عدالت دایره سی

اوشبو مطلب پروفیسر داکتر قدرت بلبل نینگ تورک تیلیده یازیلگن مقاله سی نینگ اوزبیک تیلیده گی ترجمه سیدن عبارت

عدالت دایره سی

تورکیه و جهان کوز قره شی 40

اوتگن هفته ده نیویورکده دنیا رهبر لری نینگ اشتراکی بیلن بیرلشگن ملت لر تشکیلاتی 73 نچی عمومی کینگشی ییغیلیشی بولیب اوتدی.  امریکا قوشمه ایالت لری دولت رهبری دونالد ترامپ نینگ جهانی لَشیش گه مخالف ایکن لیگی نی بیلدیرگن لیگی, فرانسه جمهوررئیسی ماکرون نینگ ترامپ گه جواب قیتره دیگن بیر شکلده خلق ارا مقیاسده اوز ارا همکارلیککه دقت قره تگن لیگی, تورکیه جمهوریتی جمهوررئیسی رجب طیب اردوغان نینگ خوفسیزلیک کینگشی دایمی اعضالری نینگ فقط گینه 5 اولکه دن عبارت ایکن لیگی سببلی دنیا نینگ بیش دن کتته ایکن لیگی نی بیلدیرگن لیگی و ینگی زیلند باش وزیری نینگ عمومی کینگش گه 3 آیلیک باله سی بیلن اشتراک قیلگن لیگی اوشبو ییغیلیش نینگ اینگ دقت گه سزاوار تامان لری نی تشکیل ایتدی.   

اوشبو مقالَمده تورکیه جمهوریتی جمهوررئیسی رجب طیب اردوغان نینگ خوددی شوو ییغیلیش جریانیده قیلگن معروضه سیده دنیا اولکه لری نی عدالتلی بولیش گه چقیرگن لیگی باره سیده بحث قیلماقچی من.  اردوغان تورک – اسلام عالمیده مهم بیر نرسه دن عبارت بولگن عدالت دایره سی نی ایسله تیب اوشبو خصوصده خلق ارا مقیاسده بیر بوشلیک نینگ موجود ایکن لیگی گه دقت قره تدی.  اردوغان اوشبو صحبتی جریانیده, "مدنیتی میزده جمعیت, حقوق, دولت اداره سی, دولت کوچی, اقتصاد و عدالت اورته سیده گی مناسبت نی اینگ یخشی شکلده تامین قیله دیگن عدالت دایره سی نامیده بیر دایره موجود.  همه سی بیر بیر لری بیلن ارتباطلی بولگن اوشبو دایره نینگ قسم لری, حاضرگی کونده دنیاده انچه بوزیلیب قالگن وضعیتده.  حاضرگی کونده دنیاده اجتماعی, سیاسی و اقتصادی برقرارسیزلیک نینگ حاکم بولمه گن لیگی نینگ اساسی سببی هم منه شوندن عبارت. بشریت نینگ تینچ یششی اوچون عدالت نینگ تامین ایتیلیشی کیره ک.  حاضرگی کونده دنیا ده گی اینگ بای 62 کیشی نینگ سرمایه سی نینگ, دنیا نفوسی نینگ یریمی یعنی 3,6 میلیارد نفوس اوچون ییترلی بوله دیگن لیگی گه قره گنده بیر معما نینگ موجود ایکن لیگی انیق" دییه قید ایتدی. 

حرمتلی اردوغان نینگ اوشبو سوزلری نینگ ینه ده یخشیراق درک ایتیلیشی اوچون بیرینچی دن یقین اوتمیشده غربده گی ارزش لر بیلن علاقه لی قنده ی ینگی لیک لرنینگ یوز بیرگن لیگی باره سیده باش قاتیریش کیره ک.  ایککینچی دنیا اوروشی آرتیدن انسان حق لری, ایرکین لیک و تینگلیک سنگری موضوع لر بوییچه قهرمان بولگن غرب نینگ, حاضرگی کونده اوشبو ارزشلر دن اوزاقله شیاتگن لیگی کورینماقده.  غربی اولکه لرده مهاجر لر و مسلمانلر گه قره تیلگن عدالتسیزلیک لر تقریباً عادی بیر نرسه گه ایله نیب قالگن وضعیتده.  اِرقچی حزب لرنینگ رای میزانی نی آرتیریب ائتلافی حکومت لرنینگ شریکی بولیشلری آرتیدن ایندی چیت ایللیک لر گه قرشی نفرت نینگ بیر معما اوله راق بهالنتیریلمیاتگن لیگی کورینماقده. ایریم غربی اولکه لرده بعضی سیاسی حزب لر مهاجر لر گه مخالفت سیاست لری نتیجه سیده اقتدار گه کیلماقده.  اوروپا بیرلیگی اعضاسی اولکه لر مهاجر لر بیلن علاقه لی معما نی فقط گینه چیگره خوفسیزلیگی مسئله سی اوله راق بهالنتیررایکن, اوشبو مقصد بیلن بیر اردو قورماقده.  مهاجر لر یشب تورگن اولکه ده اولسه یاکه تورکیه کبی بشریت نینگ وجدانی بولگن اولکه لرده قالسه غرب جهتی دن هیچ قنده ی بیر معما قالمه گن بوله دی. حاضرگی کونده غرب گه قرشی انسانی ارزش لر نینگ مدافعه قیلینیشی کیره ک. 

تورکیه جهتی دن آلیب قره گنده ایسه, عقیده میز, مدنیتی میز و تاریخی میز نینگ اینگ اساسی ارزشی عدالت دن عبارت.  ایرکین لیک و تینگلیک دیگن گپ لرنینگ اوزی هم عدالت نینگ موجودیتی گه باغلیق.  بیر نیچه عصر دن بیری بیزگه یول کورسه تیب کیلیاتگن و محکمه لری میزده یازیلگن "عدالت مُلک نینگ تهدابی دیر" سوزیده گی مُلک مال ایمس, بلکه نظام و دولت معنی سی گه کیلماقده.  عدالت ضرورتی فرهنگی میزده "عدالت دایره سی" اوله راق تطبیق ایتیلیب کیلینگن.  "عدالت دایره سی" عدالت بیلن باشلب عدالت بیلن بیتگن سیاسی, اجتماعی, حربی, مالی, تجاری و اقتصادی نظام نینگ اصطلاح گه ایلنتیریلگن شکلیدن عبارت. 

یوسف خاص حاجب نینگ میلادی 1069 نچی ییلیده گی قوتادغو بیلیغ و باشقه کوپلب تورک – اسلام عالم لری اثرلریده عدالت دایره سیدن بحث ایتیلگن وضعیتده.  فرهنگی میزده همه نرسه نینگ تهدابی نینگ عدالت ایکن لیگی, عدالت نینگ تامین ایتیلمس لیگی تقدیرده دولت نینگ بحث موضوعی بولمیدیگن لیگی و خلق نینگ موتلی بوله آلمیدیگن لیگی توغریسیده گی فکر عدالت دایره سیده بهالنتیریلماقده.  عدالت دایره سیده, دنیا و اولکه نظامی عدالت بیلن باشلب عدالت بیلن بیتگن حلقه لر گه اوخشه تیلماقده.  دنیا ده تینچ لیک نی تامین ایته دیگن و دولت نظامی نی قوره دیگن نرسه ایلک حلقه ده گی عدالت دن عبارت.  ایککینچی حلقه ده دنیا, دیواری دولت دن عبارت بیر باققه اوخشه تیلماقده.  اوچینچی حلقه ده دولت ایشلری نی تنظیم قیله دیگن حقوق اورین آلماقده.  تورتینچی حلقه ده حکمدار بولمسدن حقوق نینگ تامین ایتیله آلمیدیگن لیگی بیلدیریلماقده.  بیشینچی حلقه ده ایسه اردو بولمسدن حکمدار نینگ دولت گه ایگه بولمس لیگی معلوم قیلینگن.  اوشبو دایره نینگ کیینگی حلقه لریده ایسه مال (مالیه) بولمسدن عسکر توپلَش نینگ ممکن بولمیدیگن لیگی, مال نی توپلیدیگن لرنینگ هم خلق نینگ اوزی ایکن لیگی بیلدیریلماقده.  دایره نینگ سونگگی حلقه سیده ایسه باشیده بولگن لیگی دیک عدالت اورین آلماقده.  مالیه بیریشی اوچون عایدات ایگه سی بولیشی کیره ک بولگن خلق نی رهبریت گه بوین ایگیش گه مجبور قیله دیگن نرسه هم عدالتدن عبارت.  شیخ ادبالی نینگ "دولت نینگ یششی اوچون انسان نینگ یشیشی کیره ک" سوزی, "انسان- عدالت- دولت" مناسبتی نینگ اساسی گه اوخشه گن بیر نرسه.

حاضرگی کونده خلق ارا نظام توغریسیده کوپلب سئوال لر موجود. حرمتلی اردوغان نینگ ایتگن لیگی دیک, بیرلشگن ملت لر تشکیلاتی ساختاری نینگ شاشلینچ روشده اوزگرتیریلیشی کیره ک ایکن, اولکه لرنینگ چیگره لری نینگ یاپیلیب قویلگن لیگی اوچون معصوم انسانلر بیر قطعه دن باشقه قطعه گه قاچیش گه مجبور بولماقده.  بونده ی بیر شرایطده دنیا نظامی نینگ بو شکلده دوام ایتیشی ممکن ایمس.  هیچ قنده ی بیر جرمی بولمه گن حالده انسان لرنینگ اولدیریلیاتگن لیگی سببلی همه میز نینگ اویلَیشی میز کیره ک ایمس می؟ تورکیه جمهوریتی جمهوررئیسی نینگ عدالت دایره سی چقیریغی اصلی گه قره گنده بوتون دنیا نینگ ظلم آستیده قالمس لیگی اوچون غرب نی هم قیین چیلیک لردن نجات بیره دیگن بیر چقیریق دن عبارت. 



علاقه لی ینگی لیکلر