ایرانده یوز لب کیشی جان بیردی

اوشبو کیشی لر یوز بیرگن بیر زلزله حادثه سی عاقبتیده حیاتدن کوز یومدی

ایرانده یوز لب کیشی جان بیردی

عراقده یوز بیرگن 7,2 ریشترلیک زلزله حادثه سی عاقبتیده, آلینگن معلومات لر گه کوره سلیمانیه ده 7 و ایرانده ایسه 200 کیشی حیاتدن کوز یومرایکن 1600 نفر یره لندی. 

امریکا قوشمه ایالت لری جیولوژیک تحقیقات لر ادار سی, عراق نینگ ایران چیگره سی گه یقین حلبچه شهری نینگ 32 کیلومتر جنوبغربیده 7,2 ریشترلیک زلزله بولگن لیگی نی بیلدیردی.

اوشبو زلزله پایتخت بغداد ده 20 ثانیه و باشقه شهر لرده ایسه ینه ده اوزونراق بیر مدت حس ایتیلدی.

عراق بیلن ایران چیگره سیده محللی وقت بیلن ساعت 00:33 ده ینه 4,8 ریشترلیک زلزله بولدی. 

عراق نینگ سلیمانیه ولایتی دربندی خان اولسواللیگی نینگ اولسوالی نصیح حسن, بیرگن بیاناتلریده, اوشبو زلزله عاقبتیده دربندی خان ده 4 کیشی نینگ جان بیرگن لیگی نی بیلدیردی. 

کیلار اولسواللیگی نینگ ساغلیق ریاستی ایسه 2 کیشی نینگ حیات دن کوز یوزمگن لیگی نی معلوم قیلدی. 

عراق نینگ شمالی ده گی محللی رهبریت نینگ سلیمانیه ولایتی ساغلیق رئیسی میرخان محمد, اوشبو حادثه عاقبتیده سلیمانیه نینگ دربندی خان اولسواللیگیده آلینگن ایلک معلومات لر گه کوره 50 کیشی نینگ یره لنگن لیگی نی بیلدیردی. 

تسنیم خبر آژانسی گه کوره ایسه, ایران پارلمان وکیل لری دن بیری فرهاد تجری, خودی منه شوو حادثه عاقبتیده ایران چیگره لری ایچیده 155 کیشی نینگ جان بیرگن لیگی و 1 مینگ 5 یوز کیشی نینگ ایسه یره لنگن لیگی نی معلوم قیلدی. 

ایران دولت تلویزیونی بیلن مصاحبه قیلگن کرمانشاه والی اورینباسری, حاضر کوپلب کیشی نینگ نوره ب کیتگن اوی لرنینگ تگیده ایکن لیک لری نی بیلدیردی. 

شوباعث, جان بیرگن یاکه یره لنگن کیشی لرنینگ سانی نینگ آرتیب کیتیشی بوییچه خواطر بیلدیریلماقده. 

ترکیه اوشبو حادثه نینگ یوز بیرگن منطقه گه یاردم یوبارماقده. 

ترکیه نینگ دیاربکر ولایتی دن 30 کیشی لیک بیر نجات تیمی حادثه محللی گه یوباریلدی. 

ترکیه قیزیل یریم آی جمعیتی دن هم بیر تیم حادثه محللی گه جونب کیتدی.

ترکیه نینگ موش ولایتی خاص کوی اولسواللیگیده گی دیپو لر دن موتر لر گه یوکلنگن بیر مینگ خیمه, حادثه محللی گه یوباریلدی. 

ترکیه نینگ ادانا ولایتی هم منطقه گه 10 موتر یاردم یوباردی. 

ترکیه جمهوریتی ساغلیق وزیرلیگی ایسه, چیگره دن کیله دیگن زخمی لرنینگ ترکیه گه کیلتیریلیب تداوی ایتیلیشی اوچون عسکری هلیکوپتر تخصیص ایتیلگن لیگی نی بیلدیردی. 



علاقه لی ینگی لیکلر