پی کاکانینگ آخری ییتیب کیلماقده 51

تحلیل و تیکشیروو 51

پی کاکانینگ آخری ییتیب کیلماقده 51

تحلیل تیکشیروو 51

پی کاکانینگ آخری ییتیب کیلماقده

دولت باشلیغی رجب طیب ایردوغان نینگ بیاناتی آرقه‌لی تورکيه‌ نینگ فرات دریاسی نینگ شرقینی PKK ترور تشکیلاتی نینگ سوريه‌ده‌گی قناتی PYG/ PYD ترور تشکیلاتیدن قوتقریش عملیاتی رسمي روشده اعلان قیلینگن بولدی. دولت باشلیغی ایردوغان نینگ مذکور بیاناتی آرتیدن منطقه‌ده بیر نیچه‌ عملیات اویوشتیریلدی. بو جهتدن آلیب قره‌گنده‌‌ سوريه‌ده حربي عملیات اویوشتیریشگه یول آچگن جریان و امریکا قوشمه‌ ایالتلری نینگ سوريه سیاستی بیلن تورکيه‌ نینگ امریکا قوشمه‌ ایالتلریگه تقدیم ایتگن الترناتیفلر مهم‌ ا‌ورینگه ایگه‌.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته میز.

تورکيه‌ نینگ فرات دریاسی نینگ شرقیده حربي عملیاتگه اوتیشیده منبیج علیحده‌ ا‌ورینگه ایگه‌ بولدی. اینیقسه‌ عفرین عملیاتیدن کیین دومینو تأثیری بیلن منبیج و فرات نینگ شرقی کون ترتیبیگه آلیب چیقیلگن ایدی. تورکيه حربي معناده هم منبیجگه قره‌ب یول آله‌ باشله‌گن ایدی. امریکا قوشمه ایالتلری بونی کورگنلیگی اوچون تورکيه بیلن مسأله‌نی بحث‌ قیلیشگه مجبور بولدی و نتیجه‌ده بیرته‌ یول نقشه سی تشکیل ایتیلدی. مذکور یول نقشه سیگه کوره‌ مشترک گزمه خدمتی نینگ باشلشی لیکن اوندن هم مهم‌راغی PYG نینگ آغیر قوراللرنی تشلب، فرات نینگ شرقیگه جایلشیشی و منبیجده محلي قبیله‌لردن عبارت بولگن بیر مجلس نینگ تشکیل ایتتیریلیشی کیره‌ک ایدی. لیکن امریکا قوشمه ایالتلری نینگ بو معناده تورکيه‌نی اویه لشگه حرکت قیلگنلیگی، آغیر قدم تشلشی و PYG نینگ منطقه‌نی ترک ایتمه‌گنلیگی کوزه‌تیلدی. بو وضعیت ایسه تورکيه‌ نینگ امریکا قوشمه ایالتلریگه بولگن ایشانچینی هیچ آقله‌مه‌دی. اینیقسه‌ دولت باشلیغی رجب طیب ایردوغان نینگ امریکا قوشمه ایالتلریگه بولگن کوز قره‌شی نینگ ینگیدن شکللنیشیگه یول آچدی. تورکيه، «اگر دیپلوماتیک یول آرقه‌لی امریکا قوشمه ایالتلری بیلن بیرگه‌لیکده PYG خوفینی کمه یتیرالمسه‌ اونده حربي عملیات اویوشتیریشگه مجبورمیز. اینگ مهمی قنچه‌لیک کوتسه‌ بو نینگ یوکی شونچه‌لیک آغیرلشه‌دی» دیگن توشونچه‌ بیلن ایش باشله‌دی.

امریکا قوشمه ایالتلری سوريه‌ده‌گی اورنی حقیده‌گی رسمي حجتلرده بیر نیچه‌ سببلرگه اعتبار قره‌تماقده. اولردن بیری داعش ترور تشکیلاتیگه قرشی کوره‌ش آلیب باریش، آرتیدن داعش نینگ تکرار پیدا بولیشیگه توسیقلیک قیلیش، ایراننی منطقه‌دن چیقریش و بشر الاسد تیزیمینی منطقه‌دن اوزاق توتیش. تورکيه ایسه امریکا قوشمه ایالتلریگه شونی توشونتیریشگه حرکت قیلماقده: PKK اوستونلیک قیلگن و عرب اهالیسی کوپ بولگن منطقه‌لرده قنده‌ی قیلیب تینچلیک اورنه‌تیله‌دی؟ کوریب تورگنیمیزدیک منطقه‌ده تینچلیک اورنه‌تیلگنی یوق. حلیگچه ایران بیلن ایشله‌گن PKK آرقه‌لی ایرانگه قرشی قنده‌ی قیلیب میدان یره‌تیله‌دی؟ اسد تیزیمی بیلن نیچه‌ ییللردن بویان ایشله‌گن PYG بیلن تیزیم قنده‌ی قیلیب منطقه‌دن اوزاق توتیله‌دی؟ 2011-ییلدن کیینگی جریانده عین العرب، عفرین و قمیشلی منطقه‌لری و بیر نیچه‌ قورالنی PYG ترور تشکیلاتیگه اسد تیزیمی بیرگن ایدی. امریکا قوشمه ایالتلری مقصدلریدن اوچته‌سیگه PKK آرقه‌لی ایریشالمه‌یپدی.

تورکيه ایسه امریکا قوشمه ایالتلریگه الترناتیف صفتیده PKKدیک ترور تشکیلاتینی بیرگه‌لیکده یوق قیلیشلیکنی، سوريه مخالفتی تامانیدن وقتینچه‌لیک و قانوني روشده اورته‌گه قوییلگن سوريه حکومتی نینگ قاشیده تشکیل تاپگن عربلر، تورکمنلر و کردلردن عبارت ملي اوردو بیلن بیرگه‌لیکده فرات نینگ شرقیده تینچلیک اورنه‌تیشنی تکلیف قیلماقده. امریکا قوشمه ایالتلری نینگ یشیرین اجنداسی بولمه‌گنیده ایدی تورکيه‌ نینگ بو تکلیفینی رد ایتمه‌ی، قبول قیلگن بولر ایدی. شو نینگ اوچون هم امریکا قوشمه ایالتلری نینگ سوريه‌ده‌گی حقیقي مقصدلری نینگ نیمه‌ ایکنلیگی باره‌سیده کوپلب سواللر پیدابولماقده.

عمومي آلیب قره‌گنده‌‌ تورکيه تامانیدن فرات دریاسی نینگ شرقیده اویوشتیریلگن عملیات نینگ اصل مقصدی قوییده‌گیچه: امریکا قوشمه‌ ایالتلری نینگ سوريه سیاستی تورکيه‌ نینگ خوفسیزلیگینی تهدید ایتماقده. بونگه قرشی امریکا قوشمه ایالتلری بیلن تورکيه اورته‌سیده دیپلوماتیک میدانده کیلیشیب آلینگن شرطلرگه امریکا قوشمه ایالتلری عمل قیلمه‌یپدی. اینگ قیزیغی تورکيه تقدیم ایتگن الترناتیفلرگه امریکا قوشمه ایالتلری نینگ یانده‌شیش کبی نیتی یوق. بو وضعیت تورکيه‌ نینگ امریکا قوشمه‌ ایالتلری نینگ سوريه سیاستیده‌گی تشویشلرینی آرتتیرماقده. شونده‌ی ایکن تورکيه اوز تقدیرینی اوزی قولگه آلیب، فرات نینگ شرقینی PKK/ PYG ترور تشکیلاتیدن قوتقرماقچی و حتا بو باره‌ده قاطع دیر.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.



علاقه لی ینگی لیکلر