اوزبیکستان جمهور باشلیغی نینگ فرانسه سفری دایره سیده بیر قطار کیلیشووگه قول قوییلدی

میرضیایف بیلن مکرون اورته سیده گی ملاقاتده افغانستان مسئله سی هم مطرح بولگن

اوزبیکستان جمهور باشلیغی نینگ فرانسه سفری دایره سیده بیر قطار کیلیشووگه قول قوییلدی

اوزبیکستان جمهور باشلیغی شوکت میر ضیایف نینگ فرانسه گه قیلگن سفری چوکاتیده ایککی مملکت اورته سیده 10 کیلیشوو بیلن 5 میلیارد یورولیک سرمایه گذارلیک کیلیشووی گه قول قوییلدی.

جمهور رئیس لیک مطبوعات دفتریدن بیریلگن بیاناتده، جمهور رئیس میر ضیایف، وظیفه گه کیلیشی نینگ آرتیدن اروپاگه عملگه آشیرگن ایلک سفر دایره سیده فرانسه ده اوچره شوولر عملگه آشیردی.

میرضیایف، فرانسه جمهور باشلیغی ایمانیوئیل مکرون بیلن اوچره شوو اوتکزدی.

خوددی شو ملاقاتده میرضیایف بیلن مکرون ایککی مملکت اورته سیده گی همکارلیک، افغانستانده گی وضعیت و منطقوی موضوعلرنی قولگه آلدیلر.

اوچره شوولرنینگ آرتیدن ایککی اولکه اورته سیدته ترانسپورت، توریزم، عسکری، تخنیکی همکارلیک، صلح مقصدی بیلن فضا تیکشیروولری، سرمایه گذارلیک، مدنیت و ایریم ساحه لرده گی همکارلیکنی اوز ایچی گه آلگن 10 کیلیشوو امضالندی.

ایککی مملکت تشقی ایشلر وزیرلیکلری اورته سیده 2019-2020 ییللری بوییچه همکارلیک پروگراملری بیلن اطرافنی سقلش و مدنیت وزیرلیکلری آره سیده همکارلیک کیلیشوولریگه هم قول قوییلدی.

میر ضیایف نینگ سفری آلدی اویوشتیریلگن تجاری ییغینده اوزبیکستان و فرانسه شرکتلری اورته سیده 5 میلیارد یورولیک تجارت و سرمایه گذارلیک بیلن تیگیشلی کیلیشوولر امضالندی.

اوشبو سفر دایره سیده فرانسه ده گی سوداگرلر بیلن اوچره شگن میر ضیایف، فرانسه شرکتلرینی سرمایه گذارلیک اوچون اوز مملکتی گه دعوت ایتدی.



علاقه لی ینگی لیکلر