تورکیه ده افغانستانلیک بیر کیشی نینگ اوییدن کوپ مقدارده مخدره مواد تاپیلدی

اوشبو حادثه تورکیه نینگ قیرشهر ولایتیده یوز بیردی

تورکیه ده افغانستانلیک بیر کیشی نینگ اوییدن کوپ مقدارده مخدره مواد تاپیلدی

تورکیه نینگ قیر شهر ولایتیده افغانستانلیک بیر کیشی نینگ اویی نینگ تیکشیریلیشی نتیجه سیده موزلتگیچ (یخچال) گه جایلشتیریلگن حالده کوپ مقدارده مخدره مواد تاپیلدی. 

خوفسیزلیک کوچلریگه قیرشهر ولایتی شهر مرکزیده بیر اوی نی کراله گن افغانستانلیک بیر کیشی نینگ مخدره مواد ساتیاتگن لیگی استخباراتی بیریلدی.

هر کون کوپلب کیشی نینگ اوشبو اوی گه کیلیاتگن لیگی نی کورگن خوفسیزلیک کوچلری خوددی شوو اوی نی تلاشی قیلدی. 

خوفسیزلیک کوچلری آشپزخانه ده گی ایشلَمَیاتگن موزلتگیچ نی تیکشیریشی نتیجه سیده خوددی شوو موزلتگیچ نینگ ایچی بیلن بیر قطارده اوی نینگ باشقه جای لریدن هم کوپ مقدارده مخدره مواد تاپدی.

اسمی و تخلصی نینگ باش حرف لری ف و م بولگن افغانستانلیک اوشبو کیشی مخدره مواد ساتیش جرمی بیلن نظارت آستی گه آلیندی. 



علاقه لی ینگی لیکلر