تورکیه، جنرال دوستمنی آماجله گن خودکش هجومنی قاره له دی

تشقی ایشلر وزیرلیگی تامانیدن بیر بیانات ترقه تیلدی

تورکیه، جنرال دوستمنی آماجله گن خودکش هجومنی قاره له دی

تورکیه، افغانستان نینگ پایتختی کابلده، جمهور باشلیغی بیرینچی اورینباسری عبدالرشید دوستمنی آماج قرار بیرگن و  14 حیاتینی یوقه تگن هجومنی قاره له دی.

تشقی ایشلر وزیرلیگیدن بیریلگن بیاناتده؛

"افغانستان حکومتی بیلن بارگن کیلیشووگه بناً بیر ییلدن آرتیق مدتدن بیری اولکه میزده حیات کیچیریب تورگن افغانستان جمهور باشلیغی بیرینچی اورینباسری عبدالرشید دوستم توناون کون (22 جولای) ده افغانستانگه قیتیب باردی. کابل حمید کرزی خلق ارا قونلغه سیدن ایریلیشی نینگ آرتیدن مذکور قونلغه نینگ آلدیده یوز بیرگن خودکش هجومنی محکوم ایته میز" دیب ایتیلگن.

رشید دوستم نینگ قطاریده گیلرگه هیچ بیر ضرر ییتیشمه گن لیگی معلوم قیلینگن اوشبو بیاناتده؛

حیاتینی یوقه تگنلرنی الله تعلی مغفرت قیلسین، افغانستان خلقی و دولتی گه تسلیت بیلدیره میز" دیب ایتیلگن.

بیر مدتدن بیری تورکیه ده حیات کیچیریب تورگن افغانستان جمهور باشلیغی بیرینچی اورینباسری عبدالرشید دوستم توناون کون کابل گه قیتیب بارگن ایدی. لیکن اوچاغی نینگ قونلغه گه باریب قونیشی نینگ آرتیدن قونلغه گه یقین بیر جایگه خودکش هجوم اویوشتیریلیشی عاقبتیده دوستم نینگ محافظلری داخل 14 کیشی اولیب 60 نفر یره لنگن ایدی.

اوزبیک رهبر دوستم گه ضرر ییتیشمه گن مذکور هجومنی ترور تشکیلاتی داعش اوز بوینی گه آلگن ایدی.

باشقه تاماندن تورکیه دن اوز اولکه سیگه قیتیب باررکن صدارت ده گی کوتیب آلیش مراسمیده صحبت قیلگن جنرال دوستم، تورکیه ده حیات کیچیرگن مدت جریانیده همکارلیک و یاردم بیرگن تورکیه خلقی و دولتی گه منتدارچیلیک بیلدیردی.

بیرلیک و بیردملیک نینگ اهمیتی گه تماس قیلگن دوستم جنابلری، هیچ کیم بیلن بیر قیین چیلیگی بولمه گنینی ایتدی.

دوستم، افغانستانگه تینچ لیک نینگ اورنه تیلیشی اوچون هر قنده ی فداکارلیک که تیار ایکن لیگینی بیلدیردی.

جنرال دوستم کونلردن بیری نظام الدین قیصاری نینگ اوشلنیشی گه قرشی مظاهره قیلووچیلرگه خطاب قیلیب؛

"ایندی مظاهره دن قول ترتینگ، قیصارینی آزاد قیلدیره من. بو توغریده جمهور باشلیغی اشرف غنی بیلن کوریشه من" دیدی.

دوستم ترورچیلیک که قرشی کوره ش گه دوام ایته جگینی قید ایتدی.  



علاقه لی ینگی لیکلر