مسلمان اشوله چی رقابتدن چیقیب کیتیش گه مجبور بولیب قالدی

فلسطیندن حمایه قیلگن لیگی و حجابلی بولگن لیگی اوچون مطبوعات و اجتماعی ترماق آرقه لی اونگه قرشی قاره لاوچی کمپاین آلیب باریلگن

مسلمان اشوله چی رقابتدن چیقیب کیتیش گه مجبور بولیب قالدی

فرانسه ده قوشیق بیلشوویگه قتنشگن و ژوری هیئتی نینگ تقدیرینی قازانگن منال ابتسام، فلسطیندن حمایه قیلگن لیگی و حجابلی بولگن لیگی اوچون مطبوعات و اجتماعی ترماق آرقه لی اونگه قرشی آلیب باریلگن قاره لاوچی کمپاین و تبلیغ باعث رقابتدن چیقیب کیتیش گه مجبور بولدی.

منال ابتسام، فرانسه نینگ TF1 تلویزیون کانالی تامانیدن آلیب باریلگن "The Voice" آتیده گی بیلشووگه اشتراک ایتیب، تنیقلی اشوله چی  Leonard Cohen نینگ  "Hallelujah" آتیده گی اشوله نی انگلیسچه و عربچه اوقیگن.  22 یاشده گی خودی شو یاش قیز، اجتماعی ترماق آرقه لی آلیب باریلگن قاره لاوچی کمپاین نینگ آرتیدن رقابتدن چیقیب کیتیش گه مجبور قالگن.

اوشبو قرارینی اوز فیسبوک آدرسی آرقه لی بیان ایتیب، سونگی پیتلرده آلیب باریلگن حادثه لردن متاثر بولگنینی بیلدیردی.

ابتسام، اونی حمایه قیلگن هر بیر کیشی گه منتدارچیلیک بیلدیریب، بو توغریده کوره ش آلیب باریشی بیلن علاقه لی پیام بیردی.

پروگرام تیارلاوچی ITV Studios France آتیده گی شرکت ایسه "منال ابتسام نینگ تصمیمی گه حرمت قیله میز" دیب ایتدی.

منال ابتسام، شنبه کونی نشر بولگن مسابقه نینگ آرتیدن حجابلی بولگنی و بیر مدت آلدین "کولگیل فلسطین" آتیده گی اشوله نی اوقیگنی اوچون مطبوعات و اجتماعی ترماق آرقه لی کمپاین و عرقچی هجوملرگه دوچ قالگن ایدی.



علاقه لی ینگی لیکلر