مدافعه صنایع ده ملی پروژه لر 6

مدافعه صنایع ده ملی پروژه لر 6

مدافعه صنایع ده ملی پروژه لر 6

مدافعه صنایع ده ملی پروژه لر 6

مدافعه‌ صنایعده ایشلب چیقریلگن ملی اوچووچیسیز هوا واسطه‌لری و قوراللی هوا واسطه‌لری، بو ساحه‌ده تورکيه‌نی دنیا نینگ  اېن  مهم‌  اولکه‌لری قطاریده جای آلیشی گه وسیله بولدی.

تورک حربي-کسبه اویوشمه‌سی (صندوق تعاون) تعلیم بوییچه‌ مدیری ترکا‌ن زنگین نینگ موضوعگه دایره‌ فکر و ملاحظه‌لرینی اعتبارینگیزگه حواله‌  قیله‌میز.

تورکيه بیر تاماندن مدافعه‌ ساحه‌سیده مهم اهمیتگه ایگه‌ ستراتیژیک محصولاتلر ایشلب چیقرر ایکن باشقه‌ تاماندن گلوبال رقابتده اولکه‌میزنی  اینگ یوقاری  باسقیچگه کوتره‌دیگن  مدافعه‌  محصولاتلرینی محلي و ملي امکانیتلر بیلن ایشلب چیقریب استقبالگه قره‌ب  امین قدملر  بیلن ایلگری آلیب بارماقده.

تورکيه بو ساحه‌ده مستقل سیاستلر یوریتیش بیلن بیر قطارده ساتگن محصولاتلر بیلن هم  اقتصادگه  کتّه‌ حصه‌لر قوشماقده. تورکيه‌ نینگ مهم‌ اوچووچیسیز هوا واسطه‌لرینی ایشلب چیقریش حکایه‌سی هم قره‌ملیلیکدن  قوتولیش و اقتصادگه ینگی حصه‌لر قوشیش نینگ  حکایه‌سیدیر. تورکيه‌ نینگ فهرستیده  1990لرده جای آلگن دستلبکی اوچووچیسیز هوا واسطه‌لری اسرائیل تامانیدن ایشلب چیقریلگن هرونلر بیلن امریکا قوشمه ایالتلری تامانیدن ایشلب چیقریلگن GNAT مودلی ایدی. GNAT نینگ رواجلنگن مودللری بولگن پریداتور و ریپایر قوراللی اوچووچیسیز هوا واسطه‌لری، 2000- ییللرده تورکيه‌گه ساتیشیگه امریکا قوشمه ایالتلری کانگره سی رخصت بیرمه‌دی  اوشو باعث تورکيه،  اوز ملي اوچووچیسیز هوا واسطه‌لرینی ایشلب چیقریش جریانیگه باشله‌دی. بوگون تورکيه‌ده محلي و ملي هوا واسطه‌لر انکه و بیراقتار قوللنیلماقده.

مدافعه‌ صنایعیده ایشلب چیقریله‌گن İHA ( اوچووچیسیز هوا واسطه‌لری) و SİHA ( قوراللی اوچووچیسیز هوا واسطه‌لری)، بو ساحه‌ده تورکيه دنیا نینگ  ایلغار اولکه‌لری قطاریده ا‌ورین آلیشینی تأمین ایتدی. تورکيه بوگون ملي تکنالوژي‌ ساحه‌سیده فعالیت یوریتگن فعال انسان کوچیگه ایگه‌دیر. فرصت بیریلگنده یاشلریمیز نیمه‌لر قیلیشگه قادر ایکنینی کوریه‌پمیز. مدافعه‌ ساحه‌سیده اوزاق مدتلی مقصدلرنی آلدیمیزگه قوییب صبر بیلن دوام ایتتیریلگن فعالیتلر نتیجه‌سیده آلینه‌دیگن بیر سکتور.  بوگون ملي اوچووچیسیز هوا واسطه‌لری قوراللی اوچووچیسیز هوا واسطه‌لرده آخرگی 10 ییلده ایریشگن موفقیتیمیز اوزاق مدتلی مقصدلریمیزنی تعقیب ایتیشیمیز نینگ بیر نتیجه‌سیدیر.

İHA و SİHA‌نی  ایشلب چیقرگن و  مهم‌ ایشلرده کتّه‌ رولی بولگن بایکار گروهدن سلجوق بیراقدار، اوچووچیسیز هوا واسطه‌لری نینگ  حکایه‌سینی شونده‌ی انگله‌ته‌دی: «تورکيه‌ نینگ اوچووچیسیز هوا واسطه‌سینی ایشلب چیقریش اوچون تشلنگن  قدم ایسه  کیچیک İHA‌لر بیلن باشلندی. کیچیک İHA‌لردن اعتباراً گروهیمیز بیلن ییرده عسکر بیلن بیرگه‌لیکده حربي مرکز‌لرده اوچاقلر اوچگن ییرلرده جدّي فعالیت آلیب باردیک. کیچیک İHA‌ده تصویرلرنی جانلی روشده بیرلشتیریب نقشه‌ قیلیش خصوصیتینی قازاندیردیک. 

بو دنیاده هیچ بیر İHA‌ده  اوشبو  خصوصیت یوق ایدی. SİHA‌لریمیزده دنیاده هیچ بیر İHA‌ده  موجود بولمه‌گن خصوصیتلر موجود. بیر قسم خصوصیتلر عفرین حرکتیده اوزاق تجربه‌لردن کیین حاصل قیلیندی. آخرگی بیر ییلده  ایچیده اینیقسه‌ فرات قلقانی حرکتی بیلن بیرگه‌لیکده جوده‌ فرقلی شرطگه دوچ کیلگن  İHA‌لریمیز.»

بیراقدار کیچیک İHA و  بیراقدار تاکتیک‌ İHA 

2007- ییلیده تورک قوراللی کوچلری نینگ خدمتیگه تقدیم ایتیلگن بیرینچی،هوا واسطه‌سی تیزیمی بیلن İHA‌لر بایقار گروه تامانیدن ایشلب چیقریلگن. کیینچه‌لیک تاکتیک‌ İHA‌لرنی رواجلنتیرگن گروه محصولاتلری نینگ خصوصیتینی شو شکلده انگله‌ته‌دی: بیراقدار کیچیک اوچووچیسیز هوا واسطه‌سی تیزیمی بوتونله‌ی اوزیگه خاص  و  ملي روشده رواجلنتیریب الکترونیک دستور و شکلی ماسلمه‌لر بیلن تورکيه‌ نینگ دستلبکی کیچیک روبوت هوا واسطه‌ ایشلب چیقردیک. بوگونچه 100،000دن آرتیق عملیاتی‌ اوچیش سارتی عملگه آشیردی. تیزیم قیین جغرافی، میترولوژیک شرایطلرده حتا فایده‌لنیلماقده.

اورته‌ بلندلیک اوزاق منزل صلاحیتیگه ایگه‌ İHA مودلی گه ماس روشده ایشلب چیقریلگن تاکتیک‌ İHA تیزیمی  ایسه ملي و اوزگه‌ خاص  تولیق اتومات تیکشیریش خصوصیتلریگه ( تکسی، پرواز، سَیر، قونیش و ت.خته‌تیش) گه ایگه‌. اوچ احتیاطی پرواز تیکشیروو تیزیم

معماریسی، نایاب علاوه‌لری همده‌ دنیاده‌گی اینگ ایلغار تکنالوژیک  کشفی‌ و کوزه‌توو واسطه‌سیدیر. پروازلر تیستلری رسمي هیئت ترکیبیده 2009 ییل سپتامبر-آکتو‌بر آیلریده موفقیتلی عملگه آشیریلدی.

حربي عملیاتلرده جوده‌ ثمره‌لی فایده‌لندی

تورکيه مملکت بویلب چیت ایلده یوریتگن ترورگه قرشی کوره‌ش عملیات‌لر نینگ یوتوقلی بولیشیده İHA و SİHA‌لر جوده‌ کتّه‌  رول اوینه‌دی. بیراقدار TB2İHA‌لر، 2015دن بیری ترور عملیات‌لریده فایده‌لنیلماقده. TB2İHA‌لر  آوازی  ایشیتیلمسدن، اوزی کورینمسدن، جوده‌ بلندلیکده،  جوده‌  سیزگیر تصویرلر آلیش صلاحیتیگه ایگه‌دیر، اینیقسه‌ فرات قلقانی و زیتون یاله‌سی حربي حرکت کوزه‌تیش و آتش جهتدن کتّه‌ حصه‌ قوشدی. بیراقدار TB2İHA‌لر، بوگونگچه جوده‌ مهم‌ سانده تروریستنی انیقلش و یوق قیلیش اوچون ایشله‌تیلدی. زیتون یاله‌سی حرکت بوییچه‌ یول آلگن حربي بیرلیکلر آلدیده‌گی تهدیدلر و تروریستلر نینگ باش‌پناه‌ صفتیده  فایده‌لنگن کوپ سانده مغاره و تونللر، İHA‌لر تامانیدن انیقلندی. بیلگیلنگن کوپلب تهدید و تروریست جنگریسی SİHA‌لر بیلن یوق قیلیندی.

İHA‌لر بیلن SİHA‌لر نینگ تأثیرینی آرتتیریش اوچون ینگی تکنالوژي‌لر ایشلب چیقریلماقده. بایقار گروه و شریکلری مبایل جانلی نشراتگه اوزه‌تیش دستوری کوزگوننی ایشلب چیقردی. دستلبکی  ایفیس 2018ده  بیرلشگن مشترک  فعلی آتیشلی حربي مشغولاتده فایده‌لنیلدی. کوزگون، İHA‌لردن کیلگن جانلی نشرات تصویرلرینی  مبایل  جهازلر آرقه‌لی  تماشا‌ قیلیش ممکن. موجود وضعیتده حربي قرارگاه‌لرده کوزه‌تیلگن İHA یاکه SİHA‌لر تصویرلرنی کوزگون دستوری یاردمی بیلن منطقه‌ده اکتیف شکلده آلیب باره‌یاتگن  گروهلرده‌گی مبایل جهازلرگه ماسلشتیره‌دی. شونده‌ی قیلیب منطقه‌ده‌گی خوفسیزلیک  خادملریگه هر لحظه‌ تصویرلر یوباریب ترور بیلن کوره‌شده مهم‌ فرصتلر تأمین ایته‌دی. انسان هوا واسطه‌لری تکنالوژي‌سیده دنیا نینگ جوده‌ کم اولکه‌لری قطاریده جای آلگن تورکيه بو ساحه‌ده ینگی مقصدی اوچووچیسیز جیت پروژه ‌سیدیر، قیسقه‌ زمانده İHA‌لرده مهم‌ موفقیتلرگه ایریشگن تورکيه، ینگی مقصدینی عملگه آشیریش ظزفیتی گه ایگه‌دیر.

تورک حربي-کسبه اویوشمه‌سی (صندوق تعاون) تعلیم بوییچه‌ مدیری ترکا‌ن زنگین نینگ موضوعگه دایره‌ فکر و ملاحظه‌لرینی اعتبارینگیزگه حواله‌  قیلدیک.


لیبل: برنامه

علاقه لی ینگی لیکلر