جهان مطبوعاتیدن خلاصه لر 18.08.1397

جهان مطبوعاتیدن خلاصه لر 18.08.1397

جهان مطبوعاتیدن خلاصه لر 18.08.1397

رویترز خبر آژانسی, تورکیه جمهوریتی جمهوررئیسی رجب طیب اردوغان نینگ, تورکیه نینگ, شمالی قبرس تورک جمهوریتی نینگ شرقی آقدینگیز ده گی حق لریدن دفاع قیله دیگن لیگی نی بیلدیررایکن, قبرس روم قسمی و یونان نینگ بیر تامانلمه قدم لر تشله شی گه اجازت بیرمیدیگن لیگی نی بیلدیرگن لیگی نی معلوم قیلماقده. 

آلمان نینگ سونتاگ روزنامه سی, تورکیه نینگ اقتصاد ساحه سی بوییچه کوپلب موفقیت لر قولگه کیریتگن لیگی نی بیلدیرماقده. 

روزنامه, دالر گه قرشی تورک لیره سی ارزشی نینگ کونساین آرتیب باریاتگن لیگی نی بیلدیررایکن, بودیجه کسری نینگ ایسه توشیب باریاتگن لیگی نی معلوم قیلماقده. 

خبرده, جاری هفته ده جهان بانکی تامانیدن ترقه تیلگن تجارت قیله آلیش بوییچه راپورده, تورکیه نینگ تجارت قیلیش ممکن بولگن اینگ یخشی اولکه لر آره سیده اورین آلگن لیگی بیلدیریلماقده. 

ایران نینگ ایرنا خبر آژانسی, تورکیه جمهوریتی تشقی ایش لر وزیری مولود چاووش اوغلی نینگ, سعودی عربستان نینگ استانبول قونسلگرلیگیده اولدیریلگن سعودی لیک ژورنالست جمال قاشقچی قضیه سی بیلن علاقه لی ایتیلمه گن گپ لری نینگ بولگن لیگی نی بیلدیرگن لیگی گه دقت قره تماقده. 

امریکا قوشمه ایالتلری نینگ اسوشیتید پرس خبر آژانسی, چاووش اوغلی نینگ امریکا نینگ ایران گه قره تیلگن تحریم لری نینگ منطق سیز و یمان بیر حرکت دن عبارت بولگن لیگی نی بیلدیرگن لیگی نی معلوم قیلماقده. 

ینه ایران نینگ ایرنا خبر آژانسی, تورکیه نینگ, واشنگتن رهبریتی نینگ بولووچی ترور تشکیلاتی پی کا کا و اونینگ عراق بیلن سوریه ده گی قسم لری گه قرشی کوره ش بوییچه انیق بیر سیاست آلیب باریشی نی کوتیاتگن لیگی نی بیلدیرگن لیگی گه دقت قره تماقده. 

امریکا قوشمه ایالتلری نینگ اسوشتید پرس خبر آژانسی, تورکیه جمهوریتی ملی مدافعه وزیری خلوصی آقر نینگ, امریکا نینگ ترور تشکیلاتی پی کا کا نینگ سوزده یوقاری مرتبه لی اوچ مسئولی نینگ قییرده ایکن لیگی حقیده معلومات بیره دیگن کیشی لرگه نقدی جایزه بیره دیگن لیگی توغریسیده گی قراری باره سیده بیرگن بیانات لریده "واشنگتن رهبریتی نینگ پی کا کا دن هیچ فرقی بولمه گن وای پی جی حقیده هم شونده ی بیر سیاست آلیب باریشی نی کوتماقده میز" دییه قید ایتگن لیگی نی بیلدیرماقده. 

آلمان نشراتی اورگانی دن عبارت دوچه ویله, تورکیه جمهوررئیس لیگی سوزچیسی ابراهیم قلین نینگ ایسه اوشبو خصوصده, "کیچ قالینگن بیر قرار" دییه قید ایتگن لیگی نی معلوم قیلماقده. 

چین نینگ رینمین ریباو روزنامه سی, استانبول نینگ فرهنگی میراثی و گوزه ل طبعیتی بیلن توریست لر نی اوزی گه جلب ایتیاتگن لیگی نی بیلدیرماقده. 

خبرده, 2017 – ییلیده استانبول گه 11 میلیون توریست نینگ کیلگن لیگی بیلدیریلماقده. 

عینی دمده خبرده, جاری ییل نینگ دستلبکی 8 آییده استانبول گه 250 مینگ چین لیک توریست نینگ کیلگن لیگی گه دقت قره تیلماقده. 



علاقه لی ینگی لیکلر