یمن لیک مروه

تحلیل و تیکشیروو

یمن لیک مروه

یمن لیک مروه

بعضاً دوچ کیلگن کیچیک معمالرنی کتته قیله قیلیب توره میز. لیکن بو معمالرنینگ دریچه سیده قره ب حیاتنی اوزیمیز، اطرافیمیزده گی انسانلر و مملکتیمیزگه قیین قیله میز. بونقه وضعیتده مسئله لرنینگ تشقریسیگه چیقسک، حیات کیچیریب تورگن مملکت گه تشقریدن نظر تشله سک یخشی راق بوله دی. شونده ی قیلیب قوییده گی حکایه نی تورکیه نی افاده ایتووچی معناگه مثال اوچون تقدیم ایته من.

تورکیه ده یوز بیریب تورگن فوق العاده وضعیتلرگه قره مه ی کون سایین تعلیم – تربیه نینگ مرکزی بولیب بارماقده دیر. مینی وقتیمده تورکیه باریله دیگن بیر مملکت ایمس ایدی. شو وقت 150 اطرافیده خلق ارا محصل تورکیه ده تحصیل قیلیب تورگن. شونده ی قیلیب هر بیر اوقووچی نینگ حیاتی ایریم بیر حکایه نی تشکیل ایتماقده دیر. تورکیه نینگ بو یاشلر اوچون نیمه افاده ایتگنینی، قنداغ بیر امید و حیجان ایکینینی کورسه تیش اوچون یمن لیک مروه نینگ بو حکایه سینی تقدیم ایته من.  

انقره ییلدیریم بایزید عالی بیلیم یورتی سیاست علملر فاکولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایته میز.

   آنه یمندیر، گُلی چمندیر…

یمن جمهوریتی سعودی عربستان، عمان بیلن چیگره‌داش. قیزیل دینگیز، ادین کورفزی گه قیرغاغی بولیب  ستراتیژیک جایلشووی جهتیدن تاریخده جوده‌ کوپ عذاب چیککن دولتلردن بیری. تورکيه جهتیدن ایسه، مکه و مدینه مدافعه‌سی او ییردن باشلنگنی اوچون جوده‌ کوپ شهید بیریلگن منطقه‌لردن بیریدیر. چناق قلعه د‌ن تشقری، قلبی یانگن تورک خلقی نینگ فریادلریدن تیتره‌گن مملکت دیر. شهیدلر نینگ کوپلیگی سببلی بولسه کیره‌ک، چاناق قلعه و یمن نازک یوره‌کلرنی یاندیره‌دی.

امیدگه قره ب سفر…

مروه انه‌ شو مملکتده توغیلیب اوسگن. او یمن نینگ پایتختی سنا‌ شهریدن بوله‌دی. او هم هر بیر انسان کبی پارلاق کیله‌جک سری اینتیلر ایکن، 2014 ییلده روی بیرگن ایچکی توقنه‌شوولر امیدلری نینگ برهم ییشیگه سبب بوله‌دی. تونتروو وقتیده، بلکه‌ قورال آوازلری جرنگله‌یدی. نه‌ یاشلر، نه‌ اولرنینگ کیله‌جگی اعتبارگه آلینه‌دی.

2015 ییلده وطنی باشیگه توشگن بو کلفت ایچیده کیله‌جک سری نا امید نگاه‌ تشلر ایکن، مروه نینگ یولینی یاریته‌دیگن بیر نور پیدا بوله‌دی. او هم بولسه خارجده‌گی تورکلر باشقرمه سیدن کیلگن بیر خوش‌خبر. بو خوش‌خبرده اونینگ تورکيه‌ده تحصیل آلیشگه حق قازانگنلیگی معلوم قیلینه‌دی.

اوشه‌ ییللرده یمنده‌گی اوروش طفیلی، امریکا قوشمه ایالتلری، جرمني و انگلیسلر تامانیدن طلبه‌لرگه بیریله‌دیگن بورس‌لر توخته‌تیله‌دی. اوشبو مرکّب جریانده تورکيه بورس‌لری مروه کبی توپلم 150 نفر یمنلیک یاشلرده گویا کیله‌جک تامان کتّه‌ امید پیدا قیله‌دی. اولر تورکيه‌ده تحصیل آلیب، ییتوک متخصصلر صفتیده وطنیگه قَیتیش و اوروشده خرابه‌گه ایلنگن یمننی آباد قیلیشنی خیال قیله باشله‌یدیلر. بیراق، حیات نینگ اچّیق حقیقتی بار اولر نینگ آلدیده. وطنیده‌گی ایچکی اوروش طفیلی پایتخت صنا‌ده‌گی ایلچیخانه‌لر یاپیلگن، بعضیلری ایسه، جدده شهریگه کوچیریلگن ایدی. خوفسیزلیک طفیلی اوچاق سفرلری هم توخته‌تیلگن. تورکيه‌گه کیلیشی اوچون اولر ویزه آلیشی کیره‌ک. شو نینگ اوچون بیر‌گینه یول جده شهریگه کوچیریلگن تورکيه ایلچیخانه‌سیگه مراجعت قیلیشدیر. اما، اوروش طفیلی خطرلی یوللردن اوتیب، جده شهریگه ییتیب باریش جوده‌ کتّه‌ جسارت طلب قیله‌دی. بمب‌لر، آتیشمه‌لر، هجوملر و چیگره‌لرده‌گی قتّيق نظارتدن اوتیب سعودی چیگره‌سیگه ییتیب باریش امکانسیزدیک. حتا، سعودی چیگره‌سیگه ییتیب باریلگن تقدیرده هم سعودی عربستان حدودیگه کیریب باریشگه هیچ کیم کفالت بیره آلمه‌یدی.

چاره‌سیزلیک ایچیده چاره‌ قیدیرگن یمنلیک یاشلر سنه‌ده توپلنه‌دیگن. اولر جده‌ده‌گی تورکيه ایلچیخانه‌سی بیلن علاقه‌ اورنه‌ته‌دیلر. ویزه آلیش اوچون پاسپورتلرنی جده‌گه آلیب باریشدن باشقه‌ چاره‌ یوق. ونهایت بیر ایرکک طلبه‌ بوتون پاسپورتلرنی جده‌گه آلیب باریشگه قرار بیره‌دی. لیکن، کوپ اوتمه‌ی بو قراریدن واز کیچه‌دی.

نا امید بولگن بیر پیتده، مروه پاسپورتلرنی توپلب، جده شهریگه آلیب باریشگه بیل باغله‌یدی. قیزنینگ قراری عایله‌سینی خواطرگه ساله‌دی. اونی بو قراریدن واز کیچیریشگه حرکت قیله‌دیلر. لیکن، او قراریدن واز کیچمه‌یدی. یاشلر تیز آره‌ده بیر-بیری بیلن علاقه‌ اورنه‌ته‌دیلر. 90 ته پاسپورت توپلنه‌دی. بعضیلری بیلن علاقه‌ اورنه‌تیش نینگ امکانی بولمه‌یدی. بعضی یاشلر مروه نینگ بو مشقتلی یولنی آخریگه ییتکزه آلمه‌سلیگیگه، یول نینگ آخریگه قدَر بارسه هم سعودی عربستانی حدودیگه کیرا‌ آلمه‌سلیگیگه ایشانچ حاصل قیلیب پاسپورتینی اونگه بیرمه‌یدیلر.

تورکيه‌ نینگ یمنده‌گی ایلچیسی فضلی چورمن، مروه نینگ بو جسارتینی کوریب خورسند بوله‌دی. فقط، اونینگ بو حرکتی نینگ خطر‌لرینی هم تکرار-تکرار تأکیدله‌یدی.

اگرده‌، اونینگ یانینی یخشیلب تیتکیلب قره‌یدیگن بولسه‌لر، دستکولیده‌گی 90 ته پاسپورت نینگ اوزی اونینگ حیاتینی خوف آستیگه قوییشی ممکن. بونده‌ی خوف-خطرگه قره‌مه‌ی مروه ایلچیدن تورکيه‌دن بورس‌ آلیشگه حق قازانگنلیگینی، اونینگ کبی بورس‌ آلیشگه موفق بولگنلر نینگ ویزه آلیشلری اوچون جده شهریگه کیته‌یاتگنلیگی" حقیده رسمي یازوو یازیب بیریشینی التماس قیله‌دی.

نهایت، مروه اوز عایله‌سی نینگ، باشقه‌ طلبه‌لرنینگ و اولرنینگ عایله‌لری نینگ دعالرینی آلیب یولگه آتلنه‌دی. ایکّی کون دوامیده‌ سعودی عربستان چیگره‌سیگه قدَر یمن شهرلری بویلب یول آله‌دی. یوللرده بیران توقنه‌شوو یاکه بمب‌لرگه دوچ کیلمه‌ی چیگره‌لرگه قدَر ییتیب کیلیشی، آلگن دعالری باعث بولگن بولسه عجب ایمس.

 اکثریت چیگره‌ پُستلرده قیز باله‌ بولگنلیگی اوچون اونچه‌لیک قتّيق تیکشیریلمه‌یدی. ایرته‌لب ساعت 10:00ده یمن گمرکی گه ییتیب کیله‌دی. لیکن، آلدیده جوده‌ اوزون نوبت بارلیگینی کوریب کونگلی یمان بوله‌دی، چونکه‌ کون دوامیده‌ کوتسه هم اونگه نوبت ییتیب کیلمسلیگیگه امین بوله‌دی. لیکن، او یمنلیک گمرک‌ خادملریگه وضعیتینی توشینتیریب، گمرک‌دن اوتیشگه موفق بوله‌دی. قولیده دستکولی و 90 نفر طلبه‌ نینگ پاسپورتی بیلن سعودی گمرکیگه ییتیب کیله‌دی.

"نامحرم کیرا‌لمه‌یسیز"….

سعودی عربستان گمرکیده ایشلر آسانلیقچه بیتمه‌یدی. او ییرده‌گی گمرک‌ خادملری مروه گه ایشانمه‌یدیلر و ایرته‌گه کیلینگ دیب ایته‌دیلر. او ایسه یالغیز اوزی چول نینگ اورته‌سیده نیمه‌ قیله‌دی؟ مروه ینه‌ ایلچیخانه‌ بیلن علاقه‌ قوره‌دی. ایلچیخانه‌ اونینگ وضعیتی و مقصدی حقیده گمرک‌که بیر فکس جونه‌ته‌دی. سعودی گمرکیده‌گیلر ایسه، اونینگ یانیده اوزیگه یقین بیران محرم ایرکک بولمه‌ی توریب (کویاوی، آته‌سی، اوکه‌سی تاغه سی) سعودی عربستانگه کیرا‌ آلمه‌سلیگینی بیان ایته‌دیلر. مروه ایسه، حج عبادتی اوچون کیتمه‌یاتگنلیگینی، دولت حدودیده اوچ کوند‌ن آرتیقچه قالمسلیگینی، ویزه ایشلرینی بیتیریب درحال آرتگه قَیتیشلیگینی اولرگه توشونتیره‌دی. گمرک‌ خادملری 9 ساعتلیک مناظره‌دن سونگ، مروه نینگ سعودی حدودیگه کیریشیگه رخصت بیره‌دیلر.

سعودی‌ده‌گی تورکيه ایلچیخانه‌سی خادملری مروه نی سیوینچ و ممنونیت بیلن کوتیب آله‌دیلر. خادملر اوچ کون دوامیده‌ ویزه ایشلرینی حل قیله‌دیلر.

لیکن، مروه نینگ مصیبتلری بو بیلن بیتمه‌گن ایدی. چونکه‌، اونینگ یمن گه قَیتیشی خودّی کیلیشیدیک خطر‌لی ایدی. او وطنیگه قَیته‌یاتگنده اتوبس بیر کوپریکدن اوتیشی بیلن  کوپریک پورتلب کیته‌دی. او بیر نیچه‌ دقیقه‌لیک فرق بیلن اجلدن قوتیلگن ایدی. اونینگ اتوبسی چول اورته‌سیدن، مشقتلی یوللردن اوتیب، نهایت صنا‌ شهریگه ییتیب کیله‌دی.

مروه حاضرگی کونده‌ ییلدیریم بیاضید عالی بیلیم یورتی نینگ موفقیتلی طلبه‌لریدن بیری. او ویزه آلیب بیرگن باشقه‌ دوستلری هم تورکيه‌ نینگ تورلی شهرلریده تحصیل آلماقده‌لر.

مروه نینگ باشیدن اوتگن بو قیین کونلر، باشقه‌ طلبه‌لرگه هم اورنک بوله‌دی دیگن امیدده‌میز.

انقره ییلدیریم بایزید عالی بیلیم یورتی سیاست علملر فاکولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایتدیک.


لیبل: یمن , مروه

علاقه لی ینگی لیکلر