تعلیم و تربیه نینگ خلق ارا اساس لری

اوشبو مطلب پروفیسر داکتر قدرت بلبل نینگ تورک تیلیده یازیلگن مقاله سی نینگ اوزبیک تیلیده گی ترجمه سیدن عبارت

تعلیم و تربیه نینگ خلق ارا اساس لری

تورکیه و جهان کوز قره شی 39

انسان لر طبیعتده مشترک روشده یشه ماقده.  فرقلی حیات طرز لری گه ایگه جمعیت لر بیلن تاریخ نینگ بیر دوریده دنیا گه کیلگن لیگی میز اوچون باشقه انسان لر بیلن کوپلب مشترک تامان لری میز بار.  خلق ارا مقیاسده هر قنده ی بیر فلاکت گه دوچ کیلیب قالیشی میز تقدیرده, تیلی میز, دینی میز, فرهنگی میز و اِرقی میز نینگ نیمه بولیشی گه قره مسدن اوشبو حادثه دن مشترک روشده تاثیرله نه میز.  بیر دور نینگ اوزیده توغیلگن لیگی میز, اوزاق یاکه یقین ده گی کیشی لردن بیلگی, حیات طرزی و باشقه ساحه لر بوییچه تاثیرله نیشی میز گه سبب بولماقده.  ایریم پیتلرده اوشبو وضعیتدن اینگ کوپ اجدادی میز می یاکه بیز نینگ دوری میزده می انسان لرنینگ بیر بیر لریدن تاثیرله نیاتگن لیگی توغریسیده سئوال توغیلیب قالیشی ممکن.

تعلیم و تربیه باره سیده بحث ایتماقچی من.  دنیا نینگ هر قنده ی بیر جاییده گی یخشی یاکه یمان تعلیم و تربیه آلگن کیشی لرنینگ بیز نینگ حیاتی میز گه تاثیر قالدیریشی ممکن.  یمان تعلیم و تربیه ایگه سی کیشی انتحاری هجومچی گه ایله نیب سیز نی اولدیره دی. سیز نینگ هیچ تنیمه گن یخشی بیر تعلیم و تربیه ایگه سی کیشی قیلگن علمی و تحقیقی بیر ایشی بیلن سیزگه جدی بیر شکلده فایده سی تیگه دی.  یعنی سیز نینگ حیاتینگیزنی جوده راحت بیر شکلده دوام ایتتیریشینگیز گه سبب بوله دی. 

شونده ی قیلیب تعلیم و تربیه خلق ارا مقیاسده بیر مسئله دن عبارت بولیب دنیاده گی برچه انسان لرگه تاثیر قالدیره دی.  باشقه چه قیلیب ایتگنده بیر اولکه ده گی یخشی یاکه یمان تعلیم و تربیه باشقه اولکه لرده گی انسان لرگه هم مثبت یاکه منفی تاثیر قالدیره دی البته که. 

خوب تعلیم و تربیه جهتی دن خلق ارا مقیاسده قنده ی بیر وضعیتده میز؟

البته که جوده یخشی بولگن ساحه لر موجود.  بیراق مین اوشبو مقاله ده آزگینه تعلیم و تربیه ساحه سیده گی کمچیلیکلر توغریسیده بحث ایتماقچی من. 

غرب نینگ بهالنتیریلیشی تقدیرده, دنیا نینگ قالگن قسمی دن ایککی قوات کوپراق مکتب گه ایگه بولگن امریکا قوشمه ایالتلریده مکتب لر ده گی قوراللی هجوم لرنینگ کونساین آرتیب باریاتگن لیگی کورینماقده.  شونده ی قیلیب کوپینچه کیچیک گینه باله لر و یاش لر اوز صنفداش لری تامانیدن اولدیریلماقده.  باله لر کیچیک یاشده جنسی اذیت گه قول اوررایکن, خوددی شوو باله لرنینگ شراب, قمار و مخدره مواد کبی پدیده لر بیلن شغلله نیاتگن لیک لری کورینماقده. عینی دمده باله لر کوچه لرده یاترایکن, حتی بیره م لرده کتته لردن خبر آلینمیاتگن لیگی کوزگه تشلنماقده. 

شرقده هم وضعیت بوندن فرقلی ایمس.  جرایم میزانی نینگ غربده گی قدر یوکسک بولمس لیگی گه قره مسدن, تعلیم و تربیه سیستمی نینگ ایرکین فکر اورنی گه منطقی نی درک ایتمسدن هر نرسه نی یادلب آلیش اساسی گه تَیَنگن لیگی کورینماقده. 

اسلام دنیاسیده ایسه علی عزت بیگویچ نینگ ایتگن لیگی دیک, انسان لرنینگ بیر بیر لری بیلن ارتباطی بولمه گن لیگی بیلن بیر قطارده اینگ مهم معما لردن بیری تعلیم و تربیه دن عبارت. 

بیر اولکه ده گی یخشی یاکه یمان تعلیم تربیه نینگ برچه اولکه لرده گی انسان لر گه مثبت یاکه منفی تاثیر قالدیریشی تقدیرده, قیسی تیل, دین, مفکوره و نژاد گه ایگه بولیشی گه قره مسدن انسان لرنینگ اینگ اساسی معما سی بولگن تعلیم تربیه باره سیده باش قاتیریب اوشبو خصوصده فکر بیرلیگی نینگ تشکیل ایتیلیشی کیره ک. بونده ی بولمس لیگی تقدیرده دنیا انسان لری نینگ همه سی کتته قیین چیلیککه کیلیب قاله دی.  شونده ی قیلیب دنیا ده انسان لرنینگ یخشی بیر حیات ایگه سی بولیشی اوچون تعلیم و تربیه نینگ خلق ارا اساس لر گه ایگه بولیشی شرط. خوددی شوو اساس لر خصوصیده قرار قیلرایکن, تعلیم و تربیه نینگ مقصدی بیلن باشلش ممکن. 

تعلیم و تربیه نینگ اساسی مقصدی نینگ انسان لرنینگ حیاتی نی قولَی لشتیریشدن عبارت بولیشی کیره ک.  قنده ی بیر تعلیم و تربیه طلب ایتیاتگن لیگی میز اصلی گه قره گنده حیات فلسفه میز گه باغلیق بیر مسئله.  حق سیزلیک لر و یمان لیک لر نینگ کم بولیب, فرقلی لیک لر گه حرمت کورسه تیلیشی و انسان لرنینگ فضیلتلی بولیش لری نینگ آرزو قیلینیشی تقدیرده, تعلیم و تربیه نینگ اوشبو دایره ده بولیشی ضروری.  مکتب لر اوشبو مقصد نینگ قولگه کیریتیلیشی اوچون بیرته گینه یولدن عبارت ایمس, بلکه یول لردن بیری نی تشکیل ایتماقده. 

یوقاریده بحث ایتیلگن مقصد ایگه سی بولیشی میز تقدیرده, تعلیم و تربیه نینگ خلق ارا اساس لری گه ایگه بولیشی میز ممکن.  خوب, اوشبو اساس لر نیمه لردن عبارت؟

عدالت تویغوسی گه ایگه بیر تعلیم و تربیه

اوزی میز نی قنده ی تن آلیشی میز گه قره مسدن تعلیم و تربیه نینگ بیزگه بیرینچی عدالت تویغوسی نی عکس ایتتیریشی کیره ک.  حضرت عمر (رض) بیر دولت یاکه سیستمده عدالت نینگ اینگ اساسی عنصردن عبارت ایکن لیگی نی بویورگن.  آلمانلیک متفکر کانت هم "عدالت نینگ یوق بولیشی تقدیرده, انسان حیاتی گه اهمیت بیره دیگن بیر نرسه قالمیدی" دیگن.  شونده ی قیلیب ایرکین لیک و تینگلیک نینگ تامین ایتیلیشی اوچون عدالت نینگ موجود بولیشی ضروری.  بیراق, عدالت نینگ نیمه ایکن لیگی, نیمه نینگ حق و نیمه نینگ حق ایمس لیگی توغریسیده انسان لر اورته سیده بیر همفکرلیک تشکیل تاپمه گن لیگی کورینماقده.  بیراق, عدالت نینگ اساس لری آزگینه بولسه هم انیق. برچه دین لر, عقیده لر و آیدیولوژی لرده اولدیرمس لیک, اوغیرلیک قیلمس لیک, مشروع یوللر آرقه لی رزق قازانیش و انسان لر بیلن یخشی رویه قیلیش توغریسیده بیر فکر بیرلیگی نینگ موجود ایکن لیگی بیلینماقده.  همه نینگ برچه تعلیم و تربیه مرکز لریده حقی بولگن جایلرده اوقیش لری کیره ک.  خواهله گن جاییگه باریب اوقیش کبی بیر حقسیز امکانیتی نینگ بولمس لیگی ضروری.  عدالت نینگ اینگ یخشی اونینگ تیسکری سی بولگن ظلم بیلن درک ایتیلیشی نینگ ممکن ایکن لیگی بیلدیریلماقده.  همه نینگ زحمت قیلمسدن و قانونلر گه اویغون حرکت ایتمسدن نتیجه قولگه کیریتیشگه حرکت قیلیاتگن لیگی نی اویلنگ چی.  بونده ی بیر شرایط نیمه بوله دیگن لیگی نی تخمین قیلیشینگیز ممکن می؟ تعلیم و تربیه ساحه سی بوییچه بیلگی و تجربه کمچیلیگی نینگ کیین چه لیک برطرف ایتیلیشی ممکن.  بیراق, انسان لرنینگ تعلیم و تربیه پروسه سیده گی عدالت کمچیلیگی (مثال: حقی بولمه گن حالده بیر بولیمده اوقیش امکانیتی گه ایگه بولیش تویغوسی) نی هیچ قچان ایسدن چیقریشی ممکن ایمس. 

عدالت تویغوسی, اوقوچی لرده, درس لر جریانیده گی بیلگی ایمس, بلکه کوپینچه معارف سیستمی, اوقوتوچی لرنینگ رویه سی و حیاتی تجربه لری گه کوره یوکسَله دی.  اوشبو دایره ده عدالت نینگ بیلگی ایمس, بلکه تویغو, شعور و ایشانچ  جهتی دن بهالنتیریلیشی کیره ک. نیمه لر گه سبب بوله دیگن لیگی نینگ درک ایتیلیب, ظلم و حقسیزلیک دن انیق روشده واز کیچیلیشی ضروری. 

حسن ظن و مثبت فکر ایگه سی شکلیده انسان لر ییتیشتیره دیگن بیر تعلیم و تربیه سیستمی ضروری

تعلیم و تربیه سیستمی نینگ مثبت فکر ایگه سی کیشی لرنی ییتیشتیریشی کیره ک.  کیچیک یاشده بولیشی گه قره مسدن همه نرسه خصوصیده منفی فکر ایگه سی بولگن, قیین چیلیک لر نی ییچیش اورنی گه امیدسیز و باشقه لر گه ایشانمه گن یاش لر نی کورماقده من.  بونده ی بیر حیات بیلن قنده ی یشش ممکن؟ یخشی لیک نینگ نیمه ایکن لیگی و یخشی انسان نینگ کیم ایکن لیگی معلوم مقیاسده فرقلی فرهنگ و عقیده لر گه ایگه انسان لر گه کوره اوزگرماقده.  امیدسیز بولیش اوچون ییترلی سبب نینگ موجود بولگن بو دنیاده, یخشی انسان ییتیشتیریش نی هدف قیلیب آلیش نینگ اوزی بیر ارزش دن عبارت.  حیات بیلن علاقه لی مثبت فکر ایگه سی بولیش نینگ اوزی بیر کیشی نینگ تیگره گیده گی انسان لر بیلن تینچ بیر شکلده یشیشی اوچون ضروری. 

حیات بیلن علاقه لی مثبت فکر ایگه سی بولیش نینگ مهم ایکن لیگی بیلن بیر قطارده, "عدالت", "یخشی لیک" دن مهمراق بیر نرسه نی تشکیل ایتماقده. 



علاقه لی ینگی لیکلر