اسرائیل سعودی عربستان مفتی سی گه منتدارچیلیک بیلدیردی

سعودی عربستان مفتی سی اسرائیل گه قرشی اوروش نینگ ناجایز ایکن لیگی نی بیلدیردی

اسرائیل سعودی عربستان مفتی سی گه منتدارچیلیک بیلدیردی

اسرائیل گه قرشی اوروشیش نینگ ناجایز ایکن لیگی نی بیلدیریب, حماس نینگ بیر ترور تشکیلاتی ایکن لیگی نی معلوم قیلگن سعودی عربستان مفتی سی عبدالعزیز آل الشیخ اسرائیل تامانیدن دعوت ایتیلدی. 

اسرائیل ارتباط لر وزیری ایوب کارا, اوشبو سوز لری سببلی سعودی عربستان مفتی سی و عالم لر هیئتی باشلیغی عبدالعزیز آل الشیخ گه اوز منتدارچیلیک لری نی بیلدیردی. 

کارا تویتر آرقه لی بیرگن بیاناتیده, "یهودی لر گه قرشی اوروشیش نینگ ممنوع ایکن لیگی توغری سیده گی فتوا سی سببلی سعودی عربستان مفتی سی و عالم لر هیئتی نینگ باشلیغی عبدالعزیز آل الشیخ گه اوز تبریک لریمنی بیلدیره من.  الشیخ, حماس نینگ بیر ترور تشکیلاتی دن عبارت ایکن لیگی و فلسطین لیک لر گه ضرر بیرگن لیگی نی بیلدیردی.  عینی دمده الاقصی ده گی ناراضی چیلیک نمایش لری نینگ کیره ک سیز ایکن لیگی و حزب الله نینگ یوق ایتیلیشی اوچون اسرائیل بیلن همکارلیک ایتیش لری نینگ ممکن ایکن لیگی نی معلوم قیلدی.  مین مفتی نی اسرائیل گه دعوت ایته من. یوقاری سویه ده بیر حرمت بیلن کوتیب آلینه دی" دییه قید ایتدی. 

سعودی عربستان مفتی سی عبدالعزیز آل الشیخ تلویزیونی بیر برنامه ده, اسرائیل گه قرشی اوروشیش نینگ ناجایز ایکن لیگی نی بیلدیررایکن, حزب الله نی یوق ایتیش اوچون اسرائیل اردوسی بیلن همکارلیک ایتیش لری نینگ ممکن ایکن لیگی نی بیلدیرگن ایدی.

سعودی عربستان ولیعهد شهزاده سی محمد بن سلمان هم آلدین بیرگن بیانات لریده سعودی عربستانده معتدل بیر اسلام نینگ حاکم بولیشی کیره ک ایکن لیگی نی معلوم قیلگن ایدی. 



علاقه لی ینگی لیکلر