"معتدل اسلام" کیم گه نیمه اوچون کیره ک؟

اوشبو مطلب پروفیسر داکتر قدرت بلبل نینگ تورک تیلیده یازگن مقاله سی نینگ اوزبیک تیلیده گی ترجمه سیدن عبارت

"معتدل اسلام" کیم گه نیمه اوچون کیره ک؟

ایریم پیتلرده بعضی مرکز لر, معلوم اولکه لرنینگ یاشیرینچ خبر آلیش تشکیلاتلری, حقیقتلر نی یاپیب قویش اوچون جعلی موضوع لر بیلن کون ترتیبی نی انیقلشتیریش گه حرکت ایتماقده.  بیراق, وقتی کیلگنده قویاش نینگ قول بیلن یاشیریلیشی نینگ ممکن ایمس لیگی نی همه درک ایتگن بوله دی. 

 اوشبو موضوع بیلن علاقه لی اینگ یخشی مثاللردن بیری ایسه, "معتدل اسلام" توغریسیده گی بحث و مناظره لردن عبارت.  سونگگی پیتلرده غربده یوز بیریاتگن ینگی لیک لر, غرب و بشریت جهتیدن ایریم ریسک لر گه ایگه ایکن, "معتدل اسلام" مسئله سی نینگ اوزلوکسیز کون ترتیبیده اورین آلیب کیلیاتگن لیگی کورینماقده.  غرب, ایککینچی دنیا اوروشی آلدی دن, اوزی و بشریت اوچون یره تیاتگن تهدید گه اهمیت بیرمی, دواملی روشده یهودی لیک دن بحث ایتگن لیگی دیک, ایندی ایسه اینگ یمان وضعیت دن عبارت نیو- نازیزم و نیو- فاشیزم نی درک ایته آلمسدن, "معتدل اسلام" توغریسیده بحث ایتماقده.  فرانسه لیک 300 کیشی, اساساً غرب نینگ بیر کسللیگی دن عبارت بولگن خشونت و یهودی دشمن لیگی نی تشویق ایتگن لیگی نی بهانه قیلیب قرآن کریم دن ایریم آیت مبارکه لرنینگ چیقاریلیشی نینگ طلب قیلینگن بیر بیلدیرو نی امضاله دی.  بیراق, خوددی منه شوو ضیالی لرنینگ اوزی, اسرائیل نینگ, امریکا قوشمه ایالتلری ایلچیلیگی نینگ بیت المقدس گه تَشیلیشی گه قرشی ناراضی چیلیک بیلدیرگن فلسطین لیک عادی اهالی نی خلق ارا حقوق و بشریت وجدانی نی پایمال قیلیب قیرغین قیلگن لیگی گه قرشی هیچ قنده ی بیر عکس العمل کورستمه دی.  اسرائیل نینگ اوشبو حمله لری نتیجه سیده اونلب فلسطین لیک ملکی شهید بولرایکن, مینگلب کیشی ایسه یره لندی. بوندن یمانراق خشونت, ایرقچیلیک, اسلام و بشریت دشمن لیگی نینگ بولیشی ممکن می؟ معتدل اسلام بوییچه اساسی مقصد نینگ, دین نینگ آتی دن فایده له نیب اوز جغرافیه سیده هیچ قنده ی بیر بشری, اخلاقی, وجدانی و اسلامی چیگره گه اهمیت بیرمسدن ترورچیلیک قیلیاتگن تشکیلات لر گه کوره ش دن عبارت بولیشی تقدیرده, عقلی بولگن هیچ کیمسه بونده ی کوره ش گه قرشی مخالفت قیلمَیدی البته که. بیراق, اوشبو ضرورت گه معتدل اسلام  ایمس, تروریزم گه قرشی کوره ش اسمی نینگ بیریلیشی کیره ک.  تروریزم قیسی آت بیلن بولیشی گه قره مسدن تروریزم دن عبارت.  شوباعث توغری بیر اصطلاح دن فایده له نیش ضروری.  سونگگی پیتلرده آرتیب باریتگن مسیحی لیک تروریزمی توغریسیده سوز یوریتیلرایکن, "معتدل مسیحی لیک" دن بحث ایتیلمَیاتگن لیگی کورینماقده. عینی دمده اسرائیل نینگ, بیرلشگن ملتلر تشکیلاتی قرار لری و بشریت وجدانی گه ضد بیر شکلده اوزاق ییللردن بیری فلسطین لیک لر گه قرشی تطبیق ایتیب کیلیاتگن خشونت و تروریزم نینگ "معتدل یهودی لیک" ضرورتی دایره سیده بهالنتیریلمیاتگن لیگی کوزگه تشلنماقده. 

عملده, "معتدل اسلام" بوییچه اساسی هدف نینگ تروریزم گه قرشی کوره ش دن عبارت ایمس لیگی کورینماقده. اساسی هدف نینگ تروریزم گه قرشی کوره ش دن عبارت بولیشی تقدیرده, دین, آیدیولوژی یاکه امپریالست فعالیت لر تامیری گه ایگه هر خیل تروریزم گه قرشی بیر یقه دن باش چیقاریش اونچه لیک قیین بیر ایشدن عبارت ایمس. 

موجود وضعیتده, قیسی اولکه یاکه یاشیرینچ خبر آلیش تشکیلات لری نینگ ساحه ده قنده ی فعالیت لر آلیب باریاتگن لیگی یاکه کیم لر بیلن همکارلیک قیلیاتگن لیک لری گه قره گنده, امپریالست کوچ لرنینگ معصوم اولکه لرنینگ قولیده گی طبیعی منبع لر نی تارتیب آلیش اوچون قیلیاتگن فعالیت لری نی یاشیریش مقصدی بیلن "معتدل اسلام" اصطلاحی دن استفاده ایتیش گه حرکت ایتیاتگن لیگی کورینماقده.  امپریالست کوچلر اوز منفعت لری اوچون اورته شرق منطقه سیده فعالیت آلیب باررایکن, اوشبو جغرافیه نینگ انسانلری و آیدیولوژی لری عیبدار قیلیب کورسه تیلماقده. 

جغرافیه انسان لری نینگ نیمه اوچون اوز لری گه ظلم قیلینیشی گه اجازت بیرگن لیک لری نینگ هم تیکشیریلیشی کیره البته که.  بیراق, خلق ارا کوچ لرنینگ اولر گه قرشی نیمه لر قیلیاتگن لیک لری نی هم تیکشیریب چیقیش کیره ک. 

فتو, داعش, پی کا کا و پی وای دی سنگری ترور تشکیلاتلری و اولر نینگ قوللریده گی قوراللر گه قره گنده, خوددی منه شوو ترورچیلرنینگ غربی استخبارات تشکیلات لری بیلن ارتباطده ایکن لیک لری کورینماقده. 

ایریم غربی اولکه لر, اوز خلقی تامانیدن هم تصدیقلنمیدیگن بیر شکلده, مسلمان اولکه لرده گی ظالم رهبریت لر بیلن همکارلیک قیلماقده. غربی اولکه لرنینگ اکثریتی نینگ, اسرائیل دن تشقری اورته شرقده باشقه بیر دموکراتیک ینگیلیک نی حمایت قیلمیاتگن لیگی کورینماقده. باشقه بیر تاماندن ایسه اولکه سیده کوپلب کیشی نی اولدیرگن مصر رهبریتی بیلن هیچ قنده ی بیر معما لری یوق.  خوددی منه شوو غربی اولکه لرنینگ, خلق لری نینگ اعتراض لری گه قره مسدن اقتدار لری نی دوام ایتتیریاتگن مونارشی لر بیلن بولگن مناسبت لری هم جوده یخشی.  اوشبو دایره ده, بیر اولکه ده "ایندی عیال لرنینگ موتر هیده ش حقی بار" دیب مقتاو لر بحث موضوعی بولرایکن, دموکراسی تاریخی کوپلب غربی اولکه لر دن آلدین باشله گن تورکیه نینگ تنقید ایتیلیاتگن لیگی کوزگه تشلنماقده. 

ایلک سیلاو میلادی 1876 نچی ییلیده بولرایکن, تورکیه ده عیال لر سیله نیش حقی نی کوپلب غربی اولکه لردن آلدین یعنی میلادی 1934 نچی ییلیده قولگه کیریتگن. 

ایریم غربی اولکه لرنینگ اورته شرق سیاست لری گه قره گنده, اورته شرقده, تاریخی و جغرافیه سی گه اهمیت بیرگن و اوزاق ییللردن بیری هیچ قنده ی بیر معما گه سبب بولمسدن تینچ یشب کیلگن خلق لر بیلن ایمس, بلکه خلقی بیلن ارتباطی یخشی بولمه گن ایریم تامان لر بیلن همکارلیک قیلیب کیلیاتگن لیگی کورینماقده. شوباعث, مصر و ایریم کورفز مونارشی لریده بولگن لیگی دیک, خلق لری نینگ اعتراض لری گه قره مسدن اقتداری دوام ایتیاتگن کیشی یاکه تیزیم لر مقته لرایکن, تورکیه و رجب طیب اردوغان سنگری خلقی بیلن بیر یقه دن باش چیقاریاتگن, دموکراتیک رژیم و کیشی لر ایسه تنقید قیلینیش گه حرکت ایتیلماقده. 

غربی اولکه لرنینگ "معتدل اسلام" بوییچه اساسی هدفی نینگ, اوز خلقی گه ظلم قیلیاتگن لیگی گه قره مسدن اولر بیلن معتدل ارتباطی بولیش مفکوره سیدن عبارت بولیشی ممکن.  اولکه سی و منطقه سیده غربی لرنینگ قیلیاتگن ایشلری گه هیچ قنده ی بیر عکس العمل کورستمه گن لر "معتدل" رهبریت لر, خوددی منه شوو حرکت لر گه قرشی مقاومت کورسه تیاتگن لرایسه, "دیکتاتور" اوله راق بهالنتیریلماقده غرب تامانیدن. قیسقه قیلیب ایتیله دیگن بولسه اگر, غرب ده گی ایریم مرکز لر جهتی دن معتدل, اولکه سی نینگ انسانلری/مسلمانلر گه قرشی ظالم و خائین لردن عبارت.

خلق ارا ایریم مرکز لرنینگ, اورته شرقده خلقی تامانیدن حمایت قیلینمیاتگن رهبریت لر و ینگی پیدا بولگن ترور تشکیلات لرینی حمایت قیلیب حاضرچه بعضی منفعت لر قولگه کیریتیشی ممکن.  بیراق, اوزاق مدتلیک اویلنگنده, غرب ده گی ایرکین لیک طرفداری و اکثریتچی تامان لر اوچون, همده, اورته شرق خلق لری و بشریت اوچون فایده لی بولگن نرسه نینگ کوپچیلیک طرفیدن حمایت قیلینیاتگن ایرکین لیککه اهمیت بیریاتگن تامان لرنینگ حمایه له نیشی اینگ مهم موضوع نی تشکیل ایتماقده.  خوددی منه شوو جهت دن آلیب قره گنده عثمانلی دولتی دوریده بالکان لر و اورته شرقده کسب ایتگن مثبت تجربه لری دایره سیده تورکیه جمهوریتی نینگ اوشبو خصوصده جوده یخشی ایشلر قیلیشی ممکن.



علاقه لی ینگی لیکلر