جی 20 جلسه سی و ولیعهد شهزاده محمد بن سلمان 49

تحلیل و تیکشیروو

جی 20 جلسه سی و ولیعهد شهزاده محمد بن سلمان 49

تحلیل تیکشیروو 49

آرژانتین‌ده اویوشتیریلگن و ایکّی کون دوام ایتکن (30-نوامبر 1-دسامبر کونلری) جی-20 جلسه سیده کوپچیلیک دنیا رهبرلری اشتراک ایتدی. شو فرصتدن فایده‌لنیب اولر عالي درجه‌لی اوچره‌شوولر اوتکزدی. مذکور اوچره‌شوولرده امریکا قوشمه‌ ایالتلری و چین اورته‌سیده‌گی اقتصادي اوروش بیلن استانبولده‌گی سعودی عربستان باش قونسللیک بناسیده اولدیریلگن سعودی‌لیک ژورنالیست جمال قاشیقچی نینگ قتل ایتیلیشی حقیده‌گی بویروقنی بیرگنلیگی ادعا ایتیلگن سعودی عربستان ولیعهد شهزاده‌سی محمد بن سَلمان نینگ وضعیتی، قولگه آلینگن اینگ مهم‌ مسأله‌لردن بعضیلری ایدی.  

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته میز.

سعودی عربستان نینگ استانبولده‌گی باش قونسللیک بناسیده قول اوریلگن قاشیقچی جنایتی آرتیدن تورک تامانی نینگ موفقیتلی تیرگاوی و خلق‌ارا جمعیت نینگ طلبی نتیجه‌سیده سعودی عربستان قیلگن جنایتنی بوینیگه آلیشدن قاچیب قوتیلالمه‌ی قالدی. وا‌شینگتن پُست روزنامه‌سی یازووچیسی جمال قاشیقچی نینگ اولدیریلیشیده عیبلنگن کیشیلر اوستیدن سعودی عدلیه‌‌سی تامانیدن سود جریانی نینگ باشله‌تیلیشیگه قره‌مه‌ی، جنایت حقیده‌گی بویروق نینگ کیم تامانیدن بیریلگنلیگی حلیگچه انیقلنگنی یوق. بو نینگ نتیجه‌سیده سعودی تامانی واقعه نی بعضی اداره چیلر نینگ سهلانگارلیگی دیب اعلان قیلسه-ده ادعا ‌لر سعودی عربستان نینگ ولیعهد شهزاده‌سی محمد بن سَلماننی کورسه‌تماقده. CİA آلیب بارگن تیرگاو نتیجه‌سیده، «جنایت نینگ آرتیده‌گی کیشی محمد بن سَلمان بولیشی ممکن» دیگن فکرینی مطبوعاتگه بیریب قویگن.

 

جریان شونده‌ی دوام ایتر ایکن سعودی عربستانی نینگ ولیعهد شهزاده‌سی اینگ اوّلا عرب مملکتلریگه سفر اویوشتیردی. آرتیدن ایسه آرژانتین‌ده‌گی جی-20 رهبرلر جلسه سیده اشتراک ایتدی. عرب دنیاسیده‌گی امیر و قیراللر بیلن اوچره‌شوولر اوتکزگن محمد بن سَلمان اینگ آخری تونیسگه باردی لیکن اونینگ بو سفریگه تونیسلیکلر ناراضیچیلیک بیلدیردی. محمد بن سَلمان نینگ تونیسگه بولگن سفری عربلر نینگ کتّه‌ ناراضیچیلیگیگه یول آچر ایکن اولر نینگ ولیعهد شهزاده‌نی قاشیقچی جنایتیدن مسوول توتگن شعارلری بوتون دنیا اعتبارلرینی اوزیگه جلب ایتدی. 

 

تونیسگه بولگن سفریدن کیین جی-20 جلسه سیده اشتراک ایتگن محمد بن سَلمان آرژانتین‌ده سعودی عربستان ایلچیخانه‌سیده تونه‌شنی توغری دیب تاپدی. آرژانتین‌ده ولیعهد شهزاده‌گه قرشی قاشیقچی جنایتی اوستیدن سودگه شکایت قیلینیشی و آرژانتین سودی نینگ مذکور شکایتنی قبول قیلیشی اعتبارلرنی اوزیگه قره‌تدی. محمد بن سَلمان جی-20 جلسه سی گه اشتراک ایتدی لیکن اونده بیر نیچه‌ دنیا رهبری جلسه چاغیده ولیعهد شهزاده‌ بیلن بیرگه‌لیکده صور‌تگه توشمسلیککه حرکت قیلدی. بیر نیچه‌‌گینه اوزارا اوچره‌شوولر عملگه آشیرگن محمد بن سَلمان فرانسه جمهور باشلیغی مکرون تامانیدن کمره‌لر آلدیده حقارت قیلینه‌یاتگندیک تنقید قیلیندی. روسيه دولت رهبری ولادیمیر پوتین ایسه سعودی عربستان ولیعهد شهزاده‌سی محمد بن سَلمان بیلن صمیمي روشده صورتلرگه توشدی.

 

جی-20 جلسه سی اوز یکونیگه ییتگچ قاشیقچی جنایتی و محمد بن سَلمان مسأله‌سیده امریکا قوشمه‌ ایالتلریده مهم‌ واقعه‌لر یوز بیردی. اونگه کوره‌ CİA سیلنگن بعضی بیر امریکا سنا اعضالری اوچون قاشیقچی جنایتی حقیده مخصوص بیانات اویوشتیردی. مطبوعاتگه یاپیق روشده بولیب اوتکن خوددی منه‌ شو بینات آرتیدن، کمره‌لر آلدیده‌گی سناتور کورکر بیلن گره‌ها‌م، قاشیقچی جنایتیدن محمد بن سَلمان نینگ جوابگر ایکنلیگی مسأله‌سیده هیچ قنده‌ی شبهه گه و اندیشه تویغولری ایچیده ایمسلیکلرینی افاده‌ ایتدیلر. شونینگدیک تورک سودی تامانیدن محمد بن سَلمان نینگ اینگ یقینیده‌گی ایکّی کیشی اوستیدن نظارت آستیگه آلیش حقیده قرار قبول قیلینیشی، محمد بن سَلمان اوچون قورشاو نینگ بارگن سری تاره‌ییب باره‌یاتگنلیگینی کورسه‌تماقده‌دیر.

 

جی -20 جلسه سیده‌گی ایکّینچی مهم‌ مسأله‌ ایسه امریکا قوشمه‌ ایالتلری بیلن چین خلق جمهوریتی اورته‌سیده دوام ایتکن اقتصادي اوروشدیر. امریکا قوشمه ایالتلری بیلن چین اورته‌سیده‌گی سوداده کتّه‌ واردات و صادرات موازنتسیزلیگی نینگ بارلیگی امریکا باشقروویگه یوقمه‌دی و اینگ یامانی امریکا قوشمه ایالتلری دولت رهبری ترامپ بو معمانی حل قیلیش اورنیگه چینگه نسبتاً چیکلاو کیریتیشگه قرار قیلدی. بونگه جواب طریقه‌سیده چین نینگ هم امریکا ماللریگه قرشی چیکلاو کیریتیشی ایکّله‌ مملکت اورته‌سیده‌گی اقتصادي اوروشگه رسمي توس قازاندیردی. جوده‌هم ییریک رقملر بیلن اوسیشگه موفق بولگن چین اقتصادیاتی امریکا قوشمه‌ ایالتلری نینگ دنیاده‌گی اورنینی خوف آستیگه قوییشی جهتیدن مهم‌دیر. بو نینگ اوستیگه بیر نیچه‌ امریکا شرکتی نینگ اوز محصولاتینی چینده ایشلب چیقرتیریشی، ایکّله‌ مملکت اورته‌سیده‌گی رقابتنی ینه-ده‌ کوچه‌ییشیگه یول آچدی.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.



علاقه لی ینگی لیکلر