گلوبال قان آقیش ییلی: 2016

سیاسی بیر تحلیل

گلوبال قان آقیش ییلی: 2016

گلوبال قان آقیش ییلی: 2016

میلادی 2016 نچی ییل دنیا اوچون درد الم بولگن بیر ییل بولیب اوتدی. گلوبال تروریزم، ایچکی اوروشلر، مهاجر بحرانی مذهب توقنه شوولری، جیوپولیتیک کوچ نمایشلری، توسعه قیلیب تورگن اقتصادی نا برابرلیکلر و خلق ارا جمعیت نینگ گلوبال قان آقیش نی توخته تیش توغریسیده گی نا موفق لیگی فلج بولگن 2016 نچی ییل، معصوم حیاتلرنینگ ویران بولیشینی، غریب و مظلوملرنینگ ترک ایتیلگن لیکلرینی کوردیک.

میلادی 2017 نچی ییل نینگ فرقلی بولیشینی خواهله سک، همه میز، دینی اعتقاد، مدنیت ویا ملت گه قره مه ی بیرلشیب، انسان حیثیتینی محافظه ایتیش بیلن باشلش کیره ک.

خودی شو پیت خلق ارا سیستم بیللی بیر مدت دن بیری فلج بولیب قالگن. بیرلشگن ملتلر تشکیلاتی سیستمی فعالیت قیلمه یدی. عاجل ینگی لکلرگه ضرورتی بولگن حالده بیرلشگن ملتلر تشکیلاتی نینگ خوفسیزلیک شوراسی دائیمی اعضالری بو توغریده بحث قیلیش نی هم خواهله مه یدیلر. بیرلشگن ملتلر تشکیلاتی نینگ بعضی بیر ارگانلری یخشی ایشلر بجره دیلر بیراق بو هردائیم بیرلشگن ملتلر تشکیلاتی نینگ بروکراسیسی تامانیدن محدودیت گه دوچ کیله دی و ساحه ده گی احتیاج لرنی برطرف ایتیش اوچون ییترلی بولمه ی قاله دی.

امریکا قوشمه ایالتلری و اروپا، اقیانوس اطلس اتحادیه سینی ایاقده قالیشی گه باعث بولیب تورگن ایککی ستون اوله راق، سوریه اوروشی، عراق ده گی معما، مهاجر بحرانی، اوکراین ده گی توقنه شوولر، گلوبال تروریزم، سایبر خوفسیزلیک، تبعیض، اسلام دشمن لیگی و ایریم مسئله لرگه قره ته خلق ارا تیزیم نینگ چوکیب کیتیشی گه مانع بولیش گه نا موفق بولدیلر.

باشقه بیر تاماندن، اروپا رهبریت و غایه ییترسیزلیگی ایچیده دیر. اعلان قیلینمه گن بیر پرنسیب اوله راق، اروپا پایتخت لری هیچ بیر مهم استراتیژیک قرارنی واشنگتن نینگ همکارلیگی و رهبریتی بولمه ی آلمه یدیلر. اوتگن سونگی سیکیز ییل بوییچه اوباما اداره سی تامانیدن اجرا ایتیلگن عموماً ناتوغری و صمیمیت سیز سیاستلرگه قره گنده گلوبال خوفسیزلیک وضعیت برچه تامان نینگ ضرریگه بوله دیگن شکلده برباد قیلینگن دیر.

ترامپ اداره سی نینگ بو روابطنی قیسی شکلده قولگه آلرلیگینی و بونینگ گلوبال صحنه دن اوزاق بیر مدتدن بیری کم چیلیگی احساس بولیب تورگن استقرارنینگ کلیدی عنصری بولگن گلوبال کوچ توازن تکرار برقرار بولرکن، قنده ی تاثیر قالدیررلیگینی بیرگه لیکده کوره میز.

باشقه بیر تاماندن غایه و رهبریت کم چیلیگی اروپانینگ، ترکیه نینگ اعضالیگی جریانی گه قنداغ قره گن لیگی، شنگن ویزه سی نینگ عملی بولیشینی برطرف ایتیش و ترکیه اروپا بیرلیگی مهاجر کیلیشووی کبی موضوعلریده هم معلوم بولگن دیر.

پی کاکا، داعش و گولن چی گروهی (فتو) نینگ اولکه نینگ تینچ لیک و استقراریگه قرشی ایجاد ایتگن خوفسیزلیک تهدیدلرینی کورمه گن اروپا بیرلیگی بیر تاماندن ترکیه گه دموکراسی اورگتیش بیلن مصروف بولیب، باشقه بیر تاماندن ترور حمایه چیلریگه اروپانینگ اورته سیگه موجو.دیت لرینی ایجاد ایتیش لری اوچون رخصت بیرگن. لیکن مهاجرلرگه اهمیت بیرمه ی قاطع لیک بیرن رویه قیلگن دیر.

2017 نچی ییل انچه اروپا اولکه سی افراطی راستگرا حرکتی، عرق چیلیک، مهاجر مخالفت لیگی و اسلام دشمن لیگی گروه لری نینگ آره سیده انتخابات قیلیب اوته دی. اروپا سیاسی رهبریتی نینگ منه شو مسئله لر بیلن قنداغ قیلیب مجادله قیلرلیگی دنیاده گی جایگاه سیگه تأثیر قالدیره دی.

ترکیه 2016 نچی ییل نی فتو تامانیدن عملگه آشیریلگن 15 نچی جولای کودتا تشبثی نینگ، داعش و پی کاکانینگ ترور هجوملری بیلن اوتکزدی.

ترکیه نینگ غربی و ناتو متفق لری بو تروریست تهدیدلرگه قره ته کوچلی بیر شکلده ترکیه نینگ یانیده تورمه دیلر. ترکیه نینگ خوفسیزلیگی نینگ غربی خوفسیزلیک معماریسی نینگ بیر پارچه سی ایکن لیگینی اونوتگن دیک کوریله دیلر. موضوع گلوبال تروریزم بولگنده استانبول، انقره، بغداد ویا اسلام آباد و پاریس ویا بروکسیل آره سیده بیر فرق بولمه یدی. یینه هم ترکیه پی کاکا تروریزمی گه قرشی بیرگن کوره شیده اروپالیک اورتاقلریدن همکارلیک کورمه گن دیر. پی کاکا اجنتلری اروپا شهرلریده راحت بیر شکلده اینه لیب تورگن، پول آلگن، ینگی اعضالر تاپگن، تبلیغ قیلگن، تلویزیون و رادیولرده پروگراملرگه چیققن حتی ملی مجلس لرگه دعوت بولگنلر. پی کاکا اروپا بیرلیگی تامانیدن ترور تشکیلاتی اوله راق تنیلگن لیگی گه بناً اروپا اولکه لری پی کاکاگه بو تعریف گه کوره معامله قیلمه گنلر. ترکیه نینگ سونگی 10 ییل جریانیده کورد وطنداشلری اوچون قیلگنلرینی کورمه ی بونینگ جاییده پی کاکانینگ کورد خلقی نینگ خواست لری اوله راق تبلیغ لریگه ایشانگن دیر.

بو خودی شو پی کاکانینگ نامعقول آیدولوژیسینی امریکا قوشمه ایالتلری خلقی نینگ مشروع خواست لری اوله را قویا نیو-نازی عرق چیلیگی آلمان خلقی نینگ طبیعی حقی اوله راق کوریش گه اوخشه یدی.

حتی ترکیه نینگ سوریه ده گی داعش آدرسلریگه قره ته آلیب بارگن فرات قالقانی عملیاتیده هم امریکا قوشمه ایالتلری رهبریتیده گی ائتلاف کوچلی ییترلی درجه ده یاردم بیرمه گن دیر. بونینگ جاییده اوباما اداره سی ناتوغری سوق ایتیلگن بیر سیاست بولگن پی کاکانینگ سوریه ده گی بولیمی خلق لرنی محافظه ایتووچی بیرلیگی () نی حمایه قیلیب، قورال بیریب دوام ایتگن دیر.

میلادی 2016 نچی ییل نینگ سونگی کونلری نینگ اینگ مهم و کیلجک اوچون اهمیت گه سزاوار خبری ایسه ترکیه – روسیه باشقرووچیلیگیده 30 نچی دسامبرده عملی بولیب باشلنگن سوریه آتش کیس کیلیشووی دیر. بو کیلیشوو سوریه حکومتی و مخالف لرنینگ نماینده لری بیر آره گه کیلیب 6 ییلدن بیری دوام ایتیب تورگن سوریه اوروشیگه سیاسی بیر حل یولی تاپیش اوچون آستانه اوچره شوویگه زمینه مساعد قیله دی.

آستانه جریانی بیرلشگن ملتلر باشقرووچیلیگیده گی جَنَوره اوچره شوولری نینگ جایینی آلیشی ایمس، اونی تکمیل قیلیش اوچون ریجه لنگن دیر.

میلادی 2017 نچی ییل گه قره بارماقده ایکن، بویوک اساسی مسئله لرنینگ حل بولمه گن لیگینی کورماقده میز. اوکراین وسوریه قاله ویرسه آسیا و بالقانلرده تیرمه نیب تورگن بحران نینگ کمه یتیریش توغریسیده کلیدی عنصر کوچلری توازنی نینگ گلوبال مقیاسده قیته دن تنظیم قیلیش دیر.

شو حاضرگی خلق ارا تیزیم نینگ و موسسه لری نینگ بوزغین لیکلری کوپراق بحران و استقرارسیزلیککه آلیب بارمه یه دیگن شکلده ترمیم بولیشی کیره ک دیر.

گلوبال قان توکیلیش لر بیلن اوتگن ییل نینگ جایینی عمومی توزه لیش، علمی و همکارلیک لرنینگ آلیشی کیره ک. بو ایسه انسان نینگ حیثیت و شرفی گه ایشانگن هر کیم نینگ وظیفه سی دیر.

 جمهور رئیس لیک سوزلاوچیسی ابراهیم قلین نینگ یازووی 



علاقه لی ینگی لیکلر