کاویزنسکی: "15 نچی جولای حادثه سیگه قرشی اروپا سیس چیقرمه دی"

سیاسی تحلیل

کاویزنسکی: "15 نچی جولای حادثه سیگه قرشی اروپا سیس چیقرمه دی"

کاویزنسکی: "15 نچی جولای حادثه سیگه قرشی اروپا سیس چیقرمه دی"

15 نچی جولایده ترکیه ده یوز بیرگن کودتا تشبثینی تیکشیریب چیققن تشقی ایشلر خاص کمیته سی و انگلستان مجلس اعضاسی دانیال کاویزنسکی، 15 نچی جولای نینگ آرتیدن یوز بیرگن حادثه لر و اروپانینگ ترکیه گه قرشی مناسبتینی بهالندیردی.

انگلستان قاله ویرسه اروپا پایتخت لری نینگ ترکیه ده یوز بیرگن حادثه لر توغریسیده "کر بولگن دیک سیس سیز بولیب قالگن" لیگینی معلوم قیلیب، ترکیه نینگ اروپا اوچون قنچه لیک اهمیت گه ایگه بولگن لیگینی اورغوله دی. غرب ویا انگلستان اوچون ترکیه کبی بیر متفق نی قولدن بیریش کبی بیر خطر موجود می دیر دیگن سوالگه "هر بیر اروپالیک هوشیار کیشی نینگ بو احتمالدن قورقیشی کیره ک" دیب ایتگن. عین دمده "ترکیه نینگ استقراری و ناتوگه بولگن صداقتینی صمیمی بیر شکلده کوریشیمیز کیره ک. داعش بیلن ترکیه آره سیده گی یگانه دیوار ترکیه دیر. خودی شو اوچون ترکیه نی قولدن بیریش ویرانگرلیک بوله دی. روسیه اوچاغی نینگ ترکیه هوا ساحه سیده نامعلوم بیر شکلده اوروب توشیریلیشی نتیجه سیده یوز بیرگن بحرانگه بناً روسیه دولت باشلیغی ترکیه بیلن مناسبتینی توزه تیش اوچون کوپ کوشش قیلگن دیر. ایککی اولکه بحرانی بیر نقطه ده بولگن لیگی گه قره مه ی روسیه ترکیه بیلن یخشی مناسبت نینگ اهمیتینی درک ایتیب آلگن دیر. ترکیه نی هیچ بیر پیتده خفیف قیلیب کورمس لیک کیره ک، خودی شو حرکت اروپالیک اولکه لرنینگ منفعتی جهتدن جوده یمان نتیجه گه باعث بوله دی. ترکیه ده بیز بیلن ماس درجه ده بولگن مسلکداشلریمیز، پارلمان اعضالری غرب تامانیدن یالغیز باشلریگه ترک ایتیلگن لیکلرینی اویله گن بولسه لر، بیزنینگ بولرگه تکرار اعتماد و ایشانچ بیریشیمیز کیره ک."

کاویزنسکی، ترکیه نی تنقید ایتیب تورگن اروپالیک اولکه لرگه خطاباً: "مین اولرنی بیر آن سکوت قیلیش لرینی و انگلستان ده 241 وطنداشیمیزنی، مجلسیمیزنی برهم اورماق بولیب، برتانیا خلقی نینگ دموکراتیک اراده سینی برهم اورماقچی بولگن کوچلر تامانیدن قتل ایتیلیشلرینی اویلشلرینی سوره ی من. شونقه بیر وضعیت ده بیز قنده ی عکس العمل کورستردیک دیب توشینیش لری کیره ک" دیب ایتگن.

"ترک خلقی گه حیران بولیب قالدیک"

کاویزنسکی، ترکیه جمهور رئیسی و باش وزیری نینگ ترک خلقینی کوچه گه چیقیش گه دعوت ایتیش لری اوچون جسارت کیره ک ایدی. بو انسانلرگه و کودتانی برطرف ایتگن ترک خلقی گه حیران بولیب قالدیک دیب، ایتگن.

"شبهه سیز گولن حرکتی بو کودتا تشبثی گه قول اورگن"

کاویزنسکی اوز ملاقاتیده تیکشیروونینگ ایلک مرحله سیده گولن حرکتی نینگ بو کودتا تشبثی گه اره لشگن لیگی بیلن تیگیشلی هیچ بیر شبهه بولمه گن لیگینی قید ایتدی. بیراق آگاهلنتیریب اوتدی. گولن حرکتی نینگ دنیانینگ انچه جاییده معلوم بیر نفوس گه ایگه بولگن لیگینی، اروپا اولکه لری نینگ هم خطر بیلن دوچ کیلیب تورگن لیگینی افاده ایتدی. کاویزنسکی، ترکیه نینگ امریکادن گولن نی تسلیم ایتیش طلبی گه هم تماس قیلدی. "امریکا قوشمه ایالتلری دولت باشلیغی نینگ ترکیه نینگ بو طلب لرینی تیکشیریب چیقر دیب اویله ی من. چونکه ترکیه سوریه و عراق ده داعش نی مغلوبیت گه اوچره تیش توغریسیده جوده مهم درجه ده رول آلماقده. بیر مدت آلدین عراق بویوک ایلچیسی بیلن اوچره شگنده ایلچی برچه منطقه اوچون تهدید ایجاد ایتیب تورگن داعش گه قره ته ترکیه تامانیدن آلیب باریلگن مهم نرسه لر حقیده معلومات بیردی. مینیمچه امریکا ترکیه نی یالغیزگینه داعش گه قرشی اوروش اوچون ایمس، مهم بیر ناتو اولکه سی اوله راق یانیده اورین آلیشینی خواهله سه ترکیه نینگ مسئله لریگه قولاق سالیشی کیره ک." دیدی.

"اروپا ترکیه نی استراتیژیک شریک اوله راق توتیشی کیره ک"   

کاویزنسکی ترکیه نینگ ملیونلب سوریه لیک مهاجرنی محافظه ایتیب، ساغلیق خدماتی بیرگن لیگینی و نقصان سیز بیر ایش بجرگن لیگین معلوم قیلیب، اروپا بیرلیگی نینگ مهاجر بحرانینی اداره ایتیش توغریسیده موفق بولمه گن لیگینی ایتدی. ترکیه سایه سیده بحران نینگ برطرف ایتیلگن لیگینی و ترکیه نینگ بیر استراتیژیک شریک اوله راق توتیلیشی کیره ک لیگینی بیلدیردی.

"اروپانینگ ترکیه نینگ اعضالیگی توغریسیده گی معامله سی نا توغری دیر"

 کاویزنسکی انگلستان نی اروپا بیرلیگی اعضالیگیدن چیقیشینی ایسلتیب، اروپا تامانیدن ترکیه نینگ اعضالیک جریانیده آلیب باریلگن مناسبت نینگ ناتوغری ایکن لیگینی قید ایتدی. "ترکلر اروپا بیرلیگی گه کوپ صبر قیلدیلر. باشقه بیر تاماندن بروکسیل ده گی بعضی یبر بروکراتلرنینگ شو پیله ترک حکومتی دوچ کیلگن فشار و قیین چیلیکلرنی درک ایتمه گن لیگینی اویله ی من. ترکیه نینگ ایریم کاندید اولکه لر کبی بهالندیریلیشی نا توغری دیر" دیدی.

کاویزنسکی جنوری ایس جریانیده ترکیه گه کیلیب، چقور بیر شکلده فعالیت آلیب باررلیکلرینی بیان ایتدی.   

 



علاقه لی ینگی لیکلر