ایرانده تروریست جنگریلری بیلن خوفسیزلیک کوچلری اورته سیده توقنه شوو یوز بیردی

خوددی شو توقنه شووده ایران خوفسیزلیک کوچلری نینگ تلفات بیرگن لیگی بیلدیریلدی.

ایرانده تروریست جنگریلری بیلن خوفسیزلیک کوچلری اورته سیده توقنه شوو یوز بیردی

ایران نینگ سردشت شهری نینگ اطرافیده، خوفسیزلیک کوچلری بیلن تروریست جنگریلری اورته سیده یوز بیرگن توقنه شووده، ایککی کیشی حدود محافظ کوچی اعضاسی حیاتینی یوقه تدی.

ایران رسمی خبر آژانسی ایرنانینگ خبریگه کوره، اولکه نینگ غرب تامانیده جایلشگن سردشتده توناون کیچه محلی وقت بیلن 23:00 اطرافیده ایران حدود محافظ کوچلری بیلن تروریست جنگریلری اورته سیده یوز بیرگن توقنه شوو عاقبتیده یوسف پیرانه و محبوب قربانی آتیده گی ایککی کیشی عسکر جان بیرگن.

خوددی شو توقنه شووده کوپ سانده تروریست جنگریسی نینگ اولگن لیگی قید ایتیلدی.

مذکور خبرده جنگریلرنینگ قیسی تروریست گروهی اعضاسی ایکن لیگی حقیده معلومات بیریلمه گن، بیراق بوندن آلدین هم ایران عسکرلری بیلن بولووچی ترور تشکیلاتی پی کاکانینگ ایران ترماغی بولمیش PEJAK تروریست گروهی اورته سیده توقنه شوولر یوز بیرگن ایدی.



علاقه لی ینگی لیکلر