تورکیه نینگ چوروم ولایتیده جایلشگن "هاتوشا" انتیک شهری

اوشبو انتیک شهر میلاد دن آلدین انادولو ده حاکمیت قیلیب کیلگن هیتیت مدنیتی گه عاید بولگن

تورکیه نینگ چوروم ولایتیده جایلشگن "هاتوشا" انتیک شهری

هیتیت امپراطورلیگی, میلاد دن آلدین انادولو ده حاکمیت قیلیب کیلگن مدنیت لردن بیری بولگن... اوشبو امپراطورلیک نینگ یوزلب ییل آلدین یوق بولیب کیتگن لیگی گه قره مسدن پایتختی هاتوشا نینگ حاضرگی کونده هم اوز موجودیتی نی دوام ایتتیرماقده.  شونده ی قیلیب اوشبو شهر توریست لر گه بیر پیتلر جوده هم مهم بیر شهر دن عبارت ایکن لیگی نی کورسه تیب بیرماقده.

هیتیت امپراطورلیگی نینگ قوریلیشی میلاد دن آلدین 1600- ییل گه قدر باریب تقیلماقده.  اوشبو امپراطورلیک نینگ تاریخده دموکراسی بیلن باشقریلگن بیرینچی دولت دن عبارت ایکن لیگی بیلدیریلماقده.  پادشاه و پادشاه نینگ عایله اعضالری تامانیدن باشقریلگن اوشبو اولکه ده, پانکوش اسمی گه ایگه مجلس هم تصمیم لرنی تصدیقلش و همده پادشاه نی کنترول قیلیش حقی گه ایگه بولگن. 

هیتیت لر دوریده ایلک مراتبه کتبی بیر کیلیشوو امضالندی. "قَدَش" اسمی گه ایگه اوشبو کیلیشوو نینگ هیتیت امپراطورلیگی بیلن مصر اورته سیده امضالنگن لیگی بیلینماقده.  خوددی شوو دور نینگ پایتختی بولگن هاتوشا, انتیک شهر صفتیده هیتیت لرنینگ تاریخی نی یاریتیب بیرماقده. 

هاتوشا انتیک شهری, تورکیه نینگ اورته قاره دینگیز منطقه سیده چوروم ولایتی چیگره لری ایچیده اورین آلماقده.  حاضرگی کونده اوشبو شهر تورکیه ده "بوغازکوی" اسمی بیلن یاد ایتیلماقده.  اوستی آچیق بیر موزیم دن عبارت بولگن هاتوشا, قویی شهر و یوقاری شهردن عبارت ایککی قسم دن تشکیل تاپگن وضعیتده. 

قویی شهر قسمی ده ملکی کیشی لر یشب کیلگن لر. خوددی شوو ییر نینگ اوزیده هاتوشا نینگ اینگ کتته معبدی اورین آلماقده. 

یوقاری شهرده ایسه کوپلب معبد لر موجود.  اوشبو منطقه تورت دروازه سی بولگن  و  دیوار لر بیلن اوره لگن.  ارسلان مجسمه لری نینگ موجود بولگن دروازه نینگ ایککی تامانی گه جایلشتیریلگن اوشبو مجسمه لر اوشه دورده تاش دن مجسمه تیارلش نینگ قنچه لیک رواجلنگن لیگی نی عکس ایتتیرماقده. 

هاتوشا نینگ ایککی کیلومتر شمالشرقیده اورین آلگن "یازیلی قایا" معبدی اوشبو شهر نینگ اینگ کتته معبدی اوله راق قبول قیلینماقده.  ایککی قایا اتاق دن تشکیل تاپگن اوشبو معبد نینگ دیوار لری هیتیت تنگری لری و تنگریچه لری تصویر لری بیلن بیزه تیلگن. 

هاتوشا نی باریب کوریش اوچون تورکیه نینگ چوروم ولایتی گه بارماقچی بولسنگیز چوروم و بوغازکوی ده تاریخی اثر لر نی کوریش بیلن بیرگه, اوشبو ولایت نینگ ایسکیلیب تومنی کوچه لری و هیتیت یولیده یوریشینگیز, ناجو درختی هیدی گه ایگه دَله لرده ایله نیشینگیز و دولمه سنگری محللی طعام لر ییشینگیز و  منطقه گه مخصوص گلیم لر آلیشیگیز نی توصیه قیله میز.

مصر نینگ کوچلی فرعون لری نینگ اینگ مهم رقیبی, اوز وقتی نینگ اینگ کتته سیاسی و حربی کوچی بولگن هیتیت لرنینگ پایتختی هاتوشا سیزنی کوتماقده. 



علاقه لی ینگی لیکلر