بلجیم ده مکتبلرگه کیلتیریلگن حجاب ممانعتی برطرف ایتیلدی

بلدیه کینگشی اعضاسی لیسه لرده آلیب باریلگن حجاب ممانعتی نینگ برطرف ایتیلیشیدن خبر بیردی.

بلجیم ده مکتبلرگه کیلتیریلگن حجاب ممانعتی برطرف ایتیلدی

بلجیم نینگ گنت شهری بلدیه سی نینگ تعلیم و تربیه لش و یاشلردن مسؤل کینگش اعضاسی Elke Decruynaere، مذکور شهرده گی لیسه لرده آلیب باریلگن حجاب ممانعتی نینگ برطرف ایتیلیشیدن خبر بیردی.

فلامانچه نشرات قیله یاتگن " Het Nieuwsblad" روزنامه سی نینگ خبریگه کوره، Decruynaere، فبروری آییده تونگرین بیرینچی شهر محکمه سی نینگ حجابنی دینی ایرکین لیکلرگه ماس ایمس دیگن قراری نینگ آرتیدن گنت ده گی لیسه ده گی حجاب ممانعتنی برطرف ایتدی.  

Decruynaere ،

"محکمه، عموماً بیر حجاب ممانعتی نینگ عملی قیلینمس لیگینی حکم قیلگن ایدی. بناً حجاب ممانعت حادثه سی فقط مکتب فضاسینی ویا خوفسیزلیکنی برهم اوره دیگن بیر وضعیتده عملی بولیشی ممکن" دیب ایتدی.

شونده ی بولیب، سپتامبر آییده ینگی تعلیمی ییل باشله گنده اوقووچیلر حجاب بیلن مکتب گه باراله دیلر.

تونگرین بیرینچی شهر محکمه سی، فلامان مکتبلریده گی حجاب ممانعتی گه قرشی، 11 اوقووچی عایله سی تامانیدن آچیلگن دعواده، "محکمه اروپا انسان حقلری کیلیشووی نینگ حکملرینی نظرگه توتیب، اروپا اولکه لری نینگ تبعه لریگه دینلرینی عملی قیلیشلری حقینی بیرگن دیر. مکتب تامانیدن عملی قیلینگن حجاب ممانعتی دینی ایرکین لیک که ضددیر" دیگن قرارنی بیرگن ایدی.

بلجیم ده گی فلامان جمعیتی معارف کینگشی 2014 – ییلی فلامان منطقه سیده و اوزلری دایره سیده گی رسمی مکتبلرده حجاب نی منع قیلیب قویگن ایدی.

 

 



علاقه لی ینگی لیکلر