تورکیه میلیونلب کیشی سوریه تبعه سینی قوریقلب آلیش گه موفق بولدی 39

تحلیل و تیکشیروو 39

تورکیه میلیونلب کیشی سوریه تبعه سینی قوریقلب آلیش گه موفق بولدی 39

تورکیه میلیونلب کیشی سوریه تبعه سینی قوریقلب آلیش گه موفق بولدی

جمهور باشلیغی رجب طیب ایردوغان بیلن روسیه دولت باشلیغی ویلادیمیر پوتین سوچیده گی یوزمه یوز اوچره شوولری نینگ آرتیدن مشترک مطبوعاتی کنفرانس اویوشتیردیلر. ایککی کسبداش بیرگن بیاناتلریده ادلبده قوراللردن تمیزلنگن منطقه توغریسیده کیلیشگن لیکلرینی اورغوله دیلر. باشقه تاماندن حساس جلسه نینگ آرتیدن روسیه مدافعه وزیرلیگیدن بیریلگن بیاناتده ادلبده عملیات اویوشتیریلمه یدی، دیب ایتیلدی.  

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته میز.

آلیب باریلگن کیلیشوو بیلن تورکیه کتته موفقیت قولگه کیریتدی. جمهور باشلیغی رجب طیب ایردوغان نینگ قاطعانه مقاومتی سونگی پیتلرده گی ادلب موضوعسی گه ایگه بولیب چیقیشی و تهرانده گی آتش کیسین توغریسیده گی اورونیشلری اوزینی ساحه ده نمایان قیلدی. سونگی کونلرده تورکیه قوراللی کوچلری ادلب نینگ ایچیده انچه امکاناتلرینی آرتیریب باردی. تورکیه نینگ ادلبده گی 12 باب تیکشیروو نقطه سیگه کوپ سانده زره واسطه، تانک و عسکری کوچ سوق ایتیلدی. تورکیه قنچه قاطع ایکن لیگینی روسیه، ایران، شیعی و بشارالاسد تیزیمی گه کورستگن بولدی. البته بیر تاماندن آلیب باریلگن دیپلوماتیک اوچره شوولر و باشقه تاماندن ساحه ده آلیب باریلگن عسکری آدیملر بیلن نتیجه قولگه کیریتیلدی. روسیه سوچیده مهم درجه ده کیین گه قره ب قیتدی. روسیه، ایران و بشارالاسد تیزیمی ادلبده کینگ کولملی بیر عسکری عملیات آلیب بارماقچی ایدی. خوددی شو اوچون جدی باسیملر بولگن ایدی. اینیقسه جسر، سغور و شمالی حما بمباردمان قیلینیشی و تیزیم کوچلری بیلن ایران حمایه سیده گی جنگریلر جبهه خطی گه قیلگن سوقیاتلری باسیم نی کوپه یتیریب بارماقده ایدی.

بناً بونگه بیر عسکری عملیات گه مانع بولینگن لیگی هم تورکیه نینگ ملی خوفسیزلیگینی همده سوریه نینگ کیله جگی اوچون تینچ لیک پروسه سیده کتته اهمیت گه ایگه دیر. بیراق تورکیه نینگ فعالیتلری نتیجه سیده 3 میلیوندن آرتیق سوریه تبعه سی نینگ حیاتلری نجات بیریلگن لیگی و بویوک بیر مهاجر سیلی گه انع بولینگن لیگی جوده مهم حادثه دیر. ادلب توغریسیده قولگه کیریتیلگن موفقیت باعث جمهور باشلیغی رجب طیب ایردوغان، تورکیه قوراللی کوچلری و ملی استخبارات تشکیلاتینی تبریک ایتیش کیره ک. دنیانی خواطرگه تشله گن خوددی شو منطقه ده بشری بحران یوز بیریشی گه مانع بولیندی.

روسیه بیلن سوچیده یوز بیرگن کیلیشوو کوره ایجاد ایتیله دیگن قورال سیزلشتیریلگن منطقه دن ایککی تامانلمه دن هم رادیکال عنصرلر و سقیله قوراللرنینگ چیتلنیشی کیره ک. بونگه کوره هم روسیه همده تورکیه گه کتته وظیفه توشه دی. روسیه نینگ ساحه ده گی شیعی جنگریلرنی راضی قیلیشی کیره ک، تورکیه نینگ ایسه هیئت تحریر الشام کبی ساختارلرنینگ تاثیری گه قره ته ییچیم تاپیشی کیره ک.

تورکیه و روسیه 15-20 کیلومتر ایچکریده قورال سیزلشتیریلگن منطقه نینگ ایجاد ایتیلیشی بوییچه ضامن بولرکن عین دمده ارتباطلی مستقل گزمه فعالیت لرینی آلیب باره دیلر. تورکیه و روسیه آستانه جریانی گه بناً ایجاد ایتیلگن تیکشیروو نقطه لرینی عسکری اوله راق تامین ایته دی و قورالسیزلشتیریلگن منطقه ایککی اولکه نینگ ایهالری بیلن تعقیب آستیگه توتیله دی. قورالسیزلشتیریلگن منطقه لرده گی سوریه مخالف لری بیلن بشارالاسد تیزیمی کنترولیده گی ساحه لر و موجودیت لری محفوظ قاله دی و ایککی تامان نینگ جببهه خطیده گی سقیله قوراللری چیتلنتیریله دی.

آلیب باریلگن کیلیشووگه کوره ستراتیژیک اهعمیت گه ایگه M4  و M5 یوللرنینگ خوفسیزلیگی تامین ایتیلیب تکرار تجارت اوچون آچیله دی. لاذقیه و دمش نی حلب گه وصل قیلگن یوللر سوریه اقتصادی اوچون کتته اهمیت گه ایگه دیر.

تورکیه بیلن روسیه اورته سیده گی کیلیشوو عین دمده تورکیه نینگ ترورچیلیک که قرشی کوره ش بوییچه هم مثبت حصه قوشه دی. بنا PKK/YPG  تروریست جنگریلری ادلب عملیاتیدن استفاده قیلیب عفرین گه قره ته باسیم قیلماقچی ایدی. خوددی شو کیلیشو بیلن بو خطر هم برطرف ایتیلدی. عین دمده ادلب عملیاتی گه مانع بولیش بیلن تورکیه داها دقتلی بیرشکلده PKK/YPG تامانیدن ایجاد ایتیلگن خطرلرگه قره ته آدیم آتیشی کوتیله دی.   

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.



علاقه لی ینگی لیکلر