تورکیه ده جایلشگن نمرود تاغی

تورکیه نینگ توریستیک مرکزی؛ نمرود تاغی

تورکیه ده جایلشگن نمرود تاغی
تورکیه ده جایلشگن نمرود تاغی
تورکیه ده جایلشگن نمرود تاغی

تورکیه ده جایلشگن نمرود تاغی

جهانده قویاش نینگ توغیلیشی نی اینگ یخشی قییردن تماشا قیلسه بوله دی؟ اوشبو سئوال گه فرقلی جوابلر بیریش ممکن. خوددی شوو جواب لردن بیری هم تورکیه نینگ جنوبشرقیده جایلشگن نمرود تاغیدن عبارت.  2150 متر بلندلیکده گی نمرود تاغی, قویاش نینگ توغیلیشی جریانیده توریست لر گه جوده هم یخشی بیر منظره تقدیم ایتماقده. 

نمرود تاغی نینگ خصوصیتی فقط گینه بوندن عبارت ایمس البته که... تاغ نینگ چوققیسیده کوماگن قراللیگی دوریدن قالگن کتته مجسمه لر کوتیب آله دی توریست لرنی.  اوشبو مجسمه لرنینگ قنده ی قیلیب تیارله نیب بو ییر گه کیتیریلگن لیگی خصوصیده اویلب قاله سیز.

نمرود تاغی نینگ چوققیسیده, تومولوس و تومولوس نینگ شرق و غرب قسمیده جوده هم کتته مجسمه لر موجود. اوزاق مدتلی تیکشیرو لر نتیجه سیده, گریکچه کتبیه سی نینگ اوقیلیشی آرتیدن اوشبو اثر لرنینگ کوماگن مدنیتی گه عاید ایکن لیگی و قرال 1- انتیوکوس تامانیدن قوردیریلگن لیگی انیقلندی. 

میلاد دن آلدین 109 – ییلیده مستقل بیر قراللیک صفتیده انادولو نینگ جنوبشرقیده قوریلگن کوماگن قراللیگیده فرقلی عقیده لر و فرهنگ لر گه ایگه جمعیت لر یشه ماقده ایدی.  قرال لری, تنگری لر بیلن بولگن ارتباطی نی آرتیره دیگن لیگی و شونده ی قیلیب ملت اوچون تینچ بیر شرایط یره تیب بیره دیگن لیگی عقیده سی بیلن, اولکه سی نینگ فرقلی جای لری گه معبد لر قوردیردی.  نمرود تاغیده گی اثر لر هم خوددی شوو معبدلردن بیری نی تشکیل قیلماقده.  قرال 1 – انتیوکوس نینگ تنگری لرگه و اجدادی گه منتدارچیلیک بیلدیریش اوچون قوردیرگن یادگارلیک مجسمه لری و بیر نیچه متر اوزونلیککه ایگه کتبیه لری هلنستیک دور نینگ اینگ مهم اثر لری آره سیده اورین آلماقده...

یونسکو دنیا فرهنگی میراثی لستیده اورین آلگن نمرود تاغی گه تورکیه نینگ آدی یمان ولایتی کاهته تومنی آرقه لی ییتیب باریش ممکن. 

منطقه گه ییتیب باریشینگیز آرتیدن نمرود تاغیدن تشقری باشقه کوپلب تاریخی اثر لرنی هم کوریش امکانیتی گه ایگه بوله سیز.  شونده ی قیلیب قاره قوش تومولوسینی, ینی قلعه نی و جَندَره کوپریگی نی کوریشینگیز ممکن. 

کاهته تومنیده کول نینگ قیرغاغیده تازه بلیق و محللی طعام لر ییشینگیز ممکن و منطقه ده توقیلگن گلیم لرنی ساتیب آلیش امکانیتی گه ایگه بوله سیز.      



علاقه لی ینگی لیکلر