مدافعه صنایع ده ملی پروژه لر 3

برنامه

مدافعه صنایع ده ملی پروژه لر 3

مدافعه صنایع ده ملی پروژه لر

ترور بیلن کوره‌شده خودکوشلیک قیلیش قابلیتیگه ایگه‌ بولگن درونه لرنی  تورکيه،  امریکا قوشمه ایالتلریدن ساتیب  آلماقچی بولیب مراجعت قیلدی  فقط امریکا قوشمه ایالتلری  ساتیشنی قبول قیلمه‌دی . تورکيه بوگون دستلبکی ملي کمیکازه İHA اوچووچیسیز هوا واسطه‌لری الپاگو بیلن کرگو و نظارت مقصدی بیلن توگننی ایشلب چیقریشگه  باشله‌دی.

تورک حربي-کسبه اویوشمه‌سی (صندوق تعاون) تعلیم بوییچه‌ مدیری ترکا‌ن زنگین نینگ موضوعگه دایره‌ فکر و ملاحظه‌لرینی اعتبارینگیزگه حواله‌  قیله‌میز.

تورکيه آخرگی ییللرده مدافعه‌ سکتوریده ایشلب چیقرگن ینگی ملي محصولاتلر بیلن اوزیگه  دقّت  قره‌تماقده. سینما سکتوریده هوادن تصویرگه توشیره‌دیگن کمره نی تشووچی « درونه لر» ایندی کوپلب ساحه‌ده فایده‌لنیلماقده. بو دایره‌ده ترورچیلیک که قرشی کوره‌شده جوده‌ مهم‌ درونه لر یاکه اوچووچیسیز هوا واسطه‌لری محلي امکانیتلر بیلن  ایشلب چیقریلماقده. ترورگه قرشی کوره‌شده خودکشلیک هجوملر  قیله آله‌دیگن درونه لرنی  تورکيه، امریکا قوشمه ایالتلریدن ساتیب  آلماقچی بولدی فقط  اولر ساتیشگه راضی بولمه‌دی. امریکا قوشمه ایالتلری، ترور بیلن کوره‌شده تأثیرلی  بولگن اوشبو محصولاتلرنی  ستراتیژیک  شیریگی بولگن تورکيه‌گه ساتمسلیگی حیرت بیرووچی   بیر  حالت ایدی. اولکه‌میز بو وضعیتدن فایده‌لنیب محلي درونه لرنی ایشلب چیقریب فایده‌لنیشگه باشله‌دی. تورکيه ملي محصولاتینی، اوز انسانی منبعسی بیلن محلي امکانیتلر درجه‌سیده سرعت بیلن ایشلب چیقریشگه باشله‌دی.حتا  بو محصولاتلرنی ساتیب آلیش اوچون اولکه‌لردن  هم  بویورتمه‌لر کیله باشله یشی ایسه تورکيه‌ نینگ بو موضوعده‌گی موفقیتی نینگ  مهم‌ کورسه‌تکیچلریدن بیری حسابلنه‌دی. تورکيه، دنیاده بونگه اوخشه‌ش « کمیکازه اوچووچیسیز هوا واسطه‌لری»  ایشلب چیقره‌دیگن 3 اولکه‌دن بیری وضعیتیگه کیلدی.

تورکيه، اوچووچیسیز  هوا واسطه‌لری تکنالوژي‌سیده مهم‌ بیر سویه‌گه کیلدی.تورکيه‌ نینگ کوک یوزیده‌گی ینگی عسکرلری صفتیده بهاله‌گن « کمیکازه قوراللی اوچووچیسیز هوا واسطه‌لری» سرعت بیلن ایشلب چیقریشگه باشلندی و خوفسیزلیک کوچلری تامانیدن فایده‌لنیشگه باشلنگن دیر. STM تامانیدن ملي قورال صفتیده کشف قیلینگن و ایشلب چیقریلگن اوچ اوچووچیسیز هوا واسطه‌دن بحث ایته‌یلیک. بولر، الپاگو( خودمختار تاکتیک‌ اورووچی برقرار قناتلی)  کر‌گو( خودمختار ایلنه‌دیگن  قناتلی اورووچی) و توگان( خودمختار  ایلنه‌دیگن قناتلی کشف تیزیمی)دیر. STM ( مدافعه‌ تکنالوژي‌لری مهندسلیک و سودا سهامی شرکتی)،تورک قوراللی کوچلری و مدافعه‌ صناعت مصلحت چیلیگی گه (SSM) تیزیمی مهندسلیگی  تورک قوراللی کوچلری و مدافعه‌ صناعت مصلحتچیلیگی (SSM) تیزیم مهندسلیگی، تخنیکي حمایه‌ و  لایحه‌ میتودی، تکنالوژیک  ترا‌نسفری  کبی وظیفه‌لرینی بجا کیلتیریش مقصدی بیلن مدافعه‌ صناعت اجرا کمیته سی قراری بیلن تشکیل تاپگن بیر تشکیلاتدیر.

تورکيه‌ نینگ دستلبکی کمیکازه و نظارت ایهالری 2017- ییلی نوامبر آییدن اعتباراً مخصوص کوچلر قوماندانلیگیگه و دینگیز کوچلری قوماندانلیگیگه تسلیم ایتیله باشله‌گن ایدی. ملي کمیکازه اوچووچیسیز هوا واسطه‌سی، کرگو، عفرینده‌گی زیتون  یاله سی حرکتیده  قوللنگن. اوزیدن قاچگن 5 نفرلیک تروریست گروهنی تعقیب ایتگن کرگو، پی کاکالیکلرگه اینگ کوپ یقینلشگن نقطه‌ده پارتلب هدف گروهنی یوق قیلگن ایدی. کرگو سویه‌سیده مخصوص کوچلر خادیمی، تروریستلرنی 5 کیلومتر اوزاقدن یوق قیلدی. عفریندن کیین حاضر قندیلده‌گی تروریستلرنینگ دهشتلی  بلاسی حالیگه کیلدی.

الپاگو ( خودمختار تاکتیک‌ اورووچی ثابت قناتلی İHA)

ملي درونه لر بوگونکی کونگچه اسیمیتریک اوروش و ترور بیلن کوره‌ش عملیاتیده اینگ کوچلی اوریش واسطه‌لریدن حسابلنه‌دی. الپاگو نینگ معناسی « فقط اوزی دشمنگه هجوم قیلگن ییگیت»  معناسیده‌دیر. بیر نفر عسکر تامانیدن آلیب باریله‌دیگن واسطه‌، هذفنی یوق قیلیش وظیفه‌سینی اجرا ایته آله‌دی.

ایشلب چیقرووچی بولگن STM گه کوره‌ بعضی تخنیکي خصوصیت شونلر: کشف  کوزه‌تیش و کیچیک اولچملی تهدیدلرنی یوق قیلیش قابلیتی بولگن ثابت قناتلی ملي اورووچی اوچووچیسیز İHA هوا واسطه‌دیر. الپاگو اوزی نینگ انیق و رئال وقتده تصویرنی قَیته ایشلش و چوقور اورگنیش الگاریتملری بیلن قتّيق یاکه حرکتلنه‌دیگن مقصدلرگه نسبتاً ثمره‌لی ایشله‌تیلیشی ممکن.

کرگو (خودمختار ایلنه‌دیگن قناتلی اورووچی İHA)

کرگو نینگ معناسی «تاغ باشیده‌گی کوزه‌تیش قلعه سی» یاکه « لاچین»  دیماقدیر.

ایلنه‌دیگن قناتلی»  کمیکازه قورال درونه» صفتیده هم اته‌لماقده. ایشلب چیقرووچی بولگن ستمگه کوره‌، کرگو نینگ بعضی تخنیکي خصوصیتلری شونده‌ی:

کرگو، خودمختار یاکه اوزاقدن باشقه‌ریش بیلن ایشله‌یدی، ایلنه‌دیگن قناتلی ملي  اورووچی İHA ‌دیر.

 تیزیم، «اورووچی ایلنه‌دیگن قناتلی ایهه (vİHA)» و « ییردن باشقه‌ریش  بولیمیدن » تشکیل تاپماقده. کرگو، کوندوز و کیچه‌ فعال عملیات‌ قابلیتیگه ایگه‌دیر.

فرقلی  اوق- دارو الترناتیف لری بیلن حرکت  هدفلریگه باغلنیش امکانیتی باردیر. اوزینی یوق قیلیشی قابلیتی بیلن بیر قطارده  بلندلیکده  اوزینی یوق ایتیش قابلیتیگه ایگه‌.

توگان( اوتومون ایلنه‌دیگن قناتلی کشف İHA تیزیم)

توگان، نامی «کوچلی کوزلری بیلن صفتلی نظارت قابلیتی، کوچلی قناتلری بیلن هواده دایره‌ چیزیش  ظرفیت و کوچ کبی خصوصیتی  « بولگن « بورگوتدن  آلماقده، ایشلب چیقرووچی بولگن STM گه کوره‌، توگان نینگ بعضی تخنیکي خصوصیتلری شونده‌ی: عمومي مقصدلی کشف و کوزه‌تیش وظیفه‌لریدن  فایده‌لنیش اوچون پروژه لشتیریلگن.  اوزگه‌چه وظیفه‌ ریجه‌لش دستوری، خودمختار ذَکا و حرکت قابلیتلریگه ایگه‌دیر.

توگان خودمختار یاکه اوزاقدن باشقه‌ریش بیلن بیر قطارده بیر کیشی تامانیده تشیله‌دیگن و قوللنیله‌دیگن کوپ  روبوتلی ایلنه‌دیگن قناتلی İHA ‌دن تشکیل تاپماقده‌دیر.

اوشبو  ملي İHA ‌لریمیز تروریستلرگه قاچیش فرصتی بیرمه‌یدی. تروریستلرنی اینگ تار  تیشیکلرگه  کیریب اینلریده یوق قیلیش خصوصیتیگه ایگه‌. الپاگو  و کرگو 1 دقیقه‌دن قیسقه‌ بیر مدتده تیار حالگه کیلیب اوق اوزه‌دی. اوستیده‌گی انتی پرسونل مهماتنی تشیب، نشانگه قره‌ب حرکت قیلیب ساعتده 120-140 کیلومتر آره‌سیده تیزلیکده هدفگه ایریشه‌دی. اوستیده‌گی اوق بیلن 20 متر مربع ده‌گی برچه‌ هدفلرنی یوق قیله‌دی. تورکيه، ایشلب چیقرگن بو ملي محصولاتلر بیلن کوره‌شگن برچه‌ ترور تشکیلاتلرنی لرزه‌گه سالیشگه دوام ایتماقده.

تورک حربي-کسبه اویوشمه‌سی (صندوق تعاون) تعلیم بوییچه‌ مدیری ترکا‌ن زنگین نینگ موضوعگه دایره‌ فکر و ملاحظه‌لرینی اعتبارینگیزگه حواله‌  قیلدیک.



علاقه لی ینگی لیکلر