امریکا نینگ ستراتیژیک خطاسی

اوشبو مطلب اَدم مک کونل تامانیدن یازیلگن مقاله نینگ اوزبیک تیلیده گی ترجمه سیدن عبارت

امریکا نینگ ستراتیژیک خطاسی

ایککی هفته آلدین امریکالیک مسئول لر دن تشکیل تاپگن بیر هیئت, تورک سیاستچی لر بیلن اوچره شیش اوچون انقره گه کیلدی.  تامان لرنینگ ییغیلیش لر گه کتته اهمیت بیرگن لیگی گه قره مسدن, اوشبو ییغیلیش لرنینگ بیرته گینه انیق نتیجه سی بولدی.  شونده ی قیلیب کیله جک آی اوچون قرار قیلینگن, ایککی تامان اورته سیده گی ارتباط بوییچه قیین چیلیک لرنینگ کمیتیریلیشی مقصدی بیلن بیواسطه دیالوگ میکانیزمی نینگ تشکیل ایتیلیشی اینگ مهم ینگی لیک کبی کورینماقده. 

خودی منه شوو بیرته گینه ینگی لیک دن تشقری, باشقه مسئله لر سونگگی تورت ییلده بولگن لیگی دیک دوام ایته دیگن دیک کورینماقده.  تورک تامانی, امریکا قوشمه ایالت لری نینگ پی وای دی/ پی کا کا بیلن بولگن همکارلیگی نی هر کون تنقید ایتیب کیلماقده.  امریکالیک مسئول لر ایسه, حتی اوز اولکه لری تامانیدن هم ترورچی اوله راق قبول قیلینگن بیر ترور تشکیلاتی بیلن بولگن ارتباطی نی فرقلی کورسه تیش گه حرکت ایتیب, بولمیدیگن جواب لر بیلن موضوع نی اوزگرتیش گه انتیلماقده. 

باشقه امریکالیک مسئول لر, و حتی سی آی ای, پی وای دی نینگ ترور تشکیلاتی پی کا کا نینگ بیر قسمی دن عبارت ایکن لیگی نی اعتراف ایتگن وضعیتده.  ایریم امریکالیک سوزلاوچی لر یاکه باشقه امریکا لیک مسئول لر, تورک مسئول لر امریکا قوشمه ایالتلری نینگ پی وای دی/پی کا کا بیلن بولگن همکارلیگی نی تنقید ایتگن پیتده اوز لری نی حیرت له نیب قالگن و حتی عصبانی بولگن دیک قیلیب کورسه تیش گه انتیله دی.  تورک ملتی نینگ امریکا قوشمه ایالت لری گه قرشی غضبی نینگ آرتیب کیتگن لیگی دیک, تورکیه نینگ امریکا نینگ نیت لری گه تیگیشلی ایشانچ سیزلیگی چقورلَشیب کیترایکن, اولر نینگ ایسه قیلگن اینگ یخشی ایشی "عصبانی" و "هارغین" بیر شکلده جواب قیتیریشدن عبارت.  شونده ی قیلیب ناتوغری سیاست لری نینگ نتیجه لری بوییچه تورک نشراتی اورگان لری نی عیب له ماقده.

پی وای دی/پی کا کا, تورکیه نینگ توپراق بوتونلیگی جهتی دن بیر تهدید دن عبارت 

امریکا قوشمه ایالتلری نینگ پی وای دی/پی کا کا بیلن همکارلیک قراری, میلادی 2014 نچی ییلی گه باریب تقیلماقده.  داعش نینگ, تورکیه چیگره سیده اورین آلگن سوریه نینگ شمالیده گی بیر منطقه دن عبارت روجاوا گه حمله قیلیشی آرتیدن بونده ی بیر قرار آلیندی. تورک حکومتی, عراق نینگ شمالیده گی محللی رهبریت نینگ ملیشه لری نینگ روجاوا گه کیره آلیشی اوچون حتی تورکیه دن اوتیش لری گه اجازت بیرگن ایدی. 

اوباما رهبریتی, پی وای دی/پی کا کا بیلن ارتباط قوریش نینگ, تورکیه بیلن امریکا اورته سیده گی متفق لیککه قتتیق ضرر بیره دیگن لیگی نی درک ایته آلمه دی. رمان چیلیک بیلن بند بولگن 30 یاشلی بیر کیشی نینگ (بن رودوس) دولت رهبری اوباما نینگ تشقی سیاست بوییچه مصلحتی چیسی بولیشی تقدیرده, وضعیت نینگ منه شونده ی بوله دیگن لیگی کورینیب تورگن گپ ایدی البته که. 

خودی منه شوو متفق لیک نینگ تهدابی نی ایسه, ایریم سیاست بیلیمی بوییچه متخصص لر نینگ ایتگن لیگی دیک, تورکیه نینگ چیگره دن تشقری موازنه نی قوروچی بیر فکتور گه احتیاج حس ایتیاتگن لیگی دن عبارت ایدی.  19 نچی عصر نینگ سونگگی ییل لری دن باشلب, آلدین عثمانلی دولتی, کیین ایسه تورکیه جمهوریتی مقام لری نینگ اینگ اساسی ضرورتی, عثمانلی یاکه تورک دولتی گه قرشی تهدید لر نی برطرف ایته دیگن بیر کوچ نی تشکیل ایترایکن, اوزی تهدید بولمیدیگن متفق بیر کوچ نینگ تاپیلیشی دن عبارت ایدی. 

شونده ی قیلیب تورکیه ایککینچی دنیا اوروشی آرتیدن اوشبو دایره ده امریکا قوشمه ایالتلری بیلن متفق بولدی.  امریکا قوشمه ایالتلری مقام لری ایسه, سابق سویت اتفاقی گه قرشی اوزاق مدت لیک بیر کوره ش نینگ ضرورت ایکن لیگی گه قرار قیلگن میلادی 1946 نچی ییلی گه قدر, تورکیه بیلن اتفاق قوریش گه یانده ش مه دی. سابق سویت اتفاقی نینگ قوشنی سی بولگن تورکیه, امریکا قوشمه ایالتلری اوچون چیگره ده گی بیر متفق دن عبارت بولر ایدی؛ اوشبو دایره ده امریکا نینگ, تورکیه نینگ یمان وضعیتده بولگن اردوسی نی مدرن لشتیریشی کیره ک ایدی.  ساووق اوروش دوریده تورکیه ده کوپلب امریکالیک نظامی و ملکی مسئول لر نینگ موجودیتی گه قره مسدن, سویت اتفاقی نینگ کتته تهدید لری و امریکا قوشمه ایالت لری بیلن بولگن ایککی تانلَمه منفعت لر نینگ انیق ایکن لیگی تورکیه نینگ قیغو لری نی بر طرف ایتگن ایدی.

اوشبو وضعیت ساووق اوروش نینگ اداققه ییتیشیشی آرتیدن هم اوزگرمه دی.  قیسقه بیر مدت بیلن ضعیف له تیلگن بولیشی گه قره مسدن روسیه, آلدینگی اوچ عصرده انیق روشده کورینگن لیگی دیک, تورک حاکمیتی گه قرشی اوزاق مدت لیک تهدید بولیش گه دوام ایتماقده ایدی.  و امریکا قوشمه ایالتلری منطقه مقیاسیده گی جنجال لر گه اره لشگن سری, تورکیه ده گی مرکز لری و حربی امکانیت لری حیاتی اهمیت گه ایگه بولیش گه دوام ایتدی. 

میلادی 2014 نچی ییلی اینگ مهم ییلدن عبارت ایدی

بیراق, میلادی 2014 نچی ییلی نینگ سونگگی دن کیین وضعیت اوزگردی.  اینیقسه مسکو نینگ (اوباما رهبریتی نینگ عکس العمل کورستمه گن لیگی سببلی) دوام ایتیاتگن ایچکی اوروش لر باعث ویران بولیب قالگن سوریه ده گی موجودیتی گه قره گنده, روسیه تهدیدی نینگ دوام ایتیاتگن لیگی بوییچه هیچ قنده ی بیر تردد موجود ایمس.  بیراق, اوباما رهبریتی نینگ پی وای دی/پی کا کا بیلن همکارلیک قیلیش نی ترجیح ایتگن لیگی, امریکا نینگ, اساسی هدفی تورکیه نینگ ارضی تمامیتی نی تهدید ایتیش دن عبارت بولگن بیر ترور تشکیلاتی بیلن متفق بولگن لیگی نی کورستماقده ایدی.  باشقه چه قیلیب ایتگنده اوباما رهبریتی, تورکیه جمهوریتی گه قرشی بیر تهدید نی حمایت قیلیش نی ترجیح ایتدی. 

تورکیه جهتی دن آلیب قره گنده, امریکا قوشمه ایالت لری نینگ ترور تشکیلاتی پی وای دی/پی کا کا بیلن همکارلیک قیلیشی, انقره بیلن واشنگتن اورته سیده گی ستراتیژیک همکارلیک نی ضعیف له تیب قویماقده.  زیرا امریکا قوشمه ایالتلری نینگ اوزی ستراتیژیک بیر تهدید بولیش نی ترجیح ایتگن وضعیتده.  امریکا قوشمه ایالتلری نینگ قنده ی قیلیب بونده ی بیر خطا قیلگن لیگی نینگ تاریخچی لر تامانیدن بهالنتیریلیشی کیره ک؛ بیز حاضرچه شونده ی بیر تخمین قیلَیلیک: امریکا نینگ اوشبو خطاسی بوییچه اینگ اساسی سبب, سیاست لرنینگ بیلگی سیز, ناتوغری بیلگی لر گه تَیَنگن و بصیرت سیز بیر شکلده آلیب باریلگن لیگی و امریکا قوشمه ایالتلری نینگ منطقه ده گی متفق لری (اینگ مهمی تورکیه) گه ایشانیش گه حرکت ایتمه گن لیگی دن عبارت. 

گولن, تورکیه جمهوریتی اوچون هم بیر تهدید دن عبارت

افسوس که امریکا قوشمه ایالتلری نینگ نا معقول اتفاق ترجیح لری, فقط گینه ترور تشکیلاتی پی کا کا بیلن چیگره لنگن ایمس.  میلادی 2013 نچی ییلی نینگ دسامبر آیی دن باشلب تورکیه نینگ ایچکی سیاستی بوییچه حقیقت گه اهمیت بیریب طرفسیز بولیش گه حرکت ایتیاتگن لر,  فتح الله گولن نینگ تورک دموکراسی سی گه قرشی بیر تهدید وضعیتیگه کیلگن لیگی نی درک ایتگن ایدی.  میلادی 2016 نچی ییلی جولای آییده گی کودتا تشبثی جریانیده,  گولن نینگ تورک اردوسی ایچی گه جایله شیب آلگن خائین لری قیلگن جنایت لری بیلن اوشبو تهدید نینگ قنچه لیک کتته ایکن لیگینی عملده کورسه تیب بیردی.  باشقه چه قیلیب ایتگنده فتح الله چی ترور تشکیلاتی نینگ, تورک ملتی و تورکیه نینگ دموکراتیک یوللر بیلن سیلنگن سیاسی رهبرلیگی گه قرشی بیواسطه, خشونتلی بیر تهدید اوله راق قبول قیلینیشی کیره ک. 

همه تامانیدن بیلینگن لیگی دیک, گولن میلادی 1999 نچی ییلیدن بیری امریکا قوشمه ایالتلریده یشه ماقده.  اوشبو وضعیت نینگ اوزی ایسه, امریکا نینگ ترور تشکیلاتی پی وای دی/پی کا کا بیلن همکارلیک قیلگن لیگی دیک, تورکیه گه قرشی باشقه بیر تهدید دن عبارت گولن نی هم حمایت قیلیاتگن لیگی معنی سی گه کیلماقده.  بونگه قره مسدن امریکا قوشمه ایالتلری گولن نینگ تورکیه گه تاپشیریلیشی بوییچه انیق بیر قدم تشله مه گن لیگی کورینماقده. 

اوشبو موضوع نینگ منطق جهتی دن بهالنتیریلیشی ممکن بولگن بیر تامانی هم موجود.  امریکا قوشمه ایالتلری نینگ, تورکیه تهدید دن عبارت بیر تشکیلات بیلن همکارلیک قیلیب, باشقه بیر تهدید گه ایسه میزبان لیق قیلیاتگن بولسه, تورکیه ده گی عسکری موجودیتی توغریسیده هم ایریم سئوال لرنینگ پیدا بولیشی ممکن ایمس می؟ شخصاً بونده ی بیر وضعیت نینگ بحث موضوعی ایمس لیگی نی بیلدیریش نی آرزو ایتگن بولر ایدیم.  بیراق مین سیلاو ساحه سی و رای بیروچی لرنینگ حیاتی و رفاهی بوییچه مسئول تورک سیاستچی دن عبارت ایمس من.  سونگگی بیش ییلده یوز بیرگن ینگی لیک لر, امریکا قوشمه ایالتلری نینگ تورکیه ده گی نظامی موجودیتی بیلن علاقه لی تورک ملکی و نظامی مقام لر نینگ مییه سیده چلکش فکر لر نینگ پیدا بولیب قالیشی گه سبب بولگن وضعیتده. 

سونگگی پیتلرده گی ینگی لیک لر و کیله جک ده گی احتمالی سناریو لر, تورکیه ده گی امریکالیک کوچ لرنینگ تورکیه اوچون بیر تهدید تشکیل ایته دیگن لیگی نی ایسله تیب اوتیش گه مجبور قیلیب قویه دی.  اوشبو وضعیت نینگ اوزی ایسه 70 ییل لیک بیر مدت بیلن قبول قیلینگن, یعنی, امریکا نینگ تورکیه نینگ ارضی تمامیتی نی گرنتی ایتووچی ایکن لیگی بیلن علاقه لی مفکوره نینگ بوتونلی اوزگرگن لیگی نی کورستماقده. بونده ی بیر مفکور نی قبول قیلگچ تورک مقام لری (و تورک ملتی) نینگ نیمه اوچون امریکا گه ایشانمیتگن لیگی و واشنگتن نینگ یقین اوتمیشده گی عمل لری گه نیمه اوچون قتتیق عکس العمل کورستیاتگن لیگی نی درک ایتیش ممکن.

اوزگرگن ستراتیژیک کوز قره ش

امریکا قوشمه ایالتلری نینگ پی وای دی/پی کا کا و فتح الله چی ترور تشکیلاتی بیلن همکارلیک قیلیشی تقدیرده, 75 ییل آلدین بحث موضوعی بولگن امریکا جهتی دن تورکیه نینگ چیگره دن تشقری موازنه قورووچی رولی یوق بولیب کیتگن دیمک.  بونینگ اورنیگه امریکا قوشمه ایالتلری, میلادی 19 نچی عصر ده انگلستان و فرانسه نینگ عهده سیده بولگن و روسیه نینگ اوچ عصر دن بیری داخل بولگن "بیواسطه تهدید" کتگوری سی گه قدم تشله گن وضعیتده.  اوشبو اکتور لر بیر پیتلر عثمانلی دولتی دن توپراق آلیش بیلن بند ایدی.

امریکا قوشمه ایالتلری نینگ تورکیه جمهوریتی دن هم توپراق آلیش گه حرکت ایتیاتگن بیر ترور تشکیلاتی نی حمایت قیلیاتگن لیگی و حاضرگی کونده خشونت دن فایده له نیب تورکیه ده دولت اداره لری گه نفوذ قیلیش گه حرکت ایتگن دینی بیر ترور تشکیلاتیگه جای بیرگن لیگی گه قره گنده, امریکا مقام لری نینگ, ایندی تورک لرنینگ نظریده 19 نچی عصر ده گی انگلستان, فرانسه و روسیه دن فرقی بولمه گن لیگی نی درک ایتیش لری کیره ک.  شوباعث, ملتی گه قرشی مسئول بولگن دموکراتیک یوللر بیلن سیلنگن تورک سیاستچی لر, یا چیگره دن تشقری موازنه نینگ قوریلیشی اوچون باشقه همکار اختره دی یاکه اوزی اوشبو معما نی ییچه دی.

تورکیه جمهوریتی دولتی نینگ مدرن قوراللر تولید ایتیش اوچون سونگگی اون ییلده قیلگن سعی و حرکتی نی اوشبو موضوع بیلن علاقه لی مثال قیلیب کورسه تیشی میز ممکن.  اوتگن هفته تورکیه قوراللی کوچلری, قوراللی هیداوچی سیز واسطه لرنینگ پی وای دی/ پی کا کا گه قرشی عفرینده آلیب باریلیاتگن عملیات دایره سیده استفاده ایتیلیش گه تیار ایکن لیگی نی بیلدیردی. 

19-عصر دن بیری عثمانلی دولتی و تورکیه فقط گینه قورال جهتی دن ایمس, بلکه اردوسی نینگ تعلیمی بوییچه هم بویوک مقیاسده چیت ایللیک کوچ لر نینگ همکارلیگی ضرورت حس ایتیب کیلدی.  بیراق, سونگگی عملیات لر ده, یعنی فرات قالقانی و زیتون ناوده سی عملیاتلریده, تورکیه ده تولید ایتیلگن قوراللی پیلوت سیز اوچاق لر و مدرن قوراللر دن استفاده ایتیلدی. 

اوشبو عملیات لرنینگ, جدی بیر شکلده پلان له نیب تطبیق ایتیلیاتگن عملیات لر دن عبارت ایکن لیگی سببلی ملکی تلفات نینگ اینگ آز بولیشی گه سبب بولماقده.  باشقه چه قیلیب ایتگنده, اوشبو خصوصده تورکیه قوراللی کوچ لری, شهر و مسکونی منطقه لرده گی اوروش لرده حاضرگی کون گه قدر امریکا قوشمه ایالتلری تامانیدن استفاده ایتیلمه گن امکانیت لر دن فایده لنماقده.  اوروش اداققه ییتیشگچ, تورک یاردم موسسه لری اوروش بولگن منطقه گه باریب قیته قوریش فعالیت لرینی باشله ماقده.  عموماً آلیب قره گنده ایندی تورک لرنینگ چیت ایل لر دن کیلیاتگن سلاح گه احتیاجی نینگ جدل روشده کمییب باریاتگن لیگی کورینماقده.    

ایسله تیب اوتیشیم کیره ک که, امریکا قوشمه ایالتلری نینگ آلدینگی و حاضرگی رهبریتی بونده ی بیر یول نی تنلب, تورکیه نینگ ملکی و نظامی مقام لری نی اوشبو جهتده قدم تشلش گه تشویق ایتگن وضعیتده.  امریکا مقام لری تورک وطنداش لری و سیاستچی لری نی, امریکا قوشمه ایالتلری نینگ حاضرگی کونده هم ایشانرلی ایکن لیگی و تورکیه نینگ ارضی تمامیتی جهتی دن بیر تهدید دن عبارت ایمس لیگی گه کوندیریش گه حرکت ایتیشی تقدیرده, فرقلی قرار لر و فعالیت لرگه اهمیت بیرمس لیگی کیره ک. 

 

 

   

 

     

 

 

 

 

 



علاقه لی ینگی لیکلر