ترامپ و پوتین نینگ هلسینکی جلسه سی بوییچه بیر تحلیل

تحلیل تیکشیروو 31

ترامپ و پوتین نینگ هلسینکی جلسه سی بوییچه بیر تحلیل

ترامپ و پوتین نینگ هلسینکی جلسه سی بوییچه بیر تحلیل

امریکا قوشمه‌ ایالتلری دولت باشلیغی دونالد ترامپ بیلن روسیه دولت رهبری ولادیمیر پوتین نینگ هلسینکیده اوتکزگن اوچره‌شووی، بیر نیچه‌ جهتدن کتّه‌ اهمیت کسب ایته‌دی. چونکه‌ ایکّله‌ مملکت اورته‌سیده‌گی مناسبت آخرگی کونلرده انچه‌ ساووب کیتگن ایدی. پوتین بیلن ترامپ اوتکزگن اوچره‌شوو نینگ کون ترتیبیده هستوي قورال دستوری، روسیه‌ نینگ امریکا قوشمه ایالتلری سیلاولریگه اره‌لشووی، انرژی سیاستی، سوريه و چین مسأله‌لری ا‌ورین آلدی.

تاریخده سوویت بیرلیگی بیلن امریکا قوشمه‌ ایالتلری اورته‌سیده‌گی ساووقلیک اوج آلگن وقتده ایکّله‌ مملکت نینگ مذاکره‌ اوتکزیشی اوچون فنلند طرفسیز بیر منطقه‌ دیب تنلنگن ایدی. ترامپ و پوتین بو عنعنه‌گه عمل قیلگن حالده اوچره‌شوولرینی فنلند‌ده اوتکزدی. فنلند‌ نینگ میزبانلیگیده بولیب اوتگن اوچره‌شوو نه ‌فقط ایکّله‌ مملکت مناسبتلری اوچون بلکه‌ دنیا اوچون هم کتته‌ اهمیت کسب ایتدی.

جهان مطبوعات واسطه‌سی تامانیدن انچه قیزیقیش بیلن کوزه‌تیلگن اوچره‌شوولر آرتیدن ایکّله‌ مملکت رهبری مطبوعاتگه بیانات بیردی. ترامپ نینگ بیانات بیریش چاغیده‌گی حال-حرکتی امریکا قوشمه ایالتلری مطبوعاتی و مهم‌ امریکالیک سیاستچیلر تامانیدن انچه‌ تنقید قیلیندی. امریکا قوشمه ایالتلری دولت باشلیغی دونالد ترامپگه روسیه‌ نینگ امریکاده‌گی سیلاولرگه اره‌لشووی حقیده بیریلگن سوالگه ترامپ نینگ، روسیه دولت رهبری ولادیمیر پوتین نینگ یانیده امریکا تشکیلاتلرینی تنقید قیلیب، کوپراق روسیه‌ نینگ افاده‌لریگه ایشانگنلیگی حقیده‌گی معامله‌سی کتّه‌ اعتراضگه یول آچدی. دونالد ترامپ آرتیدن هلسینکیده‌گی ییغیلیشده « wouldn’t» اورنیگه اده‌شیب « would» دیگنلیگینی و بو آرقه‌لی ناتوغری بیانات بیرگنلیگینی ایسله‌تگن حالده، اوز بیاناتینی توزه‌تدی.

امریکالیکلر نینگ کوپچیلیگی ترامپ و پوتین نینگ اوچره‌شووینی تنقید ایتیشی گه قره‌مه‌ی امریکا قوشمه ایالتلری بیلن روسیه خلق‌ارا جیوپولیتیک اوستیدن مهم‌ مسأله‌لرنی قولگه آلدی. چین اوستیدن عملگه آشیرگن مذاکره‌لر اولر آره‌سیدن اینگ اساسي موضوعلر ایدی دیسه‌ک‌ بوله‌دی. امریکا قوشمه ایالتلری نینگ چین محصولاتلریگه نسبتاً اقتصادي اوروش آلیب باره‌یاتگندیک چیکلاو کیریتیش حقیده‌گی قراری امریکا قوشمه ایالتلری و چین اورته‌سیده ساووقلیک یره‌تگن ایدی. هلسینکیده‌گی اوچره‌شووده امریکا قوشمه ایالتلری و روسیه اورته‌سیده چینگه قرشی شریکلیک تشکیل ایتیش نیتی اولچه‌ب کوریلدی. لیکن روسیه و امریکا قوشمه ایالتلری چینگه قرشی همکارلیک قیلیشدن انچه‌ اوزاق ایکنلیگینی ایتیشیمیز ممکن.

هلسینکیده کون ترتیبیگه آلینگن ایکّینچی مسأله‌ ایسه سوريه ایدی. امریکا قوشمه ایالتلری و روسیه شو دایره‌ده اینگ کوپ جنوبي سوريه‌ده‌گی وضعیتنی محاکمه‌ قیلیب، اسرائیل نینگ خوفسیزلیگی و ایران نینگ جنوبي سوريه‌ده‌گی اورنینی قولگه آلدیلر. ولادیمیر پوتین اسرائیل و سوريه تیزیمی اورته‌سیده 1974-ییل ده گی شرطنامه‌ اساسیده کیلیشیب آلینیشی نینگ ممکنلیگینی قید ایتدی.

امریکا قوشمه ایالتلری دولت باشلیغی دونالد ترامپ ایسه امریکا قوشمه‌ ایالتلری نینگ ایران نینگ سوريه‌ده‌گی موجوديتینی قبول قیلمسلیگینی تأکیدله‌دی لیکن ایرانگه قرشی سوريه‌ده قنده‌ی فعالیت آلیب باریشی مسأله‌سیگه اصلا اشاره قیلمه‌دی.

ایکّله‌ مملکت رهبرلری اورته‌سیده بولیب اوتگن ییغیلیش ناتو جلسه سیدن کیین اوتکزیلدی. ناتو ییغیلیشیده آلمان نینگ روسیه‌گه «شمالي آقیم 2» پروژه ‌سی آرقه‌لی انرژی سیاستلری جهتیدن باغلیق ایکنلیگینی تنقید قیلگن دونالد ترامپ، هلسینکیده‌گی بیاناتیده، بو قرار نینگ آلمانگه عاید ایکنلیگینی افاده‌ ایتدی. روسیه دولت رهبری ولادیمیر پوتین ایسه خلق آلدیده امریکا قوشمه ایالتلریگه، خلق‌ارا بازارده‌گی طبيعي گاز نرخلرینی بیرگه‌لیکده بیلگیلب آلیشنی تکرار تکلیف قیلدی. چونکه‌ روسیه اقتصادیاتی طبيعي گاز صادراتیگه باغلیق بولگنی اوچون خلق‌ارا بازارده‌گی انرژی نرخلری توغریدن-توغری روسیه اقتصادیگه تأثیر قیله‌دی. 

هلسینکیده قولگه آلینگن کون ترتیبی مسأله‌لریدن ینه‌ بیری ایسه هستوي قورال مسأله‌سی ایدی. امریکا قوشمه ایالتلری و روسیه دنیاده‌گی برچه‌ هستوي قوراللر نینگ 90 فایزیگه ایگه‌دیر. ایکّله‌ مملکت رهبری نینگ مذکور اوچره‌شوولریده دنیاده‌گی هستوي قورالنی کمه‌یتیریش اوچون امریکا قوشمه ایالتلری و روسیه اورته‌سیده‌گی شرطنامه‌ نینگ دوام ایتتیریلیشی اوچون قرار قبول قیلیند.

هلسینکی ییغیلیشی روسیه و امریکا قوشمه‌ ایالتلری اورته‌سیده‌گی ساووقولیکنی بوتونله‌ی برطرف قیلمسه‌ هم ایکّی مملکت رهبری نینگ طرفسیز بیر منطقه ده اوچره‌شوو اوتکزیشی و بیر نیچه‌ مسأله‌ اوستیده فکر المشیشی ایکّله‌ مملکت اورته‌سیده‌گی مناسبتلر نینگ سَل بولسه هم قَیته تیکلنیشیگه یول آچدی.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.

 

 


لیبل: تحلیل

علاقه لی ینگی لیکلر