ایرانده گی مظاهره لر

اوشبو مقاله ده ایرانده گی مظاهره لرنینگ سببلری و تاثیری باره سیده بحث ایتیلماقده

ایرانده گی مظاهره لر

ایرانده قششاق لیک و ایشسیزلیککه گه قرشی مشهدده باشله ناراضی چیلیک نمایشلری, نیشابور, شاهرود, کرمانشاه, قم, رشت, یزد, قزوین, زاهدان, اهواز و باشقه کوپلب شهر لر گه هم کینگ قولاچ یاییب کیتدی.  اوشبو مظاهره لر جریانیده ایلک نوبتده حکومت تنقید ایتیلرایکن, کیین چه لیک ایسه انقلاب رهبری خامنه ای و باشقه سیاسی شخصیت لر و رژیم نمایشچی لرنینگ هدفی گه ایله نیب قالدی.  ایران شیعه لری نینگ اینگ مهم مرکز لری دن بیری بولگن قم کبی بیر شهرده "یوق بولسین خامنه ای و یوق بولسین حزب الله" سنگری شعار لر بیریله باشلندی.  مظاهره لر جریانیده یوزلب کیشی نظارت آستی گه آلینرایکن, کوپلب کیشی ایسه جان بیردی.  
بوندن کیین ایرانده نیمه بولیشی ممکن؟ اوشبو مظاهره لر کینگ قولاچ یاییب دوامه ایته دی می یاکه اداققه ییته دی می؟ 
اوتیش...
ایران نینگ ایچکی موازنه لری گه قره گنده ایککی مسئله نینگ بحث موضوعی ایکن لیگی کورینماقده. خودی منه شوو مسئله لر کونساین یمانله شیب باریتگن اقتصادی وضعیت و ایچکی سیاسی نزاع لر دن عبارت.  
جمهوررئیسی حسن روحانی بیلن انقلاب رهبری خامنه ای آره سیده گی کیلیشموچیلیک لرنینگ سونگگی سیلاو لر آرتیدن کونساین آرتیب باریتگن لیگی کورینماقده.  روحانی گه یقین محافل و ایران انقلاب محافظ لری گه قره تیلگن متقابل اداری فساد عیبلاو لری, ایران خلقی نینگ ایران دولتی گه بولگن ایشانچی گه بویورک مقیاسده ضرر بیردی.  ایران گه قرشی تحریم لر و یمان رهبریت, اداری فساد بیلن بیرله شیب ایران نینگ اقتصادی وضعیتی نینگ یمانله شیب قالیشی گه سبب بولدی. برچه پطرول و طبعی گاز منبع لری گه قره مسدن, ملی عایدات میزانی 500 میلیارد دالردن, 350 میلیارد دالر گه توشیب کیتدی.  اولکه ده جدی بیر تورم و ایشسیزلیک معما سی موجود.  عینی دمده زیربنا ییترلیک بولمَگن لیگی دیک, هوا کیرلی لیگی و قورغاقچیلیک هم باشقه معما لر نی تشکیل ایتماقده.  تشقی سیاستده ایسه توسعه طلب لیک سیاستی تعقیب ایتیلماقده.  لبنان, یمن, سوریه و عراقده کوپ مقدارده پول مصرف قیلگن لیگی گه قره مسدن جدی موفقیتلر قول گه کیریتدی ایران.  بیراق, عادی اهالی نینگ اوشبو جیوپولیتیک موفقیت لر گه اهمیت بیرمیاتگن لیگی کورینماقده.  
ایران نینگ ایچیده گی مظاهره لر ده دقت گه سزاوار خصوصلردن بیری هم ایتنیک تامیر گه ایگه ناراضی چیلیک نمایشلریدن عبارت.  اهواز منطقه سیده گی عرب لر, ایران نینگ شرقیده گی بلوچ لر, اولکه نینگ غربیده گی کُردلر و ایران ده گی ترکمن لرنینگ ایتنیکی تبعیض سببلی رژیم گه قرشی مظاهره قیلیاتگن لیک لری کورینماقده.  
ایران ده گی مظاهره لرنینگ اساسی سببی نینگ ایچکی سیاست ده گی معما لر بیلن خلق نینگ ناتینچ لیگی دن عبارت بولیشی گه قره مسدن, خودی منه شوو ناراضی چیلیک نمایش لری نینگ خلق ارا بُعدی هم موجود البته که.  ایران دولت اورگان لری مظاهره لر جریانیده اولدیریلگن انسان لرنینگ قاتل لری نینگ چیت ایللیک جاسوس لر دن عبارت ایکن لیک لری نی ادعا ایتدی.  امریکا قوشمه ایالت لری دولت رهبری دونالد ترامپ نینگ تویتر آرقه لی مظاهره لر نی حمایه لیتگن لیگی نی بیلدیرگن بیر پیام ترقتگن لیگی هم ایران دولتی اورگان لری نینگ اوشبو ادعا سی نینگ کوچی نی آرتیرماقده.  باشقه بیر تاماندن ایسه اسرائیل باش وزیری بونیامین ناتانیاهو هم ایرانده گی اوشبو ناراضی چیلیک نمایشلری نی خرسندچیلیک بیلن کوتیب آلگن لیگی نی بیلدیردی. 
ترکیه جمهوریتی تشقی ایشلر وزیرلیگی بیرگن بیاناتیده, ترکیه نینگ دوست و قرداش ایران ده اجتماعی تینچ لیک و برقرارلیک نینگ اسره لیشی گه کتته اهمیت بیریاتگن لیگی نی بیلدیردی.  بیاناتده, "اوشبو دایره ده, جمهوررئیسی حسن روحانی نینگ خلق نینگ تینچ لیک سیور بیر شکلده مظاهره قیلیش حقی گه ایکن لیگی, بیراق, قانون لرنینگ پایمال قیلینمسلیگی و دولت مالی گه ضرر بیریلمس لیگی کیره ک ایکن لیگی گه تیگیشلی بیانات لری دایره سیده خشونت و تحریک دن اوزاق توریلیشی کیره ک ایکن لیگی گه ایشانماقده میز. زود لیک بیلن اولکه ده برقرارلیک نینگ تامین ایتیلیشی و یمان بیر وضعیت نینگ حاکم بولیشی گه مانع بولینیشی کیره ک ایکن لیگی نی معلوم قیلرایکن, تحریک ایتووچی سوز لر و تشقی مداخله لر نینگ بحث موضوعی بولمسلیگی نی آرزو ایتماقده میز" دییه قید ایتیلدی. 
سعودی عربستان, بیرلشگن عرب امیرلیک لری, مصر, بحرین و اسرائیل ایران ده گی اوشبو مظاهره لرنی جدی بیر شکلده تعقیب ایتماقده. امریکا قوشمه ایالت لری دولت رهبری دونالد ترامپ کورفز گه قیلگن سفری آرتیدن اینیقسه اوشبو اولکه لرنینگ اشتراکی بیلن ایران گه قرشی بیر جبهه تشکیل ایتیش گه حرکت ایتگن ایدی.  
ایران دولتی هم ایرانده اوزاق ییل لردن بیری دوام ایتیب کیلیاتگن قیین چیلیک لرنینگ اساسی سببی نینگ تشقی مداخله لردن عبارت ایکن لیگی نی بیلدیریب کیلماقده.  ایران جمهوررئیسی نینگ بیرینچی اورینباسری إسحاق جهانگیری اوتگن هفته بیرگن بیاناتلریده, "اقتصادی موضوع لر باشقه موضوع لر اوچون بیر بهانه دن عبارت بولدی.  اصلی گه قره گنده فرقلی سناریو لر موجود" دییه قید ایتدی.  حسن روحانی حکومتی نینگ رسمی نشراتی اورگانیدن عبارت ایران روزنامه سی هم نشر ایتگن بیر مقاله سیده, "ایریم تامان لر, اوز هدف لری اوچون خلق نی اوینچاق شکلیده اویله ماقده" دییه قید ایتدی.  
آیت الله خامنه ای ایسه, "دشمن لری میز اولکه ده گی وضعیت نی بحرانی لشتیریش اوچون پول, سلاح و جاسوس لردن فایده لنماقده" دیدی.  
بیراق ایران نینگ خلق ارا مقیاسده گی دشمن لری نینگ, مظاهره قیلیاتگن خلق نینگ هم ایریم دلیل لری نینگ بولگن لیگی نی ایسدن چیقارمس لیگی کیره ک.  ایرانده اقتصادی قیین چیلیک لر سببلی کیچیک مظاهره لر بولیب اوتماقده ایدی. برچه طبعی منبع لری گه قره مسدن ایران خلقی نینگ کونساین قششاقله شیب باریتگن لیگی کورینماقده.  عینی دمده رژیم بیلن ارتباطی بولگن شرکت لرنینگ افلاس قیلگن لیگی و میلیونلب کیشی نینگ قیین چیلیککه دوچ کیلیب قالگن لیگی هم مظاهره لر نینگ سبب لریدن بیری نی تشکیل ایتماقده.  
عینی دمده اوشبو ناراضی چیلیک نمایش لری جریانیده, "پولینگیز نی سوریه, غزه و لبنانده مصرف قیلمَنگ", "خلق تیلنچی لیک قیله دیگن بیر وضعیتگه کیلیب قالدی", "سوریه نی قوینگ, بیزنینگ خلقی میز گه قره نگ", "غزه و لبنان ایمس, جانیم ایرانگه فدا بولسین" و "حزب الله گه اولیم" شکلیده شعار بیریلگن لیگی مظاهره چی لرنینگ ایران نینگ اورته شرقده گی توسعه طلب لیک سیاست لریدن راحت سیز ایکن لیک لری نی کورستماقده. ایران بیر تاماندن اقتصادی قیین چیلیک لر گه دوچ کیلیب قالرایکن, باشقه بیر تاماندن ایسه اورته شرقده توسعه طلب لیک سیاستی آلیب بارماقده.  ایران نینگ ایچیده تهران رهبریتی نینگ اوشبو سیاستی دن راحت سیز بولگن معلوم بیر تامان نینگ موجود ایکن لیگی آلدیندن هم بیلینماقده ایدی.  ایران سوریه ده جنگری لرگه پول بیرماقده. اوشبو جنگری لرگه بیریلیاتگن پول مقداری ایسه ایران ده گی کوپلب کیشی نینگ معاشی دن هم آرتیق.  
بوندن تشقری ناراضی چیلیک نمایشلری جریانیده, "اسلام جمهوریتی نی ایسته میمیز" و "استقلال, ایرکین لیک, ایران جمهوریتی" شکلیده گی شعار لر نینگ بیریلگن لیگی ایسه مظاهره چی لر نینگ ایرانده گی باسیم گه اساسلنگن رژیم دن چرچه گن لیک لری نی کورستماقده.  عینی دمده مظاهره لر جریانیده ایران نینگ سابق رهبری رضا شاه پهلوی گه دعا قیلینگن لیگی هم قیزیق بیر موضوع نی تشکیل ایتماقده.  موجود تکنالوژیک امکانیت لردن فایده له نیب دنیا ده گی باشقه اولکه لرنی تعقیب ایتیاتگن ایران لیک لر, اینیقسه ترکیه کبی مسلمان اولکه لر بیلن اوز حیات شرایطی نی مقایسه قیلماقده.  
نتیجه ده ایرانده گی ناراضی چیلیک نمایش لری نینگ کوپلب سببی موجود.  ایرانده ایرکین لیک و اقتصادی رفاه طلبی, باشقه بیر تامانده ایسه ایران نی هدف قیلیب آلگن اولکه لرنینگ پلان لری اوشبو دایره ده اینگ مهم سبب لرنی تشکیل ایتماقده.  ترکیه ایسه اوشبو ایککی حقیقت نی هم نظرده توتگن حالده ایرانده گی مظاهره لر بوییچه معقول بیر سیاست آلیب بارماقده.  

 



علاقه لی ینگی لیکلر