سعودی عربستان، لبنان و حریری نینگ استفاسی

سیاسی تحلیل

سعودی عربستان، لبنان و حریری نینگ استفاسی

بحران نینگ آوازه سی سعودی عربستان و لبنان تامانیدن

سعودی عربستانده فسادگه قرشی کوره ش بهانه سی بیلن باشلنگن یوقاری مرتبه لیکلرنی اوشلش و لبنان باش وزیری سعد حریری نینگ سعودی عربستان سفری جریانیده استفا ایتیشی دقتلرنی بو ایککی اولکه گه جلب ایتدی.  بیز هم پروگرامده بو موضوعلرنی هر تامانلمه تیکیشیریب چیقه میز.

منه ایندی شو توغریده آتاترک عالی بیلیم یورتی خلق ارا علاقه لر بولیمی اسیستانت لریدن دوکتور جمیل دوغاچ ایپک نینگ یازووینی تقدیم ایته میز.

سعودی عربستانده 11 ته سی شهزاده 30 دن آرتیق یوقاری مرتبه لی اداره چی نظارتگه آلیندیلر. باشقه تاماندن ریاض گه تورلی اوچره شوولر اوچون بارگن لبنان باش وزیری سعد حریری (اوزیگه قرشی حزب الله نینگ بیر پلان ریجه له گنینی سبب کورستیب) استفا قیلدی. حریری ایراننی لبنانگه حزب الله آرقه لی حاکم بولیش گه حرکت قیلیب تورگنی بیلن عیبله ماقده. حزب الله نینگ حمایه سی بیلن باش وزیرلیک مقامی گه اولتیرگن حریری نینگ ایران منطقوی فعالیتلریدن ایندی خبردار بولگندیک بیانات بیریشی البته قیزیق بیر حادثه دیر. بو وضعیت حزب الله تامانیدن ادعا ایتیلگن "حریری سعودی عربستان تامانیدن زوروانلیک بیلن استفاع ایتدیریلدی" دیگن ادعانی کوچلی قیلماقده. بو اوزگریشلرنینگ آرتیدن منظقه بیلن علاقه ده بولگن هر بیر کیشی نینگ کله سیگه "ریاض بیلن تهران آره سیده گی بحران لبنان آرقه لی قیزغین اوروشگه ایلنیشی ممکن می؟" دیگن سوال خلق بوله دی. البته بولر یوز بیرگنده اورته شرق اوچون بیر فلاکت روی بیرگن بوله دی. لیکن منطقه ده وضعیت بو شکلده دوام ایتگنده هم هر بیر احتمال نینگ یوز بیریشی ممکن.

لبنانده 1930 – ییللرده فرانسزلر تامانیدن ایجاد ایتیلگن سیاسی ساختارگه کوره، جمهور رئیس مارونی عیسوی لردن، باش وزیر سنی مسلمانلردن، مجلس باشلیغی ایسه شیعی مسلمانلردن انتخاب قیلینماقده. لبنان نینگ بو مغلق سیاسی ساختاری، اولکه نی تشقی مداخله لرگه مساعد قیلیب قویگن. بناً بیر قطار غربی اولکه لر، سعودی عربستان و ایران، لبنان نینگ ایچکی ساختاریگه هم مداخله قیلیشی ممکن. ایران حزب الله نی واسطه اوله راق استفاده ایتماقده. سعودی عربستان ایسه حریری عائله سی آرقه لی اوزیگه جایگاه اجره تماقچی.

منطقه سوریه بحرانی بیلن تیگیشلی ایکن، لبنان اونچه لیک دقتلرنی جلب ایتمه یدی. لیکن سونگی ینگی لیکلرگه قره ب دقتلر ایچکی اوروشدن چرچه گن لبنانگه جلب بولماقده. سوریه ده یوز بیرگن حادثه لر ایران نینگ ساحه سینی وسعت بیریشی گه باعث بولدی. بو وسعت بیریش نینگ لبنانده گی انعکاسی ایسه حزب الله دیر. ایران سوریه ده ایجاد ایتماقچی بولگن ساحه سینی لبنانده حزب الله آرقه لی کوپ آلدیندن ایجاد ایتگن. اسرائیل ایسه حزب الله نینگ سوریه ده مصروف بولیب قالگنی اوچون بیراز ممنون. لیکن سوریه جهتیدن بیر معما هم بار. اوشبو معما: سوریه ده یوز بیرگنلر حزب الله نی کوپراق قوی قیلدی. باشقه تاماندن آلدیندن اسرائیل فقط حزب الله دن تهدید آلگنینی کورماقده ایکن، ایندی یانیده ایران تامانیدن جهت بیریلگن اون مینگلب جنگری موجود.

سعودی عربستان ایچیده یوز بیرگن ینگیلیکلر ایچکی سیاست و اقتصادی پنجره سیدن بهالندیرگنلر هم بار. بونگه کوره، سعودی عربستان؛ ایران و حزب الله گه مخالف بیاناتلرنی ایچکریده گی کوچ مجادله سی اوچون استفاده قیلماقده. لیکن سعودی عربستان نینگ لبنان گه قره ته اوروش تهدیدلری محمد بن سلمان نینگ اوز کوچینی اثباتلش اوچون یوز بیره دیگن بیر توقنه شووگه باعث بوله دی. سعودی عربستان، سوریه، قطر و یمنده عملی قیلگن سیاست نینگ اورته شرقده عسکری حرکت گه باعث بوله دیگن ترجیح گه قره ب باریشی نینگ ممکن ایکن لیگینی کورستماقده.

تورکیه، سعودی عربستانده یوز بیرگنلرگه سعودی عربستان نینگ ایچکی مسئله سی دیب قره یدی. باشقه تاماندن سعودی عربستان هم قطر بحرانی و شمالی عراقده گی رفراندوم گه قیلگن حمایه سی نینگ آرتیدن انقره بیلن مناسبتینی توزه تمه گن. بیراق مناسبتنی یمان حالت گه کیلتیرووچی بیر حرکت هم قیلمه دی. احتمالاً ایککی اولکه هم لبنان اطرافیده گی ینگی لیکلرنینگ مناسبتلریگه مستقیم تاثیر قالدیرمس لیگینی اویله ماقده لر. لبنانده یوز بیره دیگن بیر توقنه شوو، خزب الله نینگ سوریه ده گی موجودیتینی کمه یتیریش گه سبب بوله دی. بو هم بشارالاسد اداره سینی ضعیف قیله دی. حزب الله نینگ صحنه دن چیقیب کیتیشی سوریه نینگ تورکیه گه قره ته احتیاجینی کوپراق قیله دی. بو تورکیه نینگ ترور تشکیلاتی PKK/YPG گه قرشی کوره شده بیر فرصت یراتیشی ممکن. لبنانده گی احتمالی بیر توقنه شووده، امریکا قوشمه ایالتلری و اونینگ متفقلری نینگ سوریه ده PKK/YPG گه قره ته عملیاتگه قرشی حمله قیلیشلری کوپ قیین بوله دی. عین دمده ایران بیلن روسیه نینگ سوریه ده تورکیه گه ضرورتی نینگ کوپراق بولیشی توازننی تورکیه نینگ منفعتی گه ایلنتیریشی ممکن. البته بو احتمال لبنان اطرافیده گی وضعیت بیلن علاقه سی بار. سعودی عربستان لبنان نینگ جاییده، یینه قطرگه علاقه کورستسه بو تورکیه – سعودی عربستان مناستی گه بحران اوله راق انعکاس قیلیشی ممکن.

سعودی عربستان فسادگه قرشی کوره ش آتی آستیده باشله تیلگن جریان و حریری نینگ استفا ایتیشی اورته شرقده ینگی بیر جریاننی اشاره قیلماقده. یوز بیرگنلر سعودی عربستانده اقتدار اوزگریشیدن عبارت بولمه گن بیر معمادن عبارت. سعودی عربستانده گی اقتدار اوزگریشی اورته شرقده ینگی بیر توقنه شوو زمینه سی یراتیشی ممکن. بو خواهی – نخواهی تورکیه گه هم تاثیر قالدیره دی. لبنانده گی تورکمن موجودیتینی هم دقت گه آلگنده، احتمالاً تورک دیپلوماسیسی بی طرفانه بیر سیاستنی تعقیب ایته دی و ایککی تاماننی توقنه شوودن اوزاق توتیش اوچون حرکت قیله دی. نتیجه ده بو بحران نینگ دوامی تورکیه اوچون فرصت هم تهدید هم ایجاد ایتیشی ممکن. تورک دیپلوماسیسی احتمالاً شونگه قره ب حرکت قیله دی.        

   



علاقه لی ینگی لیکلر