دنیاده یوز بیریب تورگن قتل عاملر و غرب نینگ یانداشووی - 10

تورکیه و جهان کوز قره شی 10 بولیم

دنیاده یوز بیریب تورگن قتل عاملر و غرب نینگ یانداشووی - 10

«معتدل غرب» ضرورتی

تاریخشناسلیک اصلیده انسانیت اوچون قنچه‌لیک فایده‌لی فن بولیب حسابلنه‌دی. بیراق، افسوسکی تاریخدن عبرت آلیش ممکن ایمس. اوتمیشده روی بیرگن حادثه‌لر، عذاب-عقوبتلر، اولیملر، ظلملر قنچه‌لیک تیز اونوتیلیب کیتماقده.

انقره ییلدیریم بیاضید عالی بیلیم یورتی سیاسي بیلیملر فاکولته‌سی رئیسی پروفیسور دوکتور قدرت بلبل نینگ موضوعگه دایر ملاحظه‌لرینی اعتبارینگیزگه حواله‌ قیله‌میز.

وحشي غربدن معتدل غربگه…

غرب اوتگن عصرده ینه‌ هم کوپراق استثمار قیلیش مقصدیده قان و کوز یاشی توکیلیشیگه آلیب کیلگن ایکّی بویوک اوروشگه سبب بولدی. اوروشدن کیین، 1-و 2-جهان اوروشی نینگ تلفاتلریدن عبرت آلگن حالده، اساسن اروپاده مادیاتگه اساسلنگن سیاست آلیب بارووچی دورگه قدم باسدی. اروپا اتفاقیده شکللنگن همکارلیکنی، اورتاقلشیشنی، ایرکینلیکلرنی، انسان حقوقلرینی و دموکراسینی اساس قیلیب آلگن سیاست نه‌فقط اروپاگه بلکه‌ بوتون منطقه‌گه حضور آلیب کیلدی.

معتدل غربدن وحشي غربگه…

اما، بوگونگی جریانده تکرار تهدیدگه اساسلنگن دنیاگه گواه بولیب توریبمیز. امریکا قوشمه ایالتلری، شمالي کوریا و روسیه تامانیدن قیلینگن سونگی ایضاحلر گویا قرشی تاماننی یوق قیله‌دیگن درجه‌ده کیمیاوي و هستوی بمب‌لرگه کیم نینگ ایگه‌دارلیک قیلگنی، کیم نینگ ینه‌ هم آلدینراق حرکت قیلیشی کبی مسابقه‌گه ایلندی.

غربده‌گی انسان حقلری، ایرکینلیکلر، اکثریت لیک، اعتقاد ایرکینلیگی، فرقلی حیات طرزیگه حرمت کورسه‌تیش کبی حالتلر کوندن کونگه‌ سلبي توس آلیب بارماقده.

اسلام و مهاجر دشمن لیگی کوندن کونگه‌ اوج آلیب بارماقده. آلمان ایچکی ایشلر وزیرلیگی معلوماتیگه کوره‌، آلمان‌ده 2017 ییلده مسلمانلرگه قرشی توپلم 950 مرته‌ هجوم صادر ایتیلگن. (http://www.spiegel.de)

بیر ییلده 950 ته هجوم! بیر شرق، لاتین یاکه مسلمان اولکه سیده بو مقدار نینگ 100 دن 1 فایزی (9-10 هجوم) عیسوی ویا یهودیلرگه قره ته هجوم قیلینگنده ایدی، دنیا نینگ قنده‌ی قرشیلیک کورسه‌تیشینی تخمین قیلسنگیز کیره‌ک. شبهه‌سیز، بونده‌ی وضعیتنی هیچ کیم خواهله‌مه‌یدی. غربده‌گی تاره‌ییش و هجوملر باشقه‌ منطقه‌لر اوچون هیچ قچان اورنَک بولمسلیگی کیره‌ک.

غرب مملکتلرده مسلمانلرگه نسبتاً هجوملر افسوسکی، فقط‌گینه آلمانه‌گه خاص نرسه‌ ایمس. غرب مملکتلریده بونده‌ی حالت روی بیرگنده یشیریلماقده. اروپا و امریکا قوشمه ایالتلری تاریخیده فرقلی حیات طرزیگه ایگه‌ بولگنلر اوزلرینی هیچ قچان بو قدر تهدید آستیده دیب حس قیلمه‌گن ایدی.

کونیمیزده کوپلب غرب دولتلری مظلوملرگه، کیمسه‌سیز انسانلرگه، قاچقینلرگه اوته‌ قیینچیلیک بیلن باش‌پناه‌ بیرر ایکن،ترور تشکیلاتی فتح الله چی حرکتی، PKK، DHKPC کبی انسانیت قاتلی بولگن ترور تشکیلاتلری اعضالریگه باش‌پناه‌ بیریش اوچون علاجی باریچه امکان یره‌تماقده. بعضی غرب دولتلریدن تشقری، دنیاده تروریستلر نینگ گویا باش‌پناه‌سیگه ایلنگن باشقه‌ دولت بارمی؟

قاله‌ویرسه، غربده‌گی ایرکینلیک طرفداری، اکثریتچی، دموکرا‌ت طبقه‌لر نینگ آوازی تاباره‌ په‌سه‌ییب بارماقده. اینگ اچینرلیشی شوکی، غربده‌گی ایرکینلیک طرفداری، اکثریتچی، دموکرا‌ت ایمس، بلکه‌ عرقچی، فاشیست و نازیست حزبلرنینگ طرفدارلری کوپه‌یماقده و بو حزبلر بعضی دولتلرده حکومتنی مشترک آلیب بارماقده‌لر. ایندی غرب دولتلریده اعتبارسیز، جمعیتده‌گی اوزگه‌چه‌لیکلرگه، قوشنی دولتلرگه، منطقه‌سیگه و باشقه‌ دولتلرگه نسبتاً تهدید ساله‌دیگن ییتکچیلرنی اوچره‌تیش ممکن.

وحشي غرب یاکه تاریخ نینگ پایانی…

عامه‌وي روشده انسانیتنی یوق قیلیب یوباره‌دیگن غربده‌گی هستوي و کیمیاوي بمب‌لر اولر نینگ قولیگه توشیب قالگنلیگینی بیر تصور قیلیب کورینگ. تینچلیک، همکارلیک، تینگلیک، عدالت، ایرکینلیک، انسان حقلری کبی توشونچه‌لر ایمس، نفرت، چیتله‌تیش، یکّه‌لش، اَیریمچیلیک، یوق قیلیش کبی توشونچه‌لر تأثیریده اوزی بیلن بیر-خیل فکرگه ایگه‌ بولمه‌گنلرنی انسان اورنیگه قویمه‌گن افراطی غرب ییتکچیلری بو قوراللرنی قنده‌ی ایشگه ساله‌دی؟

حتا، بونی حیالیمیزگه هم کیلتیریش دهشتدیر. انساننی لرزه‌گه ساله‌دی. بو قوراللر نینگ 1- و 2-جهان اوروشی اثناسیده بونچه‌لیک دهشتلی بولمه‌گن حالده یوزه‌گه چیقرگن تلفاتلری برچه‌میزگه معلوم. بوگونگی کونده‌ عامه‌وي یوق قیلیش کوچینی حسابگه آله‌دیگن بولسه‌ک، اوشبو عامه‌وي قیرغین قوراللری نینگ افراطی آقیملر قولیگه توشیب قالگن تقدیرده، قیامت بولیشی کوریلیب تورگن گپ.

بوگونکی کونده، بعضی جادوگرلر شو وقتدن «الله نینگ قولیدن قیامتنی آلیشگه» یاکه «الله نی قیامت صادر ایتیشگه مجبورلش»گه دایر مقاله‌لر یازه باشله‌دیلر.

بوگون جمعیتده‌گی اوزگه‌چه‌لیکلرنی یوق قیلیش اوچون انسان حقوقلریگه، ایرکینلیکلریگه، عالم‌شمول قدریتلرگه ضد هر قنده‌ی عملنی روا کورگنلر بو تهدیدنی ایشگه سالگچ، ساکن قاله‌دیلرمی؟

تاریخ بو نینگ عکسینی ذکر ایته‌دی. یهودي قتل عامیدن کیین بو توشونچه‌گه ایگه‌ بولگن انسانلر نینگ اوز دولتینی و منطقه‌سینی قنچه‌لیک اوتگه تشله‌گنلیگی برچه‌میزگه معلوم.

«معتدل غرب» ضرورتی…

غربده‌گی وضعیتدن کیلیب چیقه‌دیگن تهدید قنچه‌لیک یقین ایکن، «معتدل غرب» ایمس، بلکه‌ «معتدل اسلام» تارتیشوولری کونیمیزده محاکمه‌گه ایلندی. معتدل اسلام ایریم بیر یازوو موضوعی دیر. و حالان‌که، اروپا و امریکاده‌گی افراطی اوزگریشلر برچه‌نی خواطرگه سالماقده. بو افراطی نه‌فقط بعضی دولتلرگه، بلکه‌ بوتون دنیاگه خوف سالماقده. بو معناده اروپاده مرکزی راست و مرکزی چپگرا حزبلر طرفدارلری نینگ آوازلرینی قولدن بای بیریشی، ایرکینلیک طرفداری، اکثریتچی، دیموکرا‌ت طبقه‌لر نینگ آوازی تاباره‌ په‌سه‌یگنلیگی فقط‌گینه، اروپا نینگ کیله‌جگی اوچون‌گینه خوفلی ایمس.

رادیکال آقیملرگه تسلیم بولگن اروپا نینگ قنچه‌لیک ساوریلگنلیگینی اوتگن عصرده گواهی بولدیک. شو سببلی، ییر یوزی نینگ ایرکینلیک طرفداری و تینچلیک‌سیور طبقه‌لری دنیاده تینچلیک حکم سوریشی اوچون «معتدل غرب» بیلن همکارلیک قیلیشی مقصدگه موافق بوله‌دی.

انکره ییلدیریم بیاضید عالی بیلم یورتی سیاسي بیلیملر فاکولته‌سی رئیسی پروفیسور دوکتور بلبل نینگ موضوعگه دایر ملاحظه‌لرینی اعتبارینگیزگه حواله‌ قیلدیک.



علاقه لی ینگی لیکلر