اوانجلیسم: تنگری نی قیامتگه, بشریت نی ایسه فلاکتگه ییتَکلَش

اوشبو مطلب پروفیسر داکتر قدرت بلبل نینگ تورک تیلیده یازیلگن مقاله سی نینگ اوزبیک تیلیده گی ترجمه سیدن عبارت

اوانجلیسم: تنگری نی قیامتگه, بشریت نی ایسه فلاکتگه ییتَکلَش

تورکیه و جهان کوز قره شی 32

سونگگی پیتلرده تورکیه سیاستیده فتح الله چی ترور تشکیلاتی (فتو) نینگ اینگ یمان میراثی سببلی هم بولسه کیره ک جدی بیر شکلده دین بیلن دولت اورته سیده گی مناسبت لر باره سیده بحث ایتیلماقده.  کوپینچه اولکه لری میزده گی حادثه لرنینگ فقط گینه بیزگه مخصوص ایکن لیگی نی اویلب جوده خفه بوله میز.  امریکا قوشمه ایالتلری نینگ کشیش برونسون سببلی تورکیه گه قرشی تحریم تطبیق ایتیش گه قرار قیلگن لیگی, وضعیت نینگ بونده ی ایمس لیگی نی کورسه تیب بیردی.

برونسون اونلب ییلدن بیری تورکیه ده کشیش اوله راق فعالیت آلیب بارماقده.  بیراق تورک خلقی میلادی 2016 نچی ییلی جولای آیی نینگ 15 نچی کونیده قیلینگن ناکام کودتا تشبثی آلدی دن حتی اوشبو کیشی نینگ آتی نی هم ایشیتمه گن ایدی.  ترور تشکیلاتی پی کا کا و فتو بیلن ارتباطی بولگن لیگی عیبلاوی بیلن اوشلنگن کشیش برونسون سببلی امریکا قوشمه ایالت لری تورکیه گه قرشی تحریم تطبیق قیلیش گه قرار قیلدی.  خوددی شوو وضعیت نینگ اوزی ایسه امریکاده دین بیلن دولت اورته سیده گی علاقه لرنینگ قنده ی ایکن لیگی توغریسیده بحث و مناظره لرنینگ باشلب کیتیشی گه سبب بولدی.  امریکا نینگ دینی ایرکین لیک لر بهانه سی بیلن بونده ی بیر ایش نی قیلیاتگن لیگی گه قره مسدن, اوشبو وضعیت امریکا قوشمه ایالتلریده دین بیلن دولت اورته سیده قنده ی بیر مناسبت نینگ موجود ایکن لیگی توغریسیده باش قاتیریلیشی کیره ک ایکن لیگی نی کورستماقده.  هیچ قنده ی بیر قاعده گه هم اهمیت بیریلمسدن بونده ی بیر سیاست آلیب باریلیاتگن لیگی نی باشقه بیر شکلده ایضاحلش ممکن ایمس البته که. 

اصلی گه قره گنده بیر اولکه ده دین بیلن دولت اورته سیده اویغون بیر مناسبت نینگ موجود ایکن لیگی تنقید قیلینیشی کیره ک بولگن بیر وضعیت دن عبارت ایمس.  عکسینچه اوشبو وضعیت نینگ دینی ایرکین لیک لر جهتی دن جوده هم ایجابی بیر وضعیت دن عبارت بولیشی ممکن.  شونده ی آلیب قره گنده اوروپا ده گی اعدام لردن و دینی تعصب لر دن قاچگن کیشی لر تامانیدن قوریلگن امریکا قوشمه ایالتلری, حقلی بیر شکلده سونگگی پیتلرگه قدر دینی ایرکین لیک لرنینگ جوده یخشی بولگن بیر اولکه اوله راق بهالنتیریلدی.

عینی دمده بیر اولکه نینگ دینی بیر دولت دن عبارت بولیشی نینگ هم تنقید گه سبب بولمس لیگی ممکن.  دین نینگ اکثریتچی اوله راق بهالنتیریلگن و فرقلی لیک لر توغریسیده یخشی نیتلی بیر سیاست آلیب باریلیاتگن دینی بیر دولتده ایرکین لیک لر و انسان حق لری جهتی دن هیچ قنده ی بیر معما نینگ پیدا بولمس لیگی ممکن البته که.  حتی بونده ی بیر وضعیت نینگ اولکه لرنینگ امپریالیست کوچلرگه قرشی بیر یقه دن باش چیقریشی گه هم سبب بولیشی ممکن.  دین نینگ حاکم بولگن عثمانی دولتی دوریده آلیب باریلگن سیاست لر اوشبو دایره ده اینگ یخشی مثال نی تشکیل ایتماقده. 

مخالفت قیلینیشی کیره ک بولگن نرسه دین لرنینگ دولت لر بیلن اساسی حق و ایرکین لیک لر دایره سیده اویغون بیر شکلده مناسبت قوریشی دن عبارت ایمس.  اساساً بیر دولت نینگ امپریالیست منفعت لری اوچون بیر دین دن فایده له نیش گه حرکت قیلیشی گه قرشی مخالفت قیلینیشی کیره ک. دین بیلن دولت اورته سیده ناتوغری بیر مناسبت نینگ موجود ایکن لیگی توغریسیده گی اینگ یخشی مثال ایسه, بیر دین دولتی بولگن اسرائیل یاکه دولت دینی دن عبارت بولگن صهیونیسم دن عبارت.  بیر نیچه عصر دن بیری بیر یقه  دن باش چیقریب بیر جغرافیه ده یشب کیلگن مسلمان لر, مسیحی لر و یهودی لرنینگ ایندی بیرگه لیکده یشه آلمیدیگن بیر وضعیت گه کیلیب قالگن لیک لری کورینماقده. 

بیر اوانجلیست بولگن امریکالیک کشیش برونسون بیلن تورکیه گه قرشی تحریم تطبیق ایتیلیشی اوچون قولیدن کیلگن برچه سعی و حرکت لرنی قیلیاتگن امریکا قوشمه ایالتلری دولت رهبری اورینباسری مایک پنس نینگ بیر دینی آقیم گه منسوب ایکن لیگی بیلدیریلماقده.  امریکا ده اوانجلیست لرنینگ انچه حاکم بولگن لیگی, امریکا قوشمه ایالتلریده 90 میلیون اوانجلیست نینگ موجود ایکن لیگی, آلدینگی دولت رهبرلریدن عبارت ریگن بیلن بوش نینگ هم ایوانجلیست ایکن لیک لری معلوم قیلینماقده.  شونده ی قیلیب برونسون حادثه سی نینگ تورکیه بیلن ایمس, بلکه امریکا قوشمه ایالتلری و اوانجلیسم بیلن علاقه لی ایکن لیگی کورینماقده. 

خوب اوانجلیسم نیمه دیگنی اوزی؟

اوانجلیسم نینگ, اورتدکس یاکه کاتولیک ایمس, بلکه پروتستانلیک ایچیده بیر مذهب یاکه طریقت دن عبارت ایکن لیگی بیلینماقده.  میلادی 19 نچی ییلی دن باشلب اوزگره باشله گن لیگی بیلدیریلماقده.  لغوی معنی سی ایسه "مقدس کتاب گه یانداشیش" دن عبارت.  بو ییرده گی مقدس کتاب, فقط گینه مسیحی لر اوچون مقدس بولگن انجیل ایمس, بلکه یهودی لر اوچون مقدس سنلگن ایسکی وصیتنامه نی هم قمره ماقده.  اوزگرتریلگن اوشبو پروتستانلیک مفکوره گه کوره اینگ سونگ دنیا نینگ همه قسمی گه مسیحی لر حاکم بولیب آله دی و شونده ی قیلیب قیامت بوله دی.  بیراق اوشبو وضعیت عادی شرایطده اوزاق بیر مدت دوام ایته دی.  اوانجلیست لرگه کوره اوشبو پروسه نینگ تیزلشتیریلیشی کیره ک. باشقه مسیحی لردن فرقلی تمانی ایسه, یهودی لرنینگ سیلنگن ملت ایکن لیگی و اولر گه وعده قیلینگن توپراق لرنینگ هم اولرنینگ حقی ایکن لیگی و خوددی شوو توپراق لر نینگ قازانیلیشی اوچون مسیحی لرنینگ مطلق صورتده اولرنی حمایت قیلیشی کیره ک ایکن لیگی مفکوره سی دن عبارت.

جاری هفته ده تورکیه نینگ سیسی رادیوسیده گی چشم جهان پروگرامیم گه مهمان بولگن استاد اوزجان گونگور نینگ معلوم قیلگن لیگی گه کوره, اوانجلیسم نینگ دنیا گه حاکم بولیشی اوچون 7 باسقیچ بیلن پروسه نینگ تیزلشتیریلیشی کیره ک.  بیرینچی باسقیچده یهودی لر فلسطین توپراق لری گه قیتیب کیته دی.  اوشبو باسقیچ تقریباً تکمیل بولگن وضعیتده.  ایککینچی باسقیچ تورکیه نینگ هم معلوم بیر قسمی نی قمره گن کتته اسرائیل نینگ قوریلیشی دن عبارت.  ایریم تامان لر امریکا قوشمه ایالتلری نینگ اورته شرقده جدی بیر شکلده اسرائیل نی حمایت قیلیاتگن لیگی, دنیا اولکه لری نینگ مخالفتی و بیرلشگن ملت لر تشکیلاتیده تقریباً یککه قالیب کیتگن لیگی گه قره مسدن بیت المقدس نی اسرائیل پایتختی اعلان قیلگن لیگی نینگ سببی نینگ اوانجلیسم نینگ امریکا قوشمه ایالتلریده سیاستیده گی حاکمیتی دن عبارت ایکن لیگی نی بیلدیرماقده.  بیراق اوشبو ایش لر نی عملی قیلیش اونچه لیک هم آسان ایمس دیک کورینماقده.

اوچینچی باسقیچ, انجیل نینگ پیامی نینگ دنیا نینگ برچه قسم لری گه ترقه تیلیشی دن عبارت.  کشیش برونسون نینگ اون ییلدن آرتیق بیر مدت دن بیری اوشبو مقصد بیلن تورکیه ده فعالیت آلیب باریاتگن بولیشی ممکن.  بیراق فقط گینه تورکیه ده ایمس, مسلمان اولکه لر و اینیقسه افریقا اولکه لریده هم کوپلب اوانجلیست لر فعالیت آلیب بارماقده. اوشبو اوانجلیست لرنینگ فعالیت لری نتیجه سیده اینیقسه افریقاده میلیونلب کیشی نینگ مسیحی لشتیریلگن لیگی بیلینماقده. 

تورتینچی باسقیچ 7 ییل دوام ایته دیگن بیر پروسه دن عبارت بوله دی. 

بیشینچی باسقیچده حضرت عیسی ایککینچی مراتبه دنیا گه کیله دی. 

آلتینچی باسقیچده اوانجلیست لر ییتکچی لیگیده آرماگدون اوروشی بوله دی.  شونده ی قیلیب دنیا ده یخشی لر بیلن یمان لر اورته سیده اوروش بوله دی و یخشی لر غلبه قازانه دی.  بیراق اوشبو اوروش آرتیدن اوانجلیسم نینگ حاکمیتی بحث موضوعی بوله دیگن لیگی سببلی, خوددی شوو اوروش نینگ زودلیک بیلن باشلَشی اوچون اسرائیل نینگ تیزده کوچلی بولیب کینگییشی کیره ک. 

ییتّینچی باسقیچده ایسه دنیا نینگ همه جاییده مسیحی لیک حاکم بولیشی آرتیدن قیامت بوله دی. 

اوانجلیسم نینگ آلتینچی باسقیچ گه قدر صهیونیسم هدف لری بیلن بیر خیل ایکن لیگی یقّال کورینماقده. شوباعث اوانجلیست لر "صهیونیست مسیحی لر" اوله راق هم بهالنتیریلماقده. 

اون توقّیزینچی عصرده اساساً یهودیلیک هم, مسلمان لیک و مسیحی لیک سنگری الهی دین لردن بیری ایدی.  تیودور هرلز سنگری ایریم صهیونیست لر آلدین یهودی لیک نی اوزگرتدیلر.  حاضرگی کونده صهیونیست یهودی لیککه جدی بیر شکلده مخالف کوپلب یهودی نینگ موجود ایکن لیگی بیلینماقده. 

یقین اوتمیشده تورکیه و ایریم مسلمان اولکه لرده صهیونیسم گه اویغون بیر اسلام نینگ پیدا بولیشی اوچون ایریم سعی و حرکت لرنینگ قیلینگن لیگی کورینماقده. "دین لر ارا دیالوگ" سنگری اصطلاح لر خوددی شونده ی منحرف سعی و حرکت لر بوییچه مثال لر نی تشکیل ایتماقده.  اوشبو مفکوره گه ایگه کیشی لر هم, اوانجلیست لر سنگری, اسرائیل نینگ یهودی لر اوچون وعده قیلینگن توپراق لردن عبارت ایکن لیگی نی بیلدیرماقده. 

دینی فرقلی لیق لر و تاریخی پرابلم لر گه قره گنده مسیحیت نینگ ایچیده صهیونیسم گه اویغون بیر مفکوره نینگ اوزلیگیدن پیدا بولگن لیگی نی ایسله تیب اوتیش ممکن ایمس البته که.  اوشبو اوزگریش نینگ صهیونیست بیر سعی و حرکت دن عبارت ایکن لیگی کورینماقده.  صهیونیست مسیحیت (اوانجلیسم) گه مخالفت قیلیاتگن کوپلب مسیحی نینگ هم موجود ایکن لیگی بیلینماقده.  کاتولیک پاپ نینگ بیت المقدس نینگ اسرائیل پایتختی اوله راق اعلان ایتیلیشی گه مخالفت قیلگن لیگی بیلینگن بیر حقیقت دن عبارت.  عینی دمده اورتدکس لر هم اوانجلیست لر کبی اویله مس ایکن, حتی ایریم پیتلرده اسرائیل ظلمی گه قرشی مسلمان لر دن طرفدارلیک قیلماقده. 

تنگری نی قیامت گه مجبور قیلیش انسان لر نینگ ایشیدن عبارت ایمس.  بیراق, بشریت نینگ فلاکت نینگ ایچیگه تشلنگن لیگی انیق.  دین لرنینگ اصلی نی بوزیب بشریت نی فلاکت گه آلیب باره دیگن صهیونیسم بیلن علاقه لی هر خیل سعی و حرکت گه مخالف قیلیشی میز کیره ک.  اوشبو مخالفت ایسه اصلی اوزگرتریلگن یهودی لر, مسیحی لر, مسلمان لر و دنیا ده تینچ لیک نینگ تامین ایتیلیشی گه طرفدار برچه انسان لرنینگ همکارلیگی بیلن عملی بوله دی خلاص.                        



علاقه لی ینگی لیکلر