سعودی عربستانده نیمه لر بولماقده؟

اوشبو مطلب داکتر جمیل داغاچ تامانیدن ترک تیلیده یازیلگن مقاله سی نینگ اوزبیک تیلی گه ترجمه ایتیلگن مقاله سیدن عبارت

سعودی عربستانده نیمه لر بولماقده؟

معلوم بیر مدت دن بیری, سعودی عربستانده حاضرگی کونگه چه هیچ کورینمه گن کوپ جدی اوزگریشلر یوز بیرماقده. خوب اوشبو اوزگریش لر جدی بیر اوزگریش می, یاکه تخت اوین لریدن عبارت می؟ بیز هم سعودی عربستانده گی اوشبو اوزگریش لر و خودی منه شوو وضعیت نینگ منطقه گه قالدیره دیگن تاثیری باره سیده بحث ایتماقچی میز.

اوتیش...

میلادی 2017 نچی ییلی نوامبر آیی نینگ 4 نچی کونیده سعودی عربستان ولیعهد شهزاده سی محمد بن سلمان ریاستی آستیده اداری فساد گه قرشی کوره ش کمیسیونی نینگ قوریلیشی آرتیدن ایریم کیشی لر نظارت آستی گه آلینه باشلَندی.  شونده ی قیلیب اونلب شهزاده, تنیقلی سرمایه دار لر و یوقاری مرتبه لی حربی مسئول لر اداری فساد گه قرشی کوره ش دایره سیده نظارت آستی گه آلینرایکن, بانکی حساب لری هم تونگنه تیلدی.  کابینه گه ایریم اوزگریش لر کیریتیلرایکن, نظارت آستی گه آلینگن قوماندان لر اورنیگه ایسه باشقه قوماندان لر تعین قیلیندی. 

سعودی عربستانده آره سیده 11 نفر شهزاده نینگ هم موجود بولگن 30 دن آرتیق یوقاری مرتبه لی کیشی لرنینگ کوتیلمه گن بیر بویروق بیلن نظارت آستی گه آلینیشی نینگ جدی بیر اوزگریش نینگ باشلغینچی بولیشی ممکن می؟ شهزاده محمد نینگ اوشبو جسورانه حرکتی بوییچه, اولکه ده کینگ قولاچ یاییب کیتگن اداری فساد گه قرشی حساسیتی نینگ هم رولی بار.  عینی دمده اوشبو موضوع بوییچه باشقه سبب لر نینگ هم جدی رول اوینه گن لیگی نی ایسدن چیقارمس لیک کیره ک.  32 یاشیده گی شهزاده, اوشبو موقف گه ایگه بولگن جاری ییل نینگ ایلک کون لری دن بیری, اولکه ده سیاسی, اجتماعی و اقتصادی اوزگریش لر کیریتیش بوییچه قرار لی ایکن لیگی نی کورستماقده.  اوشبو سیاست لری ایسه رهبریتی آستیده گی محافظه کار لرنینگ مخالفتی گه سبب بولماقده.  یاش شهزاده نینگ سونگگی قرار لری بیلن مخالف لری گه قرشی اوز کوچی نی آرتیریش نی هدف قیلیب آلگن بولیشی ممکن.  شوباعث, ایریم تحلیلچی لر سونگگی ینگی لیک لر نی تخت اوین لری اوله راق بهالنتیرماقده.  بعضی تحلیلچی لر ایسه اوزگریش نینگ ضرور ایکن لیگی و اوشبو ضرورت نی ایندی توخته تیش نینگ ممکن ایمس لیگی سببلی خودی منه شوو ینگی لیک لر نینگ بیر اوزگریش دن عبارت ایکن لیگی نی بیلدیرماقده. باشقه بیر تاماندن ایسه ایریم تحلیلچی لر, اوشبو ینگی لیک لرنینگ امریکا قوشمه ایالت لری نینگ منطقه ده گی ینگی عملیات لری دن عبارت ایکن لیگی نی معلوم قیلماقده. 

مصر, امریکا و اسرائیل نینگ بیر یقه دن باش چیقاریشی, قطر گه قرشی باسیم قیلینیشی, شهزاده لرنینگ نظارت آستی گه آلینیشی, سعودی عربستان نینگ ایران گه قرشی سیاست لری نینگ حتی اوروش گه سبب بوله دیگن بیر شکلده جدی له شیشی, عربستان عالم لری نینگ اسرائیل نینگ منفعت لری گه اویغون فتوا لر بیره باشله شی کبی اوزگریش لرنینگ شهزاده محمد بن سلمان نینگ ولیعهد بولیشی آرتیدن بحث موضوعی بولیب قالگن لیگی کورینماقده.  بیراق, اوشبو قرار لرنینگ همه سی پادشاه سلمان نینگ اوزی تامانیدن آلینرایکن, ولیعهد شهزاده محمد بن سلمان ایسه مذکور قرار لر نی تطبیق ایتماقده. 

سونگگی پیت لرده حربی ساحه بوییچه مصرف لری میزانی نی انچه آرتیریب یوبارگن لیگی سعودی عربستان نینگ بیر اوروش اوچون تیارگرلیک اوتکزیتگن لیگی مفکوره سی نینگ مطرح بولیشی گه سبب بولماقده.  خودی منه شوو فعالیت نینگ واشنگتن و اسرائیل رهبریت لری تامانیدن حمایه له نیتگن لیگی ادعا ایتیلماقده.  قطر گه قرشی تجرید سیاستی نینگ تطبیق ایتیلیشی نی ایسه قطر نی هم خودی منه شوو ائتلاف گه کیریتیش سیاستی اوله راق بهالنتیریش ممکن.  بیراق, ایچکی خفه لیک لر سعودی عربستان نینگ اینگ ضعیف تامانی نی تشکیل ایتماقده. شهزاده محمد آته سی نینگ تخت گه اوتیریشی آرتیدن آلگن قرار لر و تطبیق ایتگن پروژه لر بیلن کتته خطر لر نی قبول قیلگن بولدی. تخت اوین لری, ایران بیلن بولگن مناسبت لر, اینیقسه یمن ده گی حربی فعالیت لر و امریکا قوشمه ایالتلری بیلن بولگن علاقه لر ییچیلیشی کیره ک بولگن اینگ مهم معما لر دن عبارت. خودی منه شوو خصوص لر ده قیله دیگن اینگ کیچیک بیر اشتباه اولکه سی و همده عایله سی گه جوده هم قتتیق ضرر بیره دی. 

انرژی و همده بشری منبع جهتی دن سعودی عربستان مهم بیر اولکه دن عبارت.  اوشبو اولکه نینگ آله دیگن قرار لری و خودی منه شوو قرار لر گه قرشی کورسه تیله دیگن عکس العمل لر منطقه ده گی همه گه تاثیر قالدیره دی.  بیراق, منطقه ده گی اینگ کیچیک اوزگریش انرژی نرخی ده اوزگریش گه سبب بولرایکن, ایریم پیت لرده مذهبی اوروش لرنینگ باشلب کیتیشی گه سبب بولیشی ممکن.  شونده ی قیلیب وضعیت انچه بحرانی له شیب کیته دی. 

ترکیه جمهوریتی ایسه حاضرچه اوشبو ینگی لیک لرنی فقط گینه سعودی عربستان نینگ ایچکی مسئله سی اوله راق بهالنتیرماقده خلاص.  ترکیه جمهوریتی جمهوررئیسی رجب طیب اردوغان نینگ سوزلاوچیسی ابراهیم قلین, تلویزیون آرقه لی بیرگن بیانات لریده, "ذهنیت نینگ ساختاری قنده ی قیلیب اوزگره دی؟ اوشبو خصوصده کیره ک لیک قدم لرنی تشلَش گه حرکت ایتماقده میز.  پادشاه نینگ اوزگریشی آرتیدن بعضی سیاسی اوزگریش لر کیریتیلیشی ریجه لنماقده.  میلادی 2030 نچی ییلی پروژه سی موجود.  سعودی عربستان نینگ تینچ لیگی گه حصه قوشه دیگن بیر پروسه نینگ بحث موضوعی بولیشی نی آرزو ایتیب قاله میز" دییه قید ایتدی. 

سعودی عربستانده گی ینگی لیک لرنینگ ترکیه جهتی دن بهالنتیریلیشی تقدیرده, جنوبی چیگره سیده, (سوریه و عراق نینگ شمالی) قوریلیش گه حرکت ایتیلیتگن ترور تشکیلاتی پی کا کا/پی وای دی ساختاری نینگ انقره اوچون بیر تهدید دن عبارت ایکن لیگی سببلی  ترکیه نینگ اوشبو وضعیت بوییچه مستقماً طرف بولیش اورنیگه, فقط گینه اوز امنیتی مسئله لری توغری سیده باش قاتیره دیگن لیگی اویلنماقده.  ترکیه خودی منه شوو تهدید لرنی یوق ایتیب قویش اوچون کیره ک لیک قدم لر نی تشله ماقده. 

منطقه نینگ ایچیده گی کیلیشمووچیلیک لرنینگ منطقه نینگ تشقری سیده گی اکتور لر نینگ تاثیری بیلن آرتیب کیته دیگن لیگی و خودی منه شوو وضعیت نینگ ترور تشکیلات لری گه امکانیت یره تیب بیره دیگن لیگی سببلی, ترکیه نینگ اوشبو پروسه نینگ کیله جک ده گی دور لری ده دیپلماتیک بیر رول گه ایگه بولیشی ممکن.  ترکیه جهتی دن ایسه اوشبو قدرت خلا لری اوزی گه خاص بیر اهمیت گه ایگه. بیواسطه تاثیری آستیده قاله دیگن بحران لر گه مانع بولیش ترکیه جمهوریتی تشقی سیاستی نینگ اساسی نی تشکیل ایتیتگن لیگی سببلی, بحران نینگ چقورله شیب کیتیشی تقدیرده, ترکیه نینگ ینه ده فعالراق بیر رول گه ایگه بولیشی ممکن. 



علاقه لی ینگی لیکلر