مدافعه صنایع ده ملی پروژه لر

برنامه

مدافعه صنایع ده ملی پروژه لر

مدافعه صنایع ده ملی پروژه لر

تورکيه‌ نینگ آخرگی ییللرده مدافعه‌ صناعتیده عملگه آشیرگن مهم‌ تشبثلری نینگ نتیجه‌سی حربي عملیاتلرده سیزیله باشله‌دی. مملکت حدودلریده تروریست گروهلرگه قرشی کوره‌شدن تشقری، فرات قلقانی عملیاتی بیلن باشلنگن و زیتون یاله ‌سی حربي عملیاتی بیلن دوام ایتگن موفقیتلی عملیات‌لرده محلي و ملي مدافعه‌ تکنالوژي‌لری قوللنیلدی. محلي قوراللر، İHA ، SİHA قوراللی اوچووچیسیز هوا واسطه‌لری بوتون دنیا نینگ دقّتینی اوزیگه جلب قیلدی.

اوّللری، مدافعه‌ صناعتیده کتّه‌ درجه‌ده خارجگه تابع بولگن تورکيه ایندیلیکده‌ ملي کیمه‌سینی، تانکینی، ملي رادارینی، اوچووچیسیز هوا واسطه‌لرینی، ملي قوراللرینی ایشلب چیقرماقده و فضاگه ماهواره سینی جونه‌تماقده.

تورکيه‌ده مدافعه‌ صناعتیده قولگه کیریتیلگن بو یوتوقلر مدافعه‌ صناعتی کمپنیلری بیلن حربي مؤسسه‌لرده خدمت قیلگن خادملر نینگ حصه‌لری و اینیقسه‌، آخرگی 15 ییلدن بیری تشلنگن قدملرنی عاقلانه باشقه‌ریش نینگ نتیجه‌سیدیر.

نوری دیمیراغ: «ظفر بورگوتی تیاره قناتی نینگ اوستیگه قوندی»

تورکيه مدافعه‌ صناعتی تاریخیگه نظر تشله‌یدیگن بولسه‌ک، مدافعه‌ صناعتی اصلیده کتّه‌ خدمتلرگه و فداکارلیکلرگه قره‌مه‌ی، باشقرووچیلر تامانیدن ییترلیچه قوللب قوّتلنمه‌گن ساحه‌ بولیب کیلدی. 1930 ییللرده تورکيه‌ نینگ ایلغار تشبثکارلریدن بیری نوری دیمیراغ نینگ حیات حکایه‌سی محلي صناعتده ییللر مابینیده‌ کوزلنگن مقصدگه ایریشیلمه‌گنلیگینی کورسه‌ته‌دی. او مملکتنی تیمیر یوللری ترماغی بیلن تأمینله‌گنلیگی اوچون «دیمیراغ» یعنی «تیمیر ترماغیی» تخلصینی آلدی. مملکتنی قَیته تیکلش اوچون اونلب اولکن پروژه‌لرنی عملگه آشیردی. 1939 ییلده اوچاق ایشلب چیقریب، اَکوک (آسمان) مکتبینی آچیشگه موفق بولدی. اونلب اوچووچیلرنی ییتیشتیریب چیقردی. نوری دیمیراغ «ظفر نیزه‌ نینگ اوچیده ایمس، ظفر بورگوتی هواده پرزاو قیلیب، تیاره قناتی نینگ اوستیگه قوندی» دیگن حالده اوشه‌ دورلرده کوکلرده پرواز قیلیش نینگ قنچه‌لیک مهم‌ ایکنلیگینی انگله‌تدی. انگله‌تیب‌گینه قالمسدن، بونی عملده اثباتلش اوچون اوچاق فابریکه سینی قوردی. 1939 ییلده کوکلرده پرواز قیلگن بیرینچی محلي اوچاقنی ایشلب چیقریشگه موفق بولدی.

بیراق، اونینگ باشیگه توشگن ایشلر قیزیق ایدی. اوّلراق مملکتده انرژی احتیاجینی تأمینلش اوچون 1933 - ییلده «کبان سوو بندی» پروژه‌سینی دور نینگ فواعد عامه وزیری علی چیتین قایا‌گه تقدیم ایتر ایکن، جوده‌ یامان معامله‌گه دوچ کیلدی. علی چیتین قایا اوز دوریده استقلال محکمه لریده خدمت کورسه‌تگن شخصلردن بیری دیر. دیمیراغ اوز پروژه‌سینی تقدیم ایتر ایکن، وزیر «-خه، نوری بیی سوو بندی قورماقچی بولیبسن. قنده‌ی قوره‌سن؟ کیم بیلن قوره‌سن؟ بونچه‌لیک کتّه‌ ایشنی قنده‌ی عهده‌له‌یسن؟ قوردینگ هم دییلیک، او ییردن آلینگن انرژینی کیمگه ساته‌سن؟» دییه سوووقلیک بیلن مناسبت بیلدیره‌دی.

اوز انجنیرلری بیلن کیلگن دیمیراغ بو جوابلرگه تیار ایدی. چونکه‌، اونینگ حساباتیده بو سواللر نینگ برچه‌سیگه جواب موجود ایدی. بونگه قره‌مه‌ی وزیر موضوعگه بی‌تفاوت ایدی. دیمیرا‌غ: «بو مسأله‌ مملکت کیله‌جگیدیر» دیییشی بیلن وزیر اونینگ سوزینی بولیب، شونده‌ی دیدی.

«مملکت نینگ کیله‌جگینی اویلش سینگه قالدیمی؟ اونی بیز اویله‌یمیز»،-دییه جیرکیب تشله‌یدی. 1933 ییلده پروژه‌سی تماملنگن «کبان سوو بندی» 1966 ییلده تکرار مطرح بوله‌دی و قوریلیشی 10 ییل دوام ایته‌دی.

دور نینگ بی تفاوت اداره چیلری طفیلی شونقه مهم‌ پروژه‌ تخمیناً 33 ییل آره‌دن سونگ قوریله باشله‌یدی.

نوری دیمیراغ 1939 ییلده دستلبکی ملي اوچاقینی ایشلب چیقردی

1935 ییلده مملکت احتیاجی گه بناً ضرور بولگن اوچاقلرنی ساتیب آلیش اوچون فعالیت باشلنه‌دی. 10 مینگ لیره‌دن کوپراق کمک قیلگنلر نینگ اسمی اوچاققه قوییلردی. نوری دیمیراغ ایسه، کمک قیلیش اورنیگه بوتون مال-ملکینی ملي اوچاقنی ایشلب چیقریش اوچون صرفلشگه قرار بیره‌دی. اوشه‌ کونگچه محنت قیلیب تاپگن بار پولیگه «خلق نینگ امانتی» صفتیده قره‌یدی. «اروپا و امریکادن اجازه نامه‌لر آلیب، اوچاق یه‌سه‌شنی» تقلید‌چیلیک دیب اویله‌یدی و اوچاق یه‌سه‌شده بوتونله‌ی «تورک مودلی»نی ایشلب چیقه ریشگه کیریشه‌دی.

1936- ییلی بیشیکتاشده فابریکه نینگ تیملینی قویدی. دیوریغیده‌ قوریله دیگن فابریکه بیلن موجود آتاتورک قونلغه سی بولگن جایده اوچاقلر اوچون هوا میدانی قوریش فعالیتلری باشله‌تیلدی.

1937-ییلی تورک هوا اداره سی تامانیدن اویوشتیریلگن 10 فروند حربي اوچاقی بیلن 65 فروند ماشینسیز اوچاق خرید قیلگن دیمیردا‌غ و گروهی کیچه‌ کوندوز تینمه‌ی ایشله‌یاتگن ایدی. 1938- ییلی آتاتورک نینگ وفاتیدن کیین اولکه‌ده سیاسي کیلیشماوسیزلیکلر باشلنگن. 1939- ییلگی شرطلر و تورک هوا اداره سی پیلوتلری نینگ ایجابي راپوریگه قره‌مه‌سدن اوچاقلر رد ایتیلدی. بیر اوچاق ایسکی شهرده تار میدانده قونیش مجبوريتیده قالگنی اوچون هلاکتگه اوچره‌گن. تورک هوا اداره سی هلاکت نینگ تخنیکي سببلر طفیلی میدانگه کیلگنینی ایلگری سوریب خرید قیلیشنی توخته‌تگندیر. دیمیردا‌غ نینگ او دورده‌گی برچه‌ اداره چیبلرگه مکتوب یازیب تیرگاو قوزغه‌تیشی ثمره‌ بیرمه‌گن. اولکه‌ نینگ کیله‌جگی جهتیدن مهم‌ پروژه‌لردن بیری سیاسي کیلیشماوسیزلیکلر طفیلی زیان بولدی.

باشلنغیچ و اساسي تعلیم سفرلرینی رواجلنتیریش پروژه‌سی (حُرقوش)

حاضرگی کونده‌ اولکه باشقرووچیلری نینگ تأثیری و تیگیشلی تشکیلاتلر حمایه‌سیده مدافعه‌ پروژه‌لری اجرا ایتیلماقده. حُرقوش نینگ نمونه ایشلب چیقریشی هم تماملنگندیر. اوستیده فعالیتلر دوام ایتگن ایلک ملي اوچاغیمیز 2023- ییلی سمالرده پرواز قیلیشی اوچون فعالیت دوام ایتماقده. اروپا ناحربي هواچیلیک تشکیلاتلریدن سیرتیفیکیت آلگن تورک اوچاغی حُرقوشدن 2 ته نمونه ایشلب چیقریلگندیر. حُرقوش، حربي و ناحربي هواچیلیکده احتياجلرگه جواب بیریش مقصدیده اوزیگه خاص ایشلب چیقریلگندیر. شونینگدیک حُرقوش-c لرگه هم قورال اورنه‌تیش فعالیتلری دوام ایتماقده.

ملي جنگ آور اوچاق پروژه‌سی

ملي جنگ آور اوچاق پروژه‌سی هوا کوچلری قوماندانلیگی نینگ 2030-ییلدن کیینگی اوچاق مملکت ایچیده خاص مودلی بیلن بوتون احتياجلریگه جواب بیره‌دیگن خصوصیتده بوله‌دی. محلي صنایع محصوللری عظمی سویه ده ایش آلینگن تورکیه گه خاص مودل فعالیتلری دوام ایتماقده. بو دایره‌ده ایلک سفر نینگ 2023- ییلی اویوشتیریلیشی کوتیلماقده.

F -35 مشترک هجوم اوچاقی

ینگی F -35 اوچاقی بیشینچی نسل، بیر پیلوت و بیر ماشین بیلن کوپ مقصدلی حربي اوچاقنی پروژه‌لشتیریش و ایشلب چیقریش، امریکا قوشمه ایالتلری باشچیلیگیده خلق‌ارا کانسارسیوم (امریکا قوشمه ایالتلری، انگلستان، ایتا‌ليا، تورکيه، هلند، کانادا، اوسترالیا، ناروي و دنمارک) تامانیدن آلیب باریلماقده. تورکيه هم جای آلگن پروژه‌ده 100 اوچاق آلیش بیلن دقتلرنی اوزیگه جلب ایتگن. تورکيه شریک بولگن F -35 پروژه‌سی دایره‌سیده بیرینچی اوچاقنی 21-جون کونی تیکسا‌س-فارت وارتده مراسم بیلن آلدی. منه‌ شو وقت پیلوتلر امریکا قوشمه ایالتلریده تعلیمینی باشله‌تگن بولیب بو نینگ یکونلنیشی بیلن پرواز قیلیشگه باشله‌یدی.

تورکيه F -35لر اوچون اروپاده ماشین و اورته بیل ترمیم قیلیش مرکزیگه ایلنه‌دی. F -35 اوچاقلری نینگ اینگ قیین بولیملریدن بیری بولگن «اورته‌ گوده‌سی» امریکا قوشمه ایالتلریدن تشقری فقط تورکيه‌ده ایشلب چیقریله‌دی. شونینگدیک F -35 A/B/C Kompozit Komponentler ، F -35 هوا-ییردن تشقری یوک تاشووچی-پایلون هم تورکيه‌ده ایشلب چیقریلماقده. TUBİTAK SAGE تامانیدن توزیلگن راکیتسان ایشلب چیقرگن SOM-J نینگ F -35 تورکيه‌گه کوره‌ ماسلشتیریلماقده.

دولت حمایه قیلگن پروژه‌لر عملی بولیب بارر ایکن دولت توسقینلیق قیلگن پروژه‌لر حیاتگه تطبیق ایتیلمه‌گندیر. حیاتگه تطبیق ایتیشگه موافق بولگن پروژه‌لر نینگ حکایه‌لرینی توشنتیریشگه دوام ایته‌میز.



علاقه لی ینگی لیکلر