دونالد ترامپ دوریده امریکا نینگ مصر بیلن فلسطین توغری سیده گی سیاستی قنده ی بوله دی؟

دونالد ترامپ دوریده امریکا نینگ مصر بیلن فلسطین توغری سیده گی سیاستی قنده ی بوله دی؟

دونالد ترامپ دوریده امریکا نینگ مصر بیلن فلسطین توغری سیده گی سیاستی قنده ی بوله دی؟

میلادی ۲۰۱۶ نچی ییلی نوامبر آیی نینگ ۸ نچی کونیده امریکا قوشمه ایالتلریده دولت رهبرلیگی سیلاو لری بولیب اوتدی.  اوشبو سیلاو نتیجه سیده جمهوریتچی کاندید دن عبارت دونالد ترامپ امریکا نینگ ینگی دولت رهبری اوله راق سیلندی.  اوتگن هفته ده گی متنی میزده ترامپ نینگ دولت رهبرلیگی دوریده امریکا قوشمه ایالتلری نینگ اورته شرق بیلن علاقه لی قنده ی بیر سیاست آلیب باریشی نینگ ممکن ایکن لیگی باره سیده بحث ایتگن ایدیک.  بوگلگی متنی میزده ایسه ترامپ دوریده امریکا نینگ مصر و فلسطین خصوصیده قنده ی بیر سیاست تعقیب ایتیشی نینگ ممکن ایکن لیگی توغری سیده بحث ایته میز عزیز دوست لر. 

عینی دمده اوتگن هفته ده گی متنی میز ده ترامپ نینگ اسلام نینگ تروریزم دن عبارت ایکن لیگی گه تیگیشلی بیر مفکوره گه ایگه ایکن لیگی نی ایسله تیب اوتگن ایدیک.  اوشبو مسئله نینگ اوزی ایسه افسوس که اسلام هراس لیک مفکوره سیدن عبارت البته که.  خودی منه شوو وضعیت نینگ اوزی, اسلامی حرکت لرنینگ چیت لنتیریلیب قویلیشی گه سبب بوله دی.  اوشبو دایره ده مصرده گی اخوان المسلمین سنگری اسلامی حرکت لر هم ترور تشکیلاتی اوله راق قبول قیلینماقده.  شونده ی قیلیب اوشبو دایره ده, مصر جمهوررئیسی عبدالفتاح السیسی بیلن ترامپ نینگ مشترک بیر فکر گه ایگه ایکن لیگی کورینماقده. 

ترامپ نینگ اوشبو مفکوره سی, اونینگ, السیسی کبی اوتوریتر رهبر لر نی یخشی کوریشی گه سبب بولماقده.  ترامپ, تروریزم گه قرشی خشونت قیلینیشی کیره ک ایکن لیگی و خشونت اوچون هم کوچلی رهبرلر گه ضرورت ایکن لیگی نی اویله ماقده.  شوباعث, سپتامبر آییده نیویورکده بولیب اوتگن اوچره شووده ترامپ, السیسی نینگ اینگ مهم شخصیت ایکن لیگی نی بیلدیرگن ایدی.  ترامپ, تروریزم گه قرشی کوره ش بوییچه مصر بیلن همکارلیک ایته دیگن لیگی نی بیلدیریب کیلماقده.  عینی دمده امریکا قوشمه ایالتلری نینگ, هر دایم مصر نینگ ایشانرلی و صادق بیر دوستی دن عبارت ایکن لیگی نی معلوم قیلیب کیلگن ترامپ. 

بیرلشگن ملت لر تشکیلاتی عمومی کینگشی ییغیلیش لری جریانیده مصرلیک وکیل لر بیلن اوچره شگن ترامپ نینگ تشقی سیاست بوییچه مشاوری ولید فاریس هم ترامپ نینگ اخوان المسلمین نی ترور تشکیلاتی اوله راق تن آله دیگن لیگی نی بیلدیرگن ایدی.  اوشبو جهت دن آلیب قره گنده ترامپ گه قونگغراق قیلیب اونگه اوز تبریک لری نی بیلدیرگن ایلک کیشی نینگ السیسی دن عبارت ایکن لیگی نینگ اوزی جوده معنی لیک بیر ینگی لیک دن عبارت البته که.  میلادی ۲۰۱۳ نچی ییلیده امریکا نینگ مداخله سی بیلن اقتدار گه کیلگن السیسی رهبریتی نی اوباما رهبریتی جوده راحت بیر شکلده تن آلگن ایدی.  بیراق, ایریم پیت لرده واشنگتن قاهره رهبریتی نی تنقید ایتیب کیلگن ایدی. عینی دمده مصر تامانیدن ساتیب آلینگن قورال لرنینگ تاپشیریلیشی پروسه سی و حربی قرضه لرنینگ اوتکینچی بیر شکلده معطل قیلینیب قویلگن لیگی هم بیلدیریلگن ایدی.  السیسی و اونینگ طرفدارلری اوشبو سیاست نی اوباما رهبریتی نینگ اخوان المسلمین دن طرفدارلیک سیاستی اوله راق بهالنتیرگن ایدی. 

السیسی نینگ دمشق ده گی بشار الاسد رهبریتی بیلن بولگن مناسبت لری نی یخشی لشتیریب قویگن لیگی کورینماقده.  عینی دمده سعودی عربستان بیلن بولگن مناسبت لری نینگ اونچه لیک یخشی ایمس لیگی سببلی, ایندی روسیه بیلن مناسبت لری نی یخشی لشتیریش گه حرکت ایتیتگن لیگی کورینماقده السیسی رهبریتی نینگ.  عینی دمده مصر نینگ تاریخده ایلک مراتبه اسرائیل نینگ بیرلشگن ملت لر تشکیلاتی کمیسیون لریدن بیری گه سیله نیشی بوییچه رای بیرگن لیگی هم کورینماقده.  السیسی, ترامپ دوریده امریکا قوشمه ایالتلری نینگ اورته شرق بیلن علاقه لی سیاست لری نینگ بویوک مقیاسده اوز رهبریتی سیاست لری بیلن بیر خیل بوله دیگن لیگی نی اویله ماقده. 

ترامپ دوریده, امریکا قوشمه ایالتلری سیاست لریدن اینگ کوپ منفی تاثیرله نه دیگن تمان نینگ فلسطین دن عبارت ایکن لیگی کورینماقده.  سیلاو کمپاینی نینگ باشلب کیتگن ایلک کون لرده ترامپ, اسرائیل بیلن فلسطین آره سیده گی مسئله نینگ ییچیلیشی بوییچه طرف سیز بیر سیاست آلیب باره دیگن لیگی نی بیلدیرگن ایدی.  عینی دمده اسرائیل گه بیریلیتگن میلیارد لب دالر لیک عسکری یاردم لرنینگ منطقی نینگ هم تحقیق ایتیلیشی کیره ک ایکن لیگی نی معلوم قیلگن ایدی.  بوندن تشقری ترامپ, اوشبو جغرافیه ده ایککی فرقلی دولت نینگ موجود بولیشی کیره ک ایکن لیگی نی بیلدیررایکن, بیت المقدس نینگ اسرائیل پایتختی بولیشی گه مخالفت ایتگن ایدی.

بیراق, سیلاو کمپاین لری نینگ کیینگی دور لریده, هیلاری کلینتن نینگ اوشبو خصوصده گی تنقید لری آرتیدن, فلسطین مسئله سی نینگ ییچیلیشی توغری سیده سیاست لری نی جدی بیر شکلده اوزگرتیب یوباردی.  ایلک سیلاو لر آرتیدن دموکرات برنی ساندرسدن تشقری ایککی حزب نینگ کاندید لری هم اینگ کوپ اسرائیل نی حمایه لیتگن بیر سیاست آلیب باریب باشله دی.  شونده ی قیلیب ترامپ, فلسطین مسئله سی بوییچه ایککی دولت لیک بیر ییچیم یولی خصوصیده بحث ایتیش نی توخته تیب قویدی.  ترامپ, امریکا لیک بولیش نینگ اینگ هم خصوصیت لریدن بیری نینگ اسرائیل نی حمایه ایتیش دن عبارت ایکن لیگی نی بیلدیریب باشله دی.  شونده ی قیلیب او اسرائیل نی هیچ قچان اشغالچی بیر کوچ اوله راق بهالنتیرمه گن لیگی نی بیلدیریب باشله دی.  غربی نوارده گی یهودی تورر جای لرنینگ جدل روشده آرتیب کیتیشی نی هم حمایه له گن ترامپ, بیت المقدس نی اسرائیل پایتختی اوله راق تن آله دیگن لیگی نی و امریکا قوشمه ایالتلری سفارتی نی او ییر گه انتقال ایتتیره دیگن لیگی نی معلوم قیلدی. 

سیلاو نتیجه لری نینگ اعلان ایتیلیشی آرتیدن اورته شرقده اینگ کوپ خرسند بولگن کیشی لر آره سیده السیسی دن تشقری, اسرائیل باش وزیری بونیامین ناتانیاهو نینگ هم موجود ایکن لیگی کورینماقده.  ترامپ گه اوز تبریک لری نی بیلدیرگن ناتانیاهو, اونگه سیلاو کمپاین لری جریانیده گی وعده لری نی ایسلتدی.  یهودی تورر جای لرنینگ قوریلیشی بیلن علاقه لی پروژه نینگ اینگ مهم حمایه چی لریدن بیری بولگن اسرائیل معارف وزیری نافتالی بینیت هم, امریکا ده گی سیلاو نتیجه سی نینگ ایککی دولت لیک ییچیم پلانی و بیر فلسطین دولتی نینگ قوریلیشی فکری نینگ یوق بولیب کیتگن لیگی معنی سی گه ایگه ایکن لیگی نی بیلدیردی.  عینی دمده غربی نوار ده گی یهودی منطقوی کینگش نینگ باشلیغی یوسسی داگان هم سیلاو نتیجه سی نی یهودی تورر جای لرنینگ قوریلیشی بیلن علاقه لی فعالیت لرنینگ توسیق سیز بیر شکلده دوام ایتیشی اوله راق بهالنتیردی. 

خوب, ترامپ نینگ سیلاو کمپاینی جریانیده گی اسرائیل سیاست لریدن قیتیشی ممکن می؟ دولت رهبری نینگ اورینباسری مایک پینس داخل, ترامپ نینگ تیگره گی ده گی تیم نینگ همه سی اسرائیل طرفداری کیشی لردن تشکیل تاپماقده.  اوشبو جهت دن آلیب قره گنده ترامپ نینگ خودی منه شوو سیاست لری بوییچه جدی بیر اوزگریش نینگ بحث موضوعی بولمیدیگن لیگی کورینماقده.  بیراق, ترامپ نینگ فقط گینه بیت المقدس نینگ اسرائیل نینگ پایتختی بولیشی بوییچه سیاستیدن واز کیچیشی ممکن خلاص.

ناتانیاهو بیلن ترامپ نی بیر بیر لری گه یقین لشتیرگن باشقه بیر خصوص ایسه, ترامپ نینگ ایران بیلن بولگن هستوی کیلیشوو توغری سیده قیته باشدن مذاکره ایتیلیشی کیره ک ایکن لیگی نی بیلدیریتگن لیگی دن عبارت.  اوشبو دایره ده ناتانیاهو بیلن ترامپ نینگ اوز ارا همکارلیک ایتیش لری نی کوتیش ممکن.  بیراق, ترامپ رهبریتی نینگ ایران گه باسیم قیلیب باشله شی تقدیرده, روسیه بیلن اورته شرقده گی سیاست لری بوییچه ایریم قیین چیلیک لر گه دوچ کیلیب قالیشی احتمالی موجود. 

لیکن ترامپ نینگ مصر و اسرائیل/فلسطین سیاست لری بیر بیر لرینی تکمیل قیله دیگن بیر خصوصیت گه ایگه.  اسرائیل نینگ حماس گه قرشی سیاست لری بیلن مصر نینگ اخوان المسلمین گه قرشی سیاست لری بیر بیر لری گه اوخشه ماقده.  شونده ی قیلیب اوشبو وضعیت ترامپ نینگ تروریزم گه قرشی کوره ش سیاست لری گه هم اویغون سیاست دن عبارت.  بوندن تشقری مصر بیلن اسرائیل آره سیده گی مناسبت لر نینگ یخشی له شیشی, اسرائیل نینگ خوف سیزلیگی جهتی دن مصر نینگ واز کیچیله آلمیدیگن بیر اولکه دن عبارت ایکن لیگی مفکوره سی نی هم مستحکم لشتیرماقده. 



علاقه لی ینگی لیکلر