اوزبیکستان – تاجکستان حدودیده ماین تمیزلش فعالیتلری باشلندی

بوندن 20 ییل مقدم کومیلگن ماینلرنی تمیزلش فعالیتلری باشلنگن لیگی بیلدیریلدی.

اوزبیکستان – تاجکستان حدودیده ماین تمیزلش فعالیتلری باشلندی

اوزبیکستان – تاجکستان حدودیده بوندن 20 ییل مقدم کومیلگن ماینلرنی تمیزلش فعالیتلری باشلنگن لیگی بیلدیریلدی.

تاجکستان حدود قوریقلش کوچلری مطبوعات سوزچیسی محمد اولوغ خواجه یف، ژورنالیستلرگه بیرگن بیاناتیده، اوزبیکستان بیلن تاجکستان حدودیده ماینلرنینگ تمیزلش فعالیتلری نینگ باشلنگن لیگینی بیلدیردی.

اولوغ خواجه یف، مشترک ایجاد ایتیلگن گروپ نینگ ماین تمیزلش فعالیتلری نینگ تاجکستان نینگ پنجی کنت و اوزبیکستان نینگ سمرقند منطقه لری اورته سیده گی حدودده باشلنگن لیگینی تیلگه آلدی.

ماین تمیزلش فعالیتی نینگ اهمیتی گه تماس قیلگن خواجه یف، خوددی شو پروسه نینگ 2019 – ییلی نینگ آخری گچه نهایی بولیشی نینگ کوزگه توتیلگن لیگینی ایتدی.

اوزبیکستان جمهور باشلیغی شوکت میرضیایف و تاجکستان جمهور باشلیغی اما علی رحمان، مارچ آییده حدودده گی ماینلرنینگ تمیزلنیشینی اوز ایچی گه آلگن کیلیشووگه قول قویگن ایدیلر.

اوزبیکستان و تاجکستان حدودیده گی ماینلرنینگ تمیزلنیشی اوچون ایککی مملکت نینگ تیگیشلی اداره لری نماینده لری بیلن ماین تمیزلش ملازملری اورین آلگن مشترک گروپ اپریل آییده ایجاد ایتیلگن ایدی. ایککی مملکت اورته سیده گی 9،5 کیلو متر مربع لیک ساحه گه ماین کومیلگن لیگی تخمین ایتیلماقده دیر.

اوزبیکستان، 1992-1997 ییلریده تاجکستانده گی ایچکی اوروش نینگ آرتیدن، ناقانونی قوراللی گروهلر و مخدره مواد قاچاق چیلری نینگ مملکت گه کیریب کیلیشی گه مانع بولیش مقصدی بیلن 1990 ییللرنینگ آخریده بو منطقه لرگه ماین کومگن ایدی.

 

 



علاقه لی ینگی لیکلر