مدافعه صنایع ده ملی پروژه لر 7

مدافعه صنایع ده ملی پروژه لر 7

مدافعه صنایع ده ملی پروژه لر 7

مدافعه صنایع ده ملی پروژه لر 7

استانبول بویوک شهر بلدیه سی و T3 بنیادی حمایه سی بیلن شو ییل نینگ 20-23 سپتامبر کونلری استانبول شهریده «تیکنوفیست-استانبول» اهواچیلیک‌، فضا و تکنالوژي‌ فستیوالی بولیب اوتدی.

T3 بنیادی هیئتی باشلیغی سلچوق بیراقدار فستیوال نینگ ملي تکنالوژي‌ تشبثی اوچون جوده‌ مهم‌ ایکنلیگینی بیلدیردی. فستیوال دایره‌سیده اوتکزیلگن نمایشلر، مسابقه‌لر، سمینارلر و فعالیتلرنی بو نینگ یقّال اثباتی دیسه‌ک مبالغه‌ بولمه‌یدی.

تورک حربي-کسبه اویوشمه‌سی (صندوق تعاون) تعلیم بوییچه‌ مدیری ترکا‌ن زنگین نینگ موضوعگه دایره‌ فکر و ملاحظه‌لرینی اعتبارینگیزگه حواله‌  قیله‌میز.

فستیوالده نمایش قیلینگن «حُرقوش» هواده اوز مهارتینی نمایش قیلدی. حُرقوش اوچاقلرینی تماشا‌ قیلر کن، دولتیمیزنینگ هواچیلیک‌ تاریخیده مهم‌ ا‌ورین ایگلله‌گن وجیهی حُرقوش نینگ حیاتی یادیمگه توشدی.

یاشلیک چاغلریده‌ کتّه‌ ایشلرنی عملگه آشیرگن وجیهی حُرقوش کبی هیجانلنگن یاشلریمیز وطن کیله‌جگی اوچون کتّه‌ امید پیدا قیله‌دی. وجیهی حُرقوشدن ایه‌لگن دولت یاردمی بو سفر یاش کشفیاتچیلر نینگ یولینی یاریته‌دی دیگن امیدده‌میز. ذاتاً، وجیهی حُرقوش بو وضعیتنی شونده‌ی انگله‌ته‌دی: «مین سیاحت قیلگن چیت مملکتلرده قنده‌ی قیلیب هواچیلیک‌ ساحه‌سینی عملگه آشیرگنلیگینی و قنده‌ی قیلیب فابریکه لر قورگنلیگینی جوده‌ یخشی بیلردیم. اوّلا، ملي اعتقاد و تشویق بو یولده‌گی موفقیت نینگ یگانه‌ چاره‌سی ایدی. مین هم بونگه موفق بولیش اوچون بونگه محتاج ایدیم. قولیمیزدن آلینمه‌یدیگن بیر‌گینه ایرکینلیک یولیمیزنی تنلش ایرکینلیگیدیر. مین وجهی حُرقوش، دولتیمگه قنات بغیشله‌گن حالده، اوز ایکّینچی آتیم (تخلص)گه لایق بولدیم. اصل مقصدیم ملي مستقللیک تامان ایلتگن یگانه‌ یول- ملي ایشلب چیقریش ایکنیگه بولگن ایشانچیمگه حیاتیمنی بغیشلش ایدی. چونکه‌، باشقه‌لری نینگ قناتی بیلن اوچیشگه حرکت قیلگنلر «حُرقوش» بوله‌ آلمه‌یدی. ایندیلیکده‌، تورکيه مدافعه‌ ساحه‌سیده اوز قناتی بیلن پرواز قیلیش اوچون کتّه‌ ایشانچ بیلن کیله‌جک سری قدم تشله‌ماقده.

وجهی حُرقوش 1896 ییلده استانبولده توغیلگن. اونینگ کیچیک یاشلرده آته‌سی وفات ایته‌دی. او دولتیمیزنینگ هواچیلیک‌ تاریخیده مهم‌ ایز قالدیرگن و باشیدن اوتکزگن واقعه‌لری بیلن قیغولی حکایه‌ نینگ قهرمانی دیر عینِ پیتده. اونینگ جوده‌ کوپ موفقیتلری هواچیلیک‌ تاریخیده اوز عکسینی تاپگن. مثلاً، او قفقاز جبهه سیده خدمت قیلگن پیتلرده 1917 ییلی دشمن اوچاغینی اوروب توشیرگن بیرینچی تورک پیلوتی دیر. عینِ پیتده، اوز آتی بیلن اته‌لگن اوچاقلرنینگ ایجادکاری دیر. تورکيه‌ده‌گی دستلبکی هواچیلیک‌ مکتبیگه اساس سالگن و بیرینچی بار عیال پیلوتلرنی ییتیشتیرگن استاذدیر. قاله‌ویرسه، بیرینچی هواچیلیک‌ مکتبی نینگ اساسچیسی و تورکيه‌ نینگ دستلبکی ملکی هوا یولی حُرقوش هوا یوللریگه اساس سالگن بویوک اختراعچیدیر.

وجهی حُرقوش 102 خیل مودل حربي و ملکی اوچاغیده پرواز قیلگن بیرینچی پیلوت بولیب حسابلنه‌دی. 1916-1967 ییللر اورته‌سیده 30 مینگ ساعتلیک پرواز بیلن مهم‌ ریکارد نینگ صاحبیدیر. او کونگیللی روشده آزادلیک اوروشیگه قتنه‌شگن. اوروشده دشمن اوچاغینی اوروب توشیرگن. اوستون موفقیتلری طفیلی تورکيه عالي مجلسی تامانیدن استقلال نشانی بیلن تقدیرلنگن.

وجهی حُرقوش دستلبکی اختراعسی بولمیش «وجهی K -6» اوچاغینی قوریشگه موفق بولدی و ایلک پروازینی 1925 ییلده عملگه آشیردی. 29 یاشیده بو اوسمیر چیکلنگن امکانیتلر بیلن دستلبکی اوچاغیمیزنی ایجاد قیلدی. بو جوده‌ کتّه‌ موفقیت. بیراق، وجهی حُرقوشنی تقدیرلش اورنیگه اونگه جزا بیردیلر. رخصتسیز پرواز قیلگنلیگی سببلی آیلیگی نینگ یرمینی کیسیب بیرمه دیلر و 10 کون اوی قماغیگه محکوم قیلدیلر. او بو جزا طفیلی قوشین صفیدن اَیریلدی. 1925 ییلده یازگن مقاله‌سیده «بیز حربي ایکنیمیزنی اونوتیبمیز، بویروققه قرشی چیققن ایدیک»،- دییه بو وضعیتگه نسبتاً مناسبتینی معلوم قیلگندی.

1954 ییلده ایجاد ایتگن تورکيه‌ نینگ دستلبکی ملکی هوا یول شرکتی حُرقوش هوا یوللری هم بونده‌ی حالتگه اوچره‌گن ایدی. او تورک هوا یوللری تشلب یوبارگن اوچاقلرنی قَیته ترمیملب، بیر فیلو توزگن ایدی. پروازلر بیکار قیلینگندی، اوچاقلرنی کنسل قیلگندی و یوتوققه ایریشیشیگه توسقینلیک قیلینگندی.

وجهی حُرقوش کادیکویده بیر اوستاخانه‌نی اجاره‌گه آلیب، اوچ آی ایچیده «وجهی 14" اوچاغینی قوره‌دی. 1930 ییلی بو اوچاق بیلن بیرینچی پروازینی عملگه آشیره‌دی. اوچیش سیرتیفیکتینی آلیش اوچون دورنینگ اقتصاد وزیرلیگیگه مراجعت قیله‌دی. وزیرلیک اوچاق نینگ تخنیکي وضعیتینی تیکشیره‌دیگن متخصص یوقلیگی اوچون بونگه رخصت‌نامه‌ بیره آلمه‌یدی. بو جواب اصلیده ملي ایشلب چیقریش نینگ کیله‌جگی گه قنده‌ی سببلر بیلن توسیق بو‌لینگنلینی کورسه‌ته‌دی.

دستلبکی ملي هوا واسطه‌سی: حُرقوش

حُرقوش TUSAŞ تامانیدن اوزیگه خاص روشده ایشلب چیقریلگن تورکيه‌ نینگ دستلبکی ملي هوا واسطه‌سیدیر. ینگی نسل تربیه لش اوچاغی «حُرقوش» پروژه سی 2006 ییل نینگ مارچ آییده مدافعه‌ صناعتی مصلحتچیلیگی بیلن TAI اورته‌سیده امضالنگن شرطنامه‌ اساسیده عملگه آشیریلگن.

بو پروژه‌ هوا کوچلری قوماندانلیگی نینگ طلبلریگه جواب بیره آله‌دیگن و جهان بازاریگه کیره‌دیگن بیر تربیه لش اوچاغینی ایشلب چیقریش مقصدیده یولگه قوییلگن.

2013 ییل نینگ 26 سپتامبر کونی توزیلگن شرطنامه‌ اساسیده «حُرقوش» اوچاقلرینی منتظم ایشلب چیقریشگه قرار بیریلدی. 2013 ییل نینگ 26 دسامبر کونی حُرقوش- B شرطنامه‌سی امضالندی. حُرقوش- A، EASA و CS-23 -23 احتیاجلرگه کوره‌ سیرتیفیکیت‌لنگن اساسي کانفیگوراسیون‌دیر. حُرقوش- B ماسلشگن اویانیکه‌لر بیلن ایشلب چیقریلگن کانفیگوره‌تسيه‌دیر. حُرقوش-ج ایسه، اوچووچی تعلیم احتیاجی بیلن بیر قطارده، خفیف هجوم و قوراللی کشف وظیفه‌لرینی آز چیقیم و کتّه‌ احتیاطکارلیک بیلن عملگه آشیریش مقصدیده ایشلب چیقیلگن.

بوندن اوّل تجربه‌ پروازلری موفقیتلی عملگه آشیریلگن حُرقوش نینگ نوامبر آییده هوا کوچلریگه تاپشیریلیشی کوتیلماقده. دستلبکی اوچاق تاپشیریلگچ، هوا کوچلری اوچووچیلری تامانیدن باشقریلگن حالده 3 آی مابینیده‌ تورلی سیناولردن اوتکزیله‌دی.

بو جریانده طلبلر آلینیب اوچاققه سونگی ایشلاو بیریله‌دی. 2019 ییل نینگ دستلبکی یرمیگچه 15 اوچاق هوا کوچلریگه تاپشیریلیشی کوزده توتیلگن.

EASA دن تی̇پ سرتیفیکیتی آلگن دستلبکی تورک اوچاغی.

اوچاقلر بیلن تیگیشلی TAI دن آلینگن معلوماتلر قوییده‌گیچه؛ اوچیش سیناولری بیلن بیر قطارده، ایشلب چیقریلگن 2 خیل توزیلیشده‌گی اوچاقده آلیب باریلگن تجربه‌ پروازلری موفقیتلی اجرا ایتیلدی. پروژه‌ دایره‌سیده EASA (اروپا ملکی هواچیلیک‌ باشقرووی) و SHGM گه (ملکی هواچیلیک‌ باشقرمه سی) جونه‌تیش مقصدیده 545 ته اسناد تیارلندی. قاله‌ویرسه، سازلش و تخنیکي خدمتگه دایر برچه‌ حجتلر تیارلندی. اوشبو برچه‌ فعالیتلر نتیجه‌سیده 2016 ییل نینگ 11 جولای کونی SHGM دن «حُرقوش» ینگی نسل تربیه اوچاغی اوچون « TT 32 اوچاق تیپ سرتیفیکیت» آلیندی. اوشه‌ کون نینگ اوزیده «EASA تیپ سرتیفیکیت» همده‌ SHGM نینگ هم اوشبو سرتیفیکیت بوتون اروپا دولتلریده قبول قیلیندی. نتیجه‌ده، حُرقوش اروپا ملکی هواچیلیک‌ باشقرمه سیدن سرتفکیت آلگن دستلبکی تورک اوچاغی بولدی. حُرقوش اوچاقلری نینگ موفقیتی دولتیمیز جهتیدن البته‌‌ مهم‌دیر. اینگ مهمی شوکی، 1925 ییللرده چیکلنگن شرایطلرده، 29 یاشیده برچه‌ توسقینلیکلرگه قره‌مه‌ی اوچاق یسه‌شنی عهده‌له‌گن وجهی حُرقوشگه منّتدارلیک طریقه‌سیده سمالرده پرواز قیلماقده.

تورک حربي-کسبه اویوشمه‌سی (صندوق تعاون) تعلیم بوییچه‌ مدیری ترکا‌ن زنگین نینگ موضوعگه دایره‌ فکر و ملاحظه‌لرینی اعتبارینگیزگه حواله‌  قیلدیک.


لیبل: مدافعه , ملی

علاقه لی ینگی لیکلر