ایردوغان: ترورچیلیک که قرشی کوره ش بوییچه انچه یوتوق قولگه کیریتدیک

پروژه ای بیر گروپ ترورچیلرگه قرشی یوتوقلی کوره ش آلیب بارگن لیکلرینی ایتدی.

ایردوغان: ترورچیلیک که قرشی کوره ش بوییچه انچه یوتوق قولگه کیریتدیک

تورکیه جمهور باشلیغی رجب طیب ایردوغان، ظالملرگه قرشی جیم قالمه گن تورکیه نی ترورچیلیک آرقه لی قمره ب آلماقچی بولگنلرگه یخشی درس بیرگن لیکلرینی و بو شکلده دوام ایته جکلرینی اورغوله دی.

ایردوغان تورکیه نینگ کستمونو ولایتی نینگ کوزه ی کنت میدانیده خلققه خطاب قیلیب گپیردی.

بو جایده ترورچیلیک که قرشی کوره ش موضوعسیگه تماس قیلگن ایردوغان جنابلری، سونگی ییللرده بولووچی ترور تشکیلاتی پی کاکاگه، فتح الله چی ترور تشکیلاتی فتو کبی استثمارچی بیر گروپ گه، داعش کبی پروژه ای بیر گروپ گه قرشی یوتوقلی کوره ش آلیب بارگن لیکلرینی ایتدی.

ایردوغان،

"17 ییل لیک اقتداریمیز دوامیده بولرگه قرشی کوره ش بیلن اوتکزدیک. برطرف قیلگن هر بیر توسیق نینگ آرقه سیدن ایریم توسیققه دوچ کیلدیک. مملکتیمیز و ملتیمیزنی هیچ راحت قویمه دیلر. اولر بیزگه باسیم عملی قیلگن سری بیز اولرگه قرشی بیر بولیب کوره شدیک، دولت اوله راق کوچله نیب باردیک" دیدی.

دولت باشلیغی، اسعار آرقه لی تورکیه گه باسیم عملی قیلگنلرگه قرشی چاره – تدبیر آلیب اولرگه درس بیرگن لیکلرینی بیلدیردی.

اقتصاد ساحه سیده چاره – تدبیر آلیش گه دوام ایته جکلرینی افاده ایتگن ایردوغان جنابلری، اوتمیشده گی دیک تورکیه گه قره ته آلیب باریلگن دشمنلیکلری دوام ایتماقده. تورکلرگه اوزگریش یوز بیرمه گن و اولرنینگ دشمن لیگی هم دوام ایتماقده. بویین ایگمه یمیز" دیدی.

ایردوغان جنابلری، "ملتیمیز بیلن بیرگه لیکده حرکت قیلیب دولتیمیزنی رواجلنتیرگنیمیز اوچون بیزگه دشمن بولدیلر. ظالملرگه قرشی جیم قالمه گن لیگیمیز و عدالت سیزلیکلرینی یوزلریگه ایتیب بیرگنیمیز اوچون بیزگه دشمن بولدیلر. اقتصادیمیزنی رواجلنتیردیک، اویینلرینی برطرف قیلیب کیله جگیمیزنی آیدینلتدیک. بیزگه انه شو اوچون دشمن بولدیلر" دیب گپیردی.  



علاقه لی ینگی لیکلر