تورکیه نینگ مطبوعات خلاصه لری

تورکیه نینگ مطبوعات خلاصه لری

تورکیه نینگ مطبوعات خلاصه لری

تورکیه نینگ مطبوعات خلاصه لری  

صباح روزنامه‌سی: جمهور باشلیغی ایردوغان نتنیاهو نینگ قولیده، فلسطین لیکلرنینگ قانی بارلیگینی قید ایتدی.

جمهور باشلیغی رجب طیب ایردوغان تویتتیر حسابی آرقه‌لی بیرگن بیاناتیده، (اسرائیل باش وزیری بینیا‌مین) نتنیاهو نینگ قولیده فلسطینلیکلر نینگ قانی بارلیگینی، عیبلرینی ایسه تورکيه‌گه هجوم قیلیش آرقه‌لی یشیره آلمه‌سلیگینی قید ایتدی. جمهور باشلیغی ایردوغان نتنیاهو نینگ، حمایه‌سیز بیر خلق توپراغینی بیرلشگن ملتلر تشکیلاتی قرارینی اعتبارگه آلمه‌گن حالده، 60 ییلدن آرتیق بیر وقتدن بیری باسیب آلگن عرقچی بیر دولت نینگ باش وزیری ایکنلیگینی افاده‌ ایتدی.  

حریت روزنامه‌سی: بن علی ییلدیریم امریکا قوشمه ایالتلری نینگ فلسطینده‌گی حرکتینی تینچلیککه قرشی اویوشتیریلگن سبوتاژ دییه بهاله‌دی. باش وزیر بن علی ییلدیریم امریکا قوشمه‌ شتاتلری نینگ تل ابیبده‌گی ایلچیخانه‌سی نینگ بیت المقدسگه کوچیریلیشینی، تینچلیککه قرشی اویوشتیریلگن سبوتاژ ایکنلیگینی ایسله‌تگن حالده، بو نینگ قبول قیلینمه‌ی تورگن درجه‌ده ناتوغری ایکنلیگینی قید ایتدی. مذکور قرارنینگ تورکيه اوچون حکمسیز ایکنلیگینی ایسله‌تگن بن علی ییلدیریم امریکا ایلچیخانه‌سی نینگ آچیلیشی، تاریخ صحیفه‌لریده، مسلمانلر قانی توکیلگن بیر کون صفتیده قاله‌جگیگه اعتبار قره‌تیب، «نامتناسب کوچ ایشله‌تیش آرقه‌لی ترور حرکتی اویوشتیرگن اسرائیل عسکرلری نینگ مذکور ظلم سیاستینی لعنت بیلن قاره‌له‌یمیز» دیدی.

ستار روزنامه‌سی: سابق تونیس جمهور باشلیغیی، عربلر نینگ بیت المقدس مسأله‌سیده تورکيه‌نی اورنک آلیشی کیره‌کلیگینی قید ایتدی. تونیس نینگ سابق جمهور باشلیغی مونسیف مرزوکی استا‌نبولده، جمهور باشلیغی رجب طیب ایردوغانگه و تورک خلقیگه بیت المقدس مسأله‌سیده توتگن یانداشوو و اوزینی حمایه‌ قیلیشلری یوزه‌سیدن منّتدارچیلیک بیلدیریب، «عرب حکومتلریگه هیچ بولمه گنده یانداشوو‌لرینی توزه‌تیشلرینی توصیه‌ قیلگن بولر ایدیم. بو باره‌ده تورکيه‌نی اورنک آلیشلری ممکن» دیدی.

وطن روزنامه‌سی: روسیه‌لیک سیاحلر دَم آلیش اوچون ینه‌ تورکيه‌نی تنله‌دی. روسیه‌ نینگ فدرا‌ل توریزم شرکتی (راستوریزم) تامانیدن معلوم قیلینیشیچه، محنتکشلر کونی و غلبه‌ بیره‌می مناسبتی بیلن می آیی نینگ باشیده روسیه تبعه لری دَم آلیش اوچون ینه‌ تورکيه‌گه کیلگن. مذکور شرکت نینگ تأکیدلشیچه روسیه تبعه لری نینگ 52.3 فایزی، یوقاریده نامی تیلگه آلینگن دَم آلیش کونلری تورکيه‌گه کیلگن.

خبر تورک روزنامه‌سی: دنیا بویلب سیاحتگه چیققن کتّه‌کان کیمه‌ قوش آدا‌سیده.

دنیا بویلب سیاحتگه چیققن و مالته بیراغی هیلپیره‌گن «عزامره جاورنیی» دیب ناملنگن کیمه‌ 850 نفر یولاوچیسی بیلن تورکيه‌ نینگ آیدین ولایتی نینگ، قوش آدا‌سی تومنیده‌گی «ایگی پورت» دیب ناملنگن بندرگاه‌گه یانه‌شدی. یولاوچیلرنینگ بیر قِسمی سیاحلر اتوبوسلری آرقه‌لی «ایفیس» نامیده‌گی قدیمي شهر و «مریم آنه‌ اویی»نی زیارت قیلر ایکن، بیر قِسمی ایسه شهر مرکزیده‌گی بازارلرنی ایلنیب، سودا قیلدی.



علاقه لی ینگی لیکلر