تورکیه ده بولیب اوتگن سیلاو لرنینگ نتیجه سی توغریسیده بیر تحلیل

اوشبو مطلب پروفیسر داکتر قدرت بلبل نینگ تورک تیلیده یازیلگن مقاله سی نینگ اوزبیک تیلیده گی ترجمه سیدن عبارت

تورکیه ده بولیب اوتگن سیلاو لرنینگ نتیجه سی توغریسیده بیر تحلیل

تورکیه و جهان کوز قره شی 26

تورکیه ده 27 نچی عمومی و بیرینچی ینگی جمهوررئیس لیگی سیستمی سیلاوی بولیب اوتدی.  قیسقه بیر مدت مابینیده نتیجه لری اعلان قیلینگن اوشبو سیلاو نتیجه سیده عدالت و توسعه حزبی باشلیغی و تورکیه جمهوریتی جمهوررئیسی رجب طیب اردوغان رای لرنینگ 52,5 فایزی نی قولگه کیریتدی.  شونده ی قیلیب اردوغان تورکیه نینگ ینگی جمهوررئیس لیگی سیستمی نینگ ایلک جمهوررئیسی ایتیب سیلندی.  جمهوریت خلق حزبی نینگ جمهوررئیس لیگی کاندیدی محرم اینجه ایسه 30,6 فایز رای قولگه کیریتدی.   عدالت و توسعه حزبی میلادی 2002 نچی ییلیدن کیین (ینگی لنگن میلادی 2015 نچی ییلی سیلاو لریدن تشقری) ایلک مراتبه پارلمانده اکثریت نی قولگه کیریته آلمه گن بولدی. 

شفاف و دموکراتیک بیر شرایطده بولیب اوتگن اوشبو سیلاو لر بیلن علاقه لی قوییده گیچه فکر بیلدیریش ممکن:

سیلاو لر گه اشتراک میزانی جوده یوقاری ایدی: قریب 60 میلیون رای بیروچی دن 87,5 فایزی اوشبو سیلاو لر گه اشتراک قیلدی.  اوشبو رقم شفاف و دموکراتیک سیلاولر نینگ بولیب اوتیاتگن و اینیقسه دنیا اولکه لری جهتی دن جوده هم یوقاری بیر سویه دن عبارت ایدی.  خوددی منه شوو اشتراک میزانی تورکیه ده میلادی 1876 نچی ییلیدن باشله گن دموکراسی حرکت لری نینگ تامیر لری نینگ مستحکم لشگن لیگی نی کورستماقده.  اجتماعی ترماقلرده هم بیلدیریلگن لیگی دیک, "غربی اولکه لرده سیلاو بار لیکن رای بیروچی یوق و شرقی اولکه لرده ایسه رای بیروچی بار سیلاو یوق ایکن" تورکیه ده ایسه سیلاو و همده رای بیروچی نینگ موجود ایکن لیگی دموکراسی میز نینگ کیله جگی جهتی دن جدی امید منبعی دن عبارت. 

سیاسی برقرارلیک نینگ دوام ایتتیریلیشی گه رای بیریلدی: عدالت و توسعه حزبی میلادی 2002 نچی ییلیدن بیری 5 نچی مراتبه سیلاو لرده غلبه قازانگن وضعیتده.  تورکیه سیاستیده هیچ قنده ی بیر حزب بونده ی بیر موفقیت قولگه کیریته آلمه گن.  دموکراتیک اولکه لرده هم بیش مراتبه اوزلوکسیز روشده غلبه قازانگن سیاسی حزب لر نی کوریش انچه قیین.  اقتدارده ایکن لیگی سببلی چرچه گن بولیشی نینگ هم نظرده توتیلیشی تقدیرده, عدالت و توسعه حزبی نینگ ینه غلبه قازانگن لیگی رای بیروچی لرنینگ اوشبو حزب دن راضی ایکن لیگی و برقرارلیک نینگ دوام ایتیشی گه طرفدار ایکن لیگی نی کورستماقده.  اوپوزسیون نینگ تنقید لری نینگ رای بیروچی لرگه اونچه لیک تاثیر قیلمه گن لیگی کوزگه تشلنماقده. 

ینه بیر بار ریاستی سیستم تائید ایتیلگن بولدی: اوپوزسیون و اولرنینگ ائتلافی دن عبارت ملت ائتلافی سیلاو کمپاین لری جریانیده بیرگن بیاناتلریده اقتدار گه کیلیش لری تقدیرده پارلمانی سیستم گه قیته دیگن لیک لری نی بیلدیریب کیلدی. شونده ی قیلیب اوشبو سیلاو نینگ تورکیه ده ریاستی سیستم نینگ قبول قیلینگن میلادی 2017 نچی ییلیده گی رفراندوم نینگ تائیدی شکلیده بهالنتیریلیشی ممکن. بولیب اوتگن مذکور رفراندوم نتیجه سیده ریاستی سیستم 51,4 فایزلیک بیر رای بیلن قبول قیلیندی.  جمهوررئیسی اردوغان نینگ 52,5 فایزلیک رای بیلن قیته باشدن جمهوررئیسی ایتیب سیلنگن لیگی نی ایسه ریاستی سیستم نینگ ینه بیر بار خلق تامانیدن تائید ایتیلگن لیگی اوله راق قبول قیلیش ممکن. 

رای بیروچی لرنینگ فکریده ایریم اوزگریش لر یوز بیردی: سیلاو نتیجه لری گه قره گنده آلدین باشقه حزب لر گه رای بیرگن ایریم کیشی لر نینگ بوگلگی سیلاولر ده باشقه بیر حزبگه رای بیرگن لیک لری کورینماقده. شونده ی قیلیب آلدین عدالت و توسعه حزبی گه رای بیرگن اوشبو کیشی لرنینگ ایندی ملیتچی حرکت حزبی و جمهوریتچی حزبی گه رای بیرگن ایریم کیشی لرنینگ ایسه ایندی یخشی حزبی گه رای بیرگن لیک لری کوزگه تشلنماقده.  تورکیه جمهوریتی جمهوررئیسی رجب طیب اردوغان سیلاو نتیجه لری نینگ اعلان ایتیلیشی آرتیدن بیرگن بیانات لریده عدالت و توسعه حزبی رایی میزانی نینگ توشیب کیتگن لیگی نی بیلدیررایکن, اوشبو خصوصده کیره کلی تدبیر لر نی آله دیگن لیک لری نی معلوم قیلدی.  اردوغان بیلن اینجه نینگ حزب لریدن کوپراق رای آلگن لیگی ایسه, خوددی منه شوو رهبر لر نینگ هم باشقه حزب لر دن رای آلگن لیک لری نی کورستماقده. اوشبو دایره ده اردوغان نینگ کُرد لردن معلوم بیر مقدار  رای آلگن لیگی نی ایسله تیب اوتیشی ممکن. 

رای بیروچی لرنینگ بیر مرته بیر حزبگه باشقه بیر مرته ایسه باشقه بیر حزب گه رای بیریاتگن لیگی نینگ اوزی دموکراسی جهتی دن جوده یخشی بیر نرسه دن عبارت.  اوشبو وضعیت نینگ اوزی ایسه سیاسی حزب لر نی رای بیروچی لر نینگ فکرلری گه اهمیت بیریش گه مجبور قیلیب قویه دی. 

پارلمانده گی یوقاری نماینده لیک میزانی: بیر حزب نینگ پارلمانده کرسی ایگه سی بوله آلیشی اوچون تورکیه سطحی ده گی رای لرنینگ کمیده 10 فایزی نی کسب ایتیشی کیره ک ایکن لیگی سببلی پارلمانده معلوم تامان لر نماینده لیک ایتیله آلمس ایدی.  قانونی بیر وضعیتگه کیلتیریلگن ائتلاف لر بیلن بوگلگی سیلاو لر نتیجه سیده 8 حزب اوز کاندیدلری یاکه ائتلاف آرقه لی تورکیه جمهوریتی پارلمانیده اورین ایگللش گه موفق بولدی.  خوددی منه شوو حزب لر ایسه, عدالت و توسعه حزبی, جمهوریت خلق حزبی, ملیتچی حرکت حزبی, خلق لرنینگ دموکراسی سی حزبی, یخشی حزبی, بویوک بیرلیک حزبی, سعادت حزبی و دموکرات حزبی دن عبارت.  تورکیه ده بیر حزب لیک سیاسی سیستم دن واز کیچیلگن میلادی 1950 نچی ییلدن کیین فقط گینه میلادی 1969 نچی ییلیده گینه 8 حزب پارلمانده اورین آلیشگه موفق بولگن ایدی خلاص. 

ینگی سیستم نینگ بیرلشتیروچی رولی: اوتگن هفته ده گی مقاله ده ینگی سیستم نینگ بیرلشتیروچی تاثیری بیلن ایندی سیاسی حزب لرنینگ فقط گینه اوز طرفداری گه اهمیت بیریش دوری نینگ اداققه ییتگن لیگی نی بیلدیرگن ایدیم.  سیلاو لر دایره سیده سیله نه آلیش اوچون رای لرنینگ 50 فایز جمع بیری نی آلیشی کیره ک ایکن لیگی نینگ قنده ی تاثیر قالدیرگن لیگی یققال حس ایتیلماقده.  خوددی منه شوو وضعیت نینگ اوزی ایسه حزب لرنی فقط گینه اوز کتله سی ایمس, بلکه باشقه حزب لرنینگ طرفدار لریدن هم رای آلیش گه مجبور قیلیب قویدی.  شونده ی قیلیب تورکیه ینه ده دموکراتیک له شه دی و ینه ده ایرکین راق بوله دی.  اوشبو موضوع نینگ اوزی ایسه تورکیه ده تینچ بیر حیات نینگ حاکم بولیشی گه سبب بوله دی البته که. 

خلق ارا کوچلر نینگ بویروق لری گه اهمیت بیریلمه دی: آلدینگی سیلاو لر ده بولگن لیگی دیک, ایریم غربی دولت لر, خلق ارا شرکت لر و میدیا اورگان لری بوگلگی سیلاو لر گه هم مداخله قیلیش گه حرکت قیلدی.  عدالت و توسعه حزبی گه قرشی تهدید لر و ایریم عیبلاو لر نی مطرح قیلیش گه حرکت قیلدیلر.  آلدینگی سیلاو لرده بولگن لیگی دیک, ینه بیر بار تورک ملتی خلق ارا اکتور لر گه اهمیت بیرمسدن اوز اراده سی بیلن رای بیردی.  چیت ایللرده گی تورک لر هم شونده ی بیر یول نی تعقیب ایتدی.  ایریم غربی اولکه لرنینگ او ییرده یشیاتگن تورک لرنی انیق روشده تهدید قیلگن لیگی گه قره مسدن, ینه هم رای بیرگن چیت ایللرده یشیاتگن تورک لر سانی نینگ جوده هم کوپ ایکن لیگی کورینماقده.  خوددی منه شوو چیت ایللرده گی تورک لرنینگ کوپچیلیگی عدالت و توسعه حزبی گه رای بیردی. 

تورکیه میلادی 2000 نچی ییلیدن کیین سرانه عاید نی 2000 دالر دن 10000 دالر گه آرتیردی.  ایرکین لیک و دموکراسی سویه سی آرتیب کیتدی.  قوشنی سی بولگن سوریه, عراق, ایران, یونان, لیبیا, اسرائیل, اوکرائین و گرجستان کبی اولکه لرده گی منفی ینگی لیک لرگه قره مسدن, تورکیه تینچ بیر اولکه بولیش گه موفق بولگن وضعیتده.  ترور تشکیلاتی فتو و باشقه تامان لرنینگ کودتا تشبث لری موفقیت سیزلیککه اوچره تیلدی.  تورکیه ده میلادی 2017 نچی ییلیده گی رفراندوم و اوتگن هفته ده گی سیلاو لر آرتیدن قریب 150 ییللیک دموکراسی تاریخیده ریاستی سیستم گه اوتیلدی.  تورکیه اساساً اوشبو موفقیت لرنینگ همه سی نی دموکراسی نتیجه سیده قولگه کیریتدی.  ایرکین, شفاف و دموکراتیک بیر سیلاو نتیجه سیده ملتی دن سیاسی و اجتماعی مشروعیت کسب ایتگن سیاسی بیر اقتدار نینگ موجود ایمس لیگی تقدیرده, اوشبو دموکراتیک اوزگریش لرنینگ تقریباً هیچ قیسی سی ممکن ایمس ایدی.  تورکیه قولگه کیریتگن اوشبو موفقیت لر بیلن فقط گینه اوزی ایمس, بلکه منطقه و غرب ده گی ایریم اولکه لر اوچون هم فایده لی بولدی.  غربی اولکه لر بیر نیچه مهاجر اوچون قورقیت قالرایکن, تورکیه ایسه 3,5 میلیون مهاجر نی اوز بغری گه باسگن وضعیتده.  تورکیه ده گی دموکراسی و برقرارلیک نینگ همه تامانیدن درک ایتیلیشی کیره ک.   



علاقه لی ینگی لیکلر