جریانیدن بوگونگچه اوچ اولکه سوریه ده گی فرقلی منفعت مقاومتلریگه قره مه ی بوگونگچه ایجاد ایتیلگن مهم همکارلیک حادثه سینی خلق ارا مقیاسده کوریلیشی گه قرار قیلیندی. بونینگ اوچ تامان اوچون هم خواهلنگن لیگی قیزیق حادثه ایمس. چونکه بوگون سوریه ده اوچ ضامن اولکه نینگ بیش توقنه شووسیز منطقه ایجاد ایتگن لیگی و بو سایه ده اولکه ده آتش کیس نینگ بعضی بیر کم چیلیکلرگه قره مه ی دوام ایتیب تورگن لیگی سوریه اوچون قولگه کیریتلگن بویوک موفقیت دیر. 22 نوامبرده سوچیده ایران، روسیه و تورکیه نی بیر جایگه کیلتیرگن مهم خصوصیتلردن بیرته سی تامانلرنینگ سوریه نینگ تمامیت ارضینی محافظه ایتیشی توغریسیده هم فکر ایکنلیکلری دیر. بناً سوچی اوچره شووی نینگ آرتیدن اوچ رهبرنینگ سوریه ده تینچ لیک و برقرارلیکم نی تامین ایتیش اوچون سیاسی بیر کیلیشوو ایچیده ایکنلیکلرینی ایتیشلری آستانه کیلیشووی نینگ دوام ایتگنینی کورستماقده. باشقه تاماندن سوریه مسئله سی نینگ سیاسی تامانی نینگ جریانی گه قره گنده تامانلرنینگ جدی بیر کیلیشووگه بارگنلرینی کورستماقده. بناً اوچ رهبرنینگ مشترک مطبوعاتی کنفرانسی نینگ آرتیدن روسیه دولت رهبری پوتین نینگ سوریه لیکلرنینگ عاقبتینی سوریه لیکلر تعیین قیله دی دیب ایتیشی هم جوده مهم حادثه دیر.

حادثه گه سوریه تورکمنلری تامانیدن قره گنده تورکمنلرنینگ 2011 – ییلیدن بیری آلیب بارگن شرف و ایرکین لیک کوره شی ینگی بیر مرحله گه باردی. سوریه ده گی ایچکی سیاسی و عسکری توازن نینگ اوزگریشی و اورته شرقده گی منطقوی کوچ توازنی نینگ کیلگن نقطه گه قره گنده سوریه ده عسکری ییچیم گه کوره سیاسی ییچیم ایلگریده توره دی. بوگون سوریه تورکمنلری و اولرنینگ مشروع نماینده سی بولگن سوریه تورکمن مجلسی هم سیاسی همده دیپلوماتیک اوله راق سوریه ده تورکمن خلقی نینگ منفعتیدن محافظه قیلیش و کیلجگینی نینگ امنیتینی تامین ایتیش اوچون کیلگوسی جریانده سیاسی ییچیم میزیده بولیش اوئچون کوره شماقده.

هر حالده، تورکمنلر سوریه مخالفتی ایچیده تورلی جایلرده تمثیل قیلنماقده. لیکن بو جایلرده تورکمنلرنینگ حقلریدن محافظه قیلیش اوچون آلیب باریلگن کوره ش ییترلی ایمس.

سوریه تورکمنلری سوریه ده عربلرنینگ آرتیدن اینگ کوپ نفوس گه ایگه جمعیت دیر. سوریه تورکمنلری اوتگن جریان ایچیده اینگ بویوک ضرر کورگن گروپ دیر. هیچ بیر اتنیکی / مذهبی ترور تشکیلاتلری بیلن مناسبت تامین ایتمه گن و دایم سوریه نینگ تمامیت ارضیدن مدافعه قیلگن بیر جمعیت اوله راق تورکمنلر بوگون ایسه میزنینگ اطرافیده اوز حقیدن دفاع قیلماقچی. بو اولرنینگ حقی دیر. سوریه بیلن علاقه لی تورلی جلسه گه سوریه تورکمنلری نینگ اورین آلمس لیگی، او جلسه نینگ صمیمیت و مشروعیتینی محاکمه قیلیش گه باعث بوله دی.    

بو چوکاتده؛ سوریه ده گی برچه خلقلرنینگ تمثیل ایتیلیشی اعلان قیلینگن سوچیده بولیب اوتیشی ریجه لنگن سوریه ملی ملاقات کنگره سیگه سوریه تورکمن مجلسی، تورکمنلرنینگ نماینده لیگیده اشتراک ایتیشنی خواهله یدی. خودی شو اوچون برچه فعالیتلرنینگ الیب باریلگنینی بیله میز.

سوریه تورکمنلری نینگ سوچی قاله ویرسه ایریم جایلرده گی آماجی؛ سوریه نینگ تمامیت ارضی نینگ محافظه ایتیلیشی دایره سیده یازیله دیگن ینگی اساسی قانونده تورکمنلرنی تانووچی، حقلریدن محافظه ایتووچی بیر حقوقی جایگاهینی قولگه کیریتیش دیر. فکر قیله من تورکمنلرگه "قورووچی خلق" جایگاهی بیریله دی.

سوریه تورکمنلری بو مقصدیگه باریشی اوچون سوریه ده سیاسی استقرارنینگ تامین ایتیلیشی گه حصه قوشه دیگن برچه تامانلر بیلن ملاقاتگه تیار ایکنینی بیلدیردی. سوریه تورکمنلری نینگ بو توغریده گی یگانه قیزیل خطی سوریه نینگ و تورکیه نینگ خوفسیزلیگینی تعدید ایتووچی ترور تشکیلاتلری بیلن بیر جایگه اورین آلمس لیک دیر. بو معناده سوریه نینگ تمامیت ارضی گه قرشی تورلی واقعه لرگه قول اورگن رادیکال دینی/ مذهبی گروهلرنینگ سوریه نینگ کیلجگی تعیین بوله دیگن میزنینگ اطرافیده اورین آلمسلیکلری توغری بوله دی. تورکمنلر کیلگوسی جریان اوچون تورلی بولینگن ساختارگه قرشی ایکنلیکلرینی بیان ایتدیلر. بو توغری بیر حرکت دیر. بیراق اولکه نینگ تمامیت ارضی گه ضرر بیرووچی بیر قطار اتنیک/دینی گروپلرگه فدرال حالتی بیریلشی نینگ سلبی نتیجه لرگه باعث بولگنی عراقده تجربه قیلیندی. عراقده داعش نی یوزه چیقرگن اساسی سبب بو بولگن. تورکمنلرنینگ هیچ بیر شکلده فدرال طلبی بولمه گن، چونکه بونی اولکه نی بولیب یوباره دی دیب کورماقده لر. سوریه تورکمنلری، برچه خلق لر اوچون حق و استقلال گه ایگه بولگن بیر دولت خواهله یدیلر.   

 



علاقه لی ینگی لیکلر