سوریه ده سونگگی کونلرده وضعیت قنده ی؟

سوریه ده سونگگی کونلرده وضعیت قنده ی؟

سوریه ده سونگگی کونلرده وضعیت قنده ی؟

قریب سککیز آی آلدین سوریه لیک دوکتور اسامه ابو العز, "حلب ده ایندی تابوت تاپیش ممکن ایمس" دیگن ایدی. 

میلادی ۲۰۱۶ نچی ییلی اپریل آیی دن بیری سوریه نینگ حلب شهریده مخالف لرنینگ قولیده گی منطقه لرده یشش نینگ اولیم دن فرقی یوق ایدی.  اوشبو جهت دن آلیب قره گنده, میلادی ۲۰۱۶ نچی ییلی نینگ ایلک آی لریده ترقه تیلگن خلق ارا عفو تشکیلاتی نینگ بیر راپوریده گی بیلگی لر اوزی گه خاص اهمیت گه ایگه ایدی.  خودی منه شوو راپورده بشار الاسد رژیمی و روسیه نینگ هوائی هجوم لریده عمداً کسلخانه لرنینگ هدف قیلیب آلینگن لیک لری بیلدیریلماقده ایدی.  شونده ی قیلیب اعلام قیلینگن تینچ لیک کیلیشو لری آلدی و آرتیدن اسد رژیمی و روسیه نینگ کسلخانه لر نی هدف قیلیب آلگن لیک لری کوریندی.  خلق ارا عفو تشکیلاتی, کسلخانه لرنینگ هدف قیلیب آلینیشی نینگ آلیب باریلیتگن اوروش ستراتیژی لری نینگ بیر بولگی دن عبارت ایکن لیگی نی بیلدیرماقده ایدی.  باشقه چه قیلیب ایتگنده خلق ارا حقوق گه ضد حرکت ایتیش تشبث لریدن عبارت ایدی اوشبو ستراتیژی. 

روسیه و اسد رژیمی اساساً کسلخانه لر, برق برج لری و ایچیش سووی مرکز لری نی بمباردمان قیلدی.  اوشبو ستراتیژی ده گی اساسی هدف ایسه, انسان لرنی شهر نی ترک ایتیش گه مجبور قیلیشدن عبارت ایدی. 

سونگگی بیش ییلده سوریه ده یوزلب دوکتور جان بیردی.  انسان حق لری اوچون دوکتورلر نامیده گی بیر موسسه نینگ تحقیقاتی گه کوره, میلادی ۲۰۱۶ نچی ییلی اپریل آیی گه قدر سوریه ده سونگگی بیش ییلده ۷۳۰ داکتر جان بیرگن.  عینی دمده اوشبو تاریخ گه قدر ۲۶۹ کسلخانه گه توپلم ۳۸۲ هوائی هجوم اویوشتیریلگن.  اوشبو تحقیقات نینگ نتیجه سی نینگ ترقه تیلگن اپریل آیی بیلن دسامبر آیی گه قدر بولگن مدت مابینیده هم ینه ۵۴ هجوم اویوشتیریلدی.  موجود معلومات لر, اوشبو هجوم لر نینگ کونده لیک بیر پلان گه ایله نیب قالگن لیگی نی کورستماقده. 

جاری هفته ده حلب نینگ شرقی قسم لری بوتونلی بشار الاسد رژیمی نینگ قولی گه توشگن وضعیتده.  اوشبو خصوصده خلق ارا موضوع لر بوییچه گپریش حقی بولگن لیگی نی بیلدیریتگن غرب نینگ اوزی گه خاص بیر مسئولیت گه ایگه ایکن لیگی کورینماقده.  غرب نینگ سوریه بیلن علاقه لی یمان سیاستی انیق بیر وضعیت گه قلیب قالگن.  حتی پارلمان لریده اوشبو موضوع خصوصیده بحث لر یوریتیلماقده.  انگلستان نینگ سابق مالیه وزیری و محافظه کار حزبی نینگ وکیلی جورج اوسبورن, جاری هفته ده پارلمانده قیلگن معروضه سیده اولکه سی و قالیویرسه غرب نی قتتیق بیر شکلده تنقید ایترایکن, "سوریه ده گی اوشبو وضعیت بیلن علاقه لی هیچ قنده ی بیر مسئولیتی میز نینگ بولمه گن لیگی گه ایشانه دیگن بولسک اگر, پارلمان ده گی کیشی لر صفتیده اوزی میز نی الدتماقده میز.  حلب ده گی تراژیدی, غرب, امریکا و انگلستان نینگ یمان سیاست لری نتیجه سیده باشلب کیتدی" دییه قید ایتدی. 

ایککی هفته آلدین هم آلمان فدرال مجلسیده بولیب اوتگن بیر ییغیلیش جریانیده معروضه قیلگن آلمان فدرال مجلسی تشقی ایش لر کمیسیونی نینگ باشلیغی نوربرت روتگن, اوز سوز لری نی, "حلب, غرب نینگ سونگگی ییل لرده گی یمان سیاستی نینگ نتیجه سیدن عبارت" شکلیده دوام ایتتیردی. 

ایککینچی دنیا اوروشیده نازی لر نینگ قیلگن قیرغین لری نینگ قیتیب قیلینمیدیگن لیگی نی بیلدیرگن کیشی لرنینگ اوشبو سوز لری نی ایسدن چیقاریب قویگن لیک لری کورینماقده.  بونگه اوخشش حادثه لر فلسطین, بوزنیا, رواندا و اینگ سونگ ایسه سوریه ده یوز بیردی.  میلادی ۲۰۱۳ نچی ییلیده بشار الاسد اوز خلقی گه قرشی کیمیاوی قوراللر دن استفاده ایتگنده اعلام قیلینگن اینگ سونگ چیگره دن اوتیلگن ایدی.  بیراق, غرب بشار الاسد نینگ اوشبو ایشی گه عکس العمل کورستمه دی.  عکسینچه قاعده لری نینگ روسیه تامانیدن معلوم قیلینگن بیر اوین نی اوینب باشله دی غرب دنیا سی.  اوشبو وضعیت نینگ اوزی ایسه برچه اوروش جرم لری اوچون یول آچیب بیردی. 

روسیه هوائی کوچ لری نینگ حمایه سی بیلن حلب بوتونلی بشار الاسد رژیمی نینگ قولی گه توشدی.  بیراق, اوشبو وضعیت رژیم نینگ کوچلی ایکن لیگی نی کورستمیدی.  اوشبو وضعیت اوچون روسیه دن تشقری, ایران اداره سیده گی چیت ایل لیک جنگری لر, عراق دن کیلگن اوروشچی لر و حزب الله هم زمینه یره تیب بیردی. اوشبو دایره ده بشار الاسد رژیمی حلب نی قول گه کریتیش گه حرکت ایترایکن, ترور تشکیلاتی داعش ایسه پالمیرا نی آلیب قویدی. 

سوریه ده سیاسی جهت دن بولینیب قالگن بیر دولت نینگ موجودیتی یققال کورینیب تورگن وضعیتده.  بیراق, تورت اولکه نینگ همکارلیگی بیلن اوز موجودیتی نی دوام ایتتیریش گه حرکت ایتیتگن بیر دولت هم فقط گینه بیر خیال دن عبارت خلاص. 

رژیم حلب نینگ ایرکین له شه دیگن لیگی نی بیلدیرگن ایدی. بیراق اونده ی بولمه دی.  چیت ایل لیک کوچ لر سوریه نینگ بیر قسمی نی ویرانه گه ایلنتریب قویدی خلاص. حلب آرتیدن ایندی اسد رژیمی گه قرشی چریکی اوروش لرنینگ باشلب کیتیشی احتمالی موجود.  روسیه هوائی کوچ لری نینگ حمایه سی نینگ بحث موضوعی بولمیدیگن بیر وضعیت ده اسد رژیمی نینگ بونده ی بیر کوره ش گه قرشی چیده شی نینگ هم ممکن ایمس لیگی کورینماقده.  عکسینچه اسد رژیمی نینگ باسیم لری ینه ده کوپراق چریک لرنینگ پیدا بولیشی گه سبب بوله دی. 

سوریه ده اوروش لر جریانیده اسد رژیمی کوپلب تخریبات گه سبب بولدی.  عینی دمده میلیون لب سوریه لیک مهاجر بولیب قالدی.  بونده ی بیر شرایط نینگ اوزی ده اسد رژیمی نینگ دیوانه سیاست لری مقاومت نینگ ینه ده آرتیب کیتیشی گه سبب بوله دی البته که.  اوشبو مقاومت نینگ میلادی ۱۹۸۲ نچی ییلی ده گی حماه مقاومتی گه اوخشه میدیگن لیگی کورینماقده. سونگگی بیش ییلده گی حادثه لر اوشبو حقیقت نی یققال کورسه تیب بیردی. 

شونده ی قیلیب, سوریه ده جدی بیر اجتماعی, اقتصادی و سیاسی اوزگریش نینگ بحث موضوعی ایتیلمس لیگی تقدیرده, موجود رژیم و حمایه چی لری معما دن عبارت  بولیش گه دوام ایته دی. 



علاقه لی ینگی لیکلر