پاکستان ایسکی باش وزیری نینگ ایککی فرزندی نینگ پاسپورتلری کنسل قیلیندی

آتلری مملکتده گی چیقیش کنترول رویخطی (ECL) گه آلیندی.

پاکستان ایسکی باش وزیری نینگ ایککی فرزندی نینگ پاسپورتلری کنسل قیلیندی

پاکستان نینگ ایسکی باش وزیری نواز شریف نینگ انگلستانده گی ایککی فرزندی حسن نواز و حسین نوازنینگ پاسپورتلری کنسل قیلینیب، آتلری مملکتده گی چیقیش کنترول رویخطی (ECL) گه آلیندی.

محلی میدیاده اورین آلگن خبرگه کوره، ایسکی باش وزیر شریف نینگ 10 ییل قماق جزاسی آلیشی گه سبب بولگن Avenfield دعواسیده آتلری تذکر بیریلگن حسن و حسین نواز نینگ پاسپورتلری ملی حساب بیریش دفتری (NAB) نینگ طلبی گه بنا کنسل قیلینگن.

(ECL) رویخطی گه آلینگن و پاکستان پاسپورتی بیلن سیاحت قیلیشلری منع قیلینگن شریف اکه – اوکه بیلن تیگیشلی قرار، مملکتده گی موقتی حکومت گه ارائه قیلینگن.

اوشلب آلینیشلری اوچون قرار چیقه ریلگن حسن نواز و حسین نواز بیلن تیگیشی اولراق هم خلق ارا کریمینال پولیس تشکیلاتی انترپولدن قیزیل بولتن چیقریلیشی طلب قیلینگن ایدی.

نواز شریف نینگ فرزندلری نینگ انگلستان پاسپورتلری هم بار.

شریف و قیزی لندنده اقامت قیله یاتگن پیتده Avenfield دعواسی باعث قماق جزاسی و پول توولش جزاسی آلگن ایدیلر و قماقخانه گه یاتیش اوچون پاکستانگه قیتیب بارگن ایدیلر.

ایسکی باش وزیر شریف و قیزی و ایککی اوغلی، "منبع سی معلوم بولمه گن پول آرقه لی" لندنده اقامت قیله یاتگن پیتده Avenfield آتیده گی بلاکدن لوکس پارتمانلر آلگن لیگی بیلن عیبله نیب محکمه قیلینگن ایدیلر.  

شریف ایسه اوز آتیگه پارتمان بولگن لیگی ادعاسینی رد ایتیب فرزندلری نینگ آتی گه پارتمانلر بئلگن لیگینی قبول قیلگن ایدی. فرزندلری ایسه مذکور پارتمانلرنی شرکتلری نینگ عوایدی ارقه لی آلگن لیکلرینی ایتگن ایدیلر.



علاقه لی ینگی لیکلر