سوچی کیلیشووی نینگ آرتیدن ادلبده یوزه گه چیقه دیگن فرصت و قیین چیلیکلر 40

تحلیل و تیکشیروو 40

سوچی کیلیشووی نینگ آرتیدن ادلبده یوزه گه چیقه دیگن فرصت و قیین چیلیکلر 40

سوچی کیلیشووی نینگ آرتیدن ادلبده یوزه گه چیقه دیگن فرصت و قیین چیلیکلر

سونگی پیتلرده بحث موضوعی بولیب تورگن ادلب مسئله سی نینگ سوچیده گی جلسه ده آلیب باریلگن کیلیشوو نتیجه سیده ییچیم تاپیش گه حرکت بولگن لیگی مهم بیر حادثه دیر. 3،5 میلیون تینچ اهالی حیات کیچیریب تورگن ادلبنی تیزیم نینگ هجوملریدن قوریقلش مهم ایدی. تورکیه نینگ فعالیتلری و قاطعانه قراری نینگ آرتیدن ادلب گه قره ته برچه دنیانی تشویش گه قویگن بیر حربی عملیات گه مانع بولیندی.   

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته میز.

تورکیه و روسیه اورته سیده آلیب باریلگن کیلیشوو بیلن ادلبده گی جبهه خطی بوییچه 15-20 کیلومتر ایچکریگه قره ب بیر قورالسیزلشتیریلگن منطقه ایجاد ایتیلیشی قرارلشتیریلدی. شونده ی بولیب هم مخالفلر همده تیزیم تامانیدن سقیله قوراللر ییغیله دی و ترور تشکیلاتلری او منطقه دن چیقریله دی. عین دمده ستراتیژیک اهمیت گه ایگه لاذقیه و دمشقنی حلب بیلن باغله گن یوللر قیته دن تینچ اهالی اوچون آچیله دی. تورکیه بیلن روسیه سوچیده مهم بیر کیلیشووگه قول قویگن بولسه هم بو کیلیشوونی ساحه ده عملی قیلینیشیده بیر قطار توسیقلر یوز بیریشی ممکن.

روسیه مسؤل بولگن منطقه لرده کتته معمانی ایران نینگ حمایه سیده گی شیعه جنگریلر تشکیل ایتماقده. شونده ی بولیب ایران نینگ سوچیده گی جلسه ده اورین آلمه گن لیگی، سوچی کیلیشووی نینگ عملی قیلیشی توغریسیده ایران نینگ توسیق بولیشی گه باعث بولیشی ممکن. قنچه هم ایران بیلن بشارالاسد تیزیمی سوچی کیلیشووینی حمایه قیلگنلرینی ایتگن بولسه لر هم هم ایران همده بشارالاسد تیزیمی نینگ ادلب اوچون کوپراق کوپینچه لیک (maximalist) یانداشووی ایچیده ایکن لیکلری کوریلماقده دیر. روسیه نینگ کیلیشوونی ساحه ده عملی قیلیشی اوچون ایران نینگ حمایه سیده گی شیعه جنگریلرنی قانع قیلیشی کیره ک دیر. 

ادلب ده سوچی کیلیشوونینگ آرتیدن تیزیم منطقه لریده مخالف کنترولیده گی منطقه لرگه قره ته پیت پیتیده تحریکی فیرلر عملگه آشیریلیشی و تیزیم نینگ ادلب جببه خطیده ایجاد ایتگن سوقیاتنی قیتریب آلیش موضوعسی روسیه نی قینلتیرگن لیگینی کورستماقده دیر.

تورکیه نقطه نظریدن ایسه سوچی کیلیشووی نینگ ساحه ده عملی قیلیشی بوییچه توسیق منطقه ده گی کوچلرنینگ تورکیه بیلن کیلیشوو ایچیده بولیب بولمه ییشی دیر. ادلب منطقه سیده گی اینگ بویوک عسکری کوچ بولگن و تورکیه تامانیدن هم حمایه بولگن ملی ایرکین لشتیریش جبهه سی نشر قیلگن بیاناتی آرقه لی سوچی کیلیشووی توغریسیده تورکیه بیلن حرکت ایتیش گه تیار ایکن لیکلری لیکن روسیه، ایران و بشارالاسد تیزیمی گه ایشانمه گن لیکلرینی افاده ایتگنلر.

تورکیه نقطه نظریدن سوچی کیلیشووی نینگ عملی قیلینیشی بوییچه احتمالی توسیق منطقه ده گی رادیکال گروهلردیر. در حقیقت ادلب منطقه سیده گی رادیکال گروهلرنی ایککی ایریک کتگوریده قولگه آلیش ممکن. بیرینچی کتگوری هیئت تحریر الشام، ایککینچی کتگوریده ایسه ایریم رادیکال گروپلردیر. هیئت تحریر الشام نینگ ادلب منطقه سیده تینچ اهالی نینگ یوراگینی قولگه الیش اوچون آلیب بارگن سیاستی گه دوام ایتیشی کوتیلماقده دیر. عین دمده هیئت تحریر الشام اوز آیدولوژیک منفعتلری بیلن معتدل مخالفت و تورکیه اورته سیده بیر توازنی سیاست آلیب باریش گه حرکت قیلماقده دیر. شونده ی قیلیب هیئت تحریر الشام نینگ سوچی کیلیشووی توغریسیده گی قرارلری بیلن تیگیشلی بیر بیانات نشر بولمه گن لیگی مهم حادثه دیر. سوچی کیلیشوونی عملاً عملی قیلیشی اوچون هیئت تحریر الشامنی قورالسیزلشتیریلگن منطقه نی ترک ایتیشی اوچون قانع قیلیش ممکن.   

بیراق حراس الدین کبی افراطی رادیکال و مستقیم مرکزی القاعده گه باغلیغ ساختارلر ایسه سوچی کیلیشووینی رد ایتگن لیکلرینی بیان ایتدیلر. شونده ی قیلیب تورکیه اوزیگه مناسب کوریلگن گروهلر بیلن بیرگه لیکده بونقه رادیکال گروهلرگه قرشی ضروری آدیملرنی اتیش گه مجبور دیر.

سوریه نینگ مهم بیر قسمتینی داعش و PKK/YPG  کبی ترور عنصرلریدن تمیزله گن تورکیه سوچی کیلیشووی و اوز ملی منفعتلریگه بناً ادلب منطقه سینی هم اورته و اغوزاق مدتده ترور تشکیلتلرینی قولیدن تمیزلشینی کوریش ممکن. تورکیه نینگ ترورچیلیک که قرشی کوره شیده ادلب سوریه لیک تینچ اهالی نینگ حضورلی بیر شکلده حیات کیچیریشی بوییچه ینگی بیر یوتوق بوله دی.  

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.



علاقه لی ینگی لیکلر