پاتریک شاناهان بیلن اشرف غنی نینگ اوچره شووی بولیب اوتدی

امریکا قوشمه ایالتلری مدافعه وزیری سرپرستی پتریک  شاناهان، پایتخت کابل گه کوتیلمه گن بیر سفر اویوشتیریب باردی.

پاتریک  شاناهان بیلن اشرف غنی نینگ اوچره شووی بولیب اوتدی

امریکا قوشمه ایالتلری مدافعه وزیری سرپرستی پتریک  شاناهان Patrick Shanahan ، افغانستان جمهور باشلیغی اشرف غنی بیلن اوچره شدی و مملکتی نینگ افغانستان ستراتیژیسی بوییچه فکر المه شووی عملگه آشیردی.

 شاناهان اوتگن کونی هیچ بیر رسمی بیانات بیریلمه گن حالده افغانستان گه کوتیلمه گن بیر شکلده سفر قیلیب باردی.

امریکا قوشمه ایالتلری مدافعه وزیرلیگی پنتاگون سوزچیسی مینگ باشی سیئان روبرتسون، مذکور سفر بیلن تیگیشلی بیرگن بیاناتیده، " مدافعه وزیری سرپرستی پتریک  شاناهان دولت باشلیغی دونالد ترامپ نینگ جنوبی آسیا ستراتیژیسی نینگ عملی قیلینیشی توغریسیده افغانستان گه بولگن صمیمیتیمیزنی تاکیدلش اوچون جمهور باشلیغی غنی بیلن جمهور رئیس لیک قصریده اوچره شدی" دیب ایتدی.

 شاناهان نینگ غنی بیلن امریکا قوشمه ایالتلری و افغانستان اورته سیده گی مدافعه موضوعلری بوییچه مناسبتنی هم قولگه آلگن لیگی گه دقت قره تیب، افغانستانده گی اوروش گه ییچیم تاپیش بوییچه افغانستان بیلن امریکا اورته سیده امنیتی همکارلیک نینگ اهمیتی گه تماس قیلگن لیکلرینی قید ایتدی.  

 شاناهان نینگ سفری امریکا قوشمه ایالتلری نینگ افغانستاندن چیقیشی بوییچه ادعالر و امریکا قوشمه ایالتلری نینگ افغانستان خاص نماینده سی زلمی خلیلزادنینگ طالبان گروهی بیلن اوچره شیشی توغریسیده بولیب تورگن تارتیشوولر جریانیده عملگه آشیریلدی.

پنتاگون، افغانستاندن چیقیشلری بوییچه تاپشیریق بیریلمه گن لیکلرینی بیان ایتگن ایدی.



علاقه لی ینگی لیکلر