تورکیه نینگ پایتختی انقره ده افغانستان بوییچه اوچره شوو بولیب اوته دی

روسیه دولت باشلیغی ویلادیمیر پوتین نینگ افغانستان خاص نماینده سی ضمیر کابلوف، روسیه بیلن امریکا قوشمه ایالتلری افغانستان خاص نمانیده لری پایتخت انقره ده اوچره شوو اوتکزیشیدن خبر بیردی.

تورکیه نینگ پایتختی انقره ده افغانستان بوییچه اوچره شوو بولیب اوته دی

روسیه دولت باشلیغی ویلادیمیر پوتین نینگ افغانستان خاص نماینده سی ضمیر کابلوف، روسیه بیلن امریکا قوشمه ایالتلری افغانستان خاص نمانیده لری نینگ 22 فبروریده تورکیه نینگ پایتختی انقره ده اوچره شوو اوتکزیشیدن خبر بیردی.

روسیه نینگ پایتختی مسکوده مطبوعاتگه بیانات بیرگن کابلوف، افغانستانلیک سیاستچیلرنینگ 5-6 فبروریده مسکوده طالبان گروهی نماینده لری بیلن ملاقات اوتکزگن لیکلرینی معلوم قیلدی.

کابلوف، مذکور جلسه نینگ افغانستانده گی سیاسی فضانینگ وجودگه کیلیشی اوچون زمینه یراتگن لیگینی افاده ایتیب، اساسی موضوع نینگ امریکا قوشمه ایالتلری نینگ عسکرلری نینگ افغانستاندن چیقیشی و تینچ لیک اورنه تیلیشی ایکن لیگینی بیان ایتدی.

کابلوف، امریکا قوشمه ایالتلری دولت باشلیغی دونالد ترامپ نینگ نتیجه گه قره مه ی انچه منبع و انسان مصرف قیلینگن لیگینی افاده ایتگنینی ایسله تیب، "امریکا قوشمه ایالتلری ایندی بو اورشنی نهائی قیلیش نینگ کیره ک لیگینی بیلیب آلدی. بیراق حلی هم بوندن بحث قیلیش نینگ وقتی ایمس" دیب ایتدی.

 روسیه بیلن امریکا قوشمه ایالتلری افغانستان خاص نمانیده لری نینگ 22 فبروریده پایتخت انقره ده اوچره شوو اوتکزه دیگن لیگینی ایتگن کابلوف، "افغانستان خلقی تینچ لیکنی و اوز مملکتینی قیته دن قوریشنی خواهله یدی. افغانستانلیکلر فعال بیر خلق دیر و بو توغریده گوزه ل نتیجه لر قولگه کیریتیش ممکن. مسکوده بولیب اوتگن جلسه بونی کورسته دی. روسیه اوله راق بو توغریده افغانستان گه تورلی همکارلیک اوچون تیارمیز" دیدی.

طالبان گروهی نینگ سیاسی هدفلری بولگن لیگی گه اشاره قیلگن کابلوف، خارجی بیر اردونینگ افغانستانده بولیشینی خواهله مه یه دیگن لیگینی معلوم قیلدی.

کابلوف، عین دمده افغانستانده تینچ لیک اورنه تیلیشی توغریسیده پاکستان بیلن ایران نینگ کلیدی مملکتلر ایکن لیگینی بیلدیردی.  



علاقه لی ینگی لیکلر