ترامپ نیمه اوچون بیت المقدس نی اسرائیل پایتختی اعلان ایتدی؟

اوشبو مطلب پروفیسر داکتر جنگیز تومار نینگ ترک تیلیده یازگن مقاله سی نینگ اوزبیک تیلیده گی ترجمه سیدن عبارت

ترامپ نیمه اوچون بیت المقدس نی اسرائیل پایتختی اعلان ایتدی؟

میلادی 1917 نچی ییلی دسامبر آیی نینگ 11 نچی کونیده, بیت المقدس نی اشغال ایتگن انگلیس جنرال آلانبای نینگ صلبیون اوروش لری نینگ ایندی اداققه ییتگن لیگی نی بیلدیرگن لیگی روایت قیلینماقده.  اورته شرقده وضعیت نینگ جوده هم بحرانی بولگن بیر پیتده, امریکا قوشمه ایالت لری دولت رهبری دونالد ترامپ نینگ بیت المقدس نی اسرائیل پایتختی اوله راق اعلان ایتیشی, بیر اتم بمبی سنگری منطقه ده پارتلب کیتیشی ممکن.  اورته شرقده شونده ی کتته بیر فاجعه گه سبب بوله دیگن بونده ی بیر نرسه نینگ اعلان ایتیلیشی نینگ, میلادی 1917 نچی ییلی دن 100 ییل کیین بحث موضوعی بولیشی نینگ سمبولیک بیر معنی گه ایگه بولیشی ممکن می؟ اوشبو سمبول لر گه میلادی 1917 نچی ییلی نوامبر آیی نینگ 2 نچی کونیده گی بالفور اعلامیه سی نینگ یوزینچی ییل لیگی و میلادی 1967 نچی ییلیده گی عرب- اسرائیل اوروش لری نینگ 50 نچی ییل لیگی نی هم قوشیمچه قیلیشی میز ممکن.  لیکن, ترامپ نینگ اوشبو سمبول لر نی درک ایتیش ظرفیتی گه ایگه ایمس لیگی نی همه میز بیله میز. خوب, اونده ی بولسه امریکا قوشمه ایالت لری دولت رهبری دونالد ترامپ نیمه اوچون سونگگی کون لرده بونده ی بیر ایش نی قیلیش گه قرار قیلدی؟

سمبولیزم نی بیر تامان گه قویب, ترامپ نینگ سیلاو کمپاین لری جریانیده بیت المقدس نی اسرائیل پایتختی اوله راق اعلان ایته دیگن لیگی نی اساس قیلیب آلیب اوشبو سئوال گه جواب بیریشی میز ممکن.  بیراق, اوشبو جواب هم, "نیمه اوچون حاضرگی کونده بونده ی بیر ایش بولدی؟" سئوالی گه اویغون بیر جواب دن عبارت بولمَیدیگن دیک کورینماقده. 

نه یوزینچی ییل سمبولیزمی و نه هم ترامپ نینگ قیلگن وعده لری نینگ, حاضرگی کونده بیت المقدس نینگ اسرائیل پایتختی ایتیب اعلان ایتیلیشی اوچون ییترلیک دلیل بولمَیدیگن لیگی نی اویلَشینگیز تقدیرده, اوشبو سئوال نینگ جوابی نی, سونگگی پیت لرده اورته شرقده یوز بیریتگن اوزگریش لر ده اختریشینگیز کیره ک بوله دی.

اورته شرق اوچون هیچ قنده ی بیر فایده سی بولمه گن "عرب بهاری" نینگ, منطقه ده ایتنیکی و مذهبی معما لرنی ینه ده چُقورلَشتیریب یوبارگن لیگی انیق بیر حقیقت. منطقه نینگ ایندی هیچ قچان سابق ده گی دیک بولمیدیگن لیگی معلوم بیر حقیقت دن عبارت.  بیراق, اوشبو بحران دن کیین ایسه, بیر شکلده بیر نظام قوریله دی.  امریکا قوشمه ایالت لری دولت رهبری دونالد ترامپ نینگ اوشبو سونگگی حرکتی نی, موجود وضعیت دن فایده له نیب منطقه ده ینگی بیر نظام قوریش تشبثی اوله راق بهالنتیریش ممکن.  لیکن, مسعود بارزانی نینگ رفراندوم تجربه سیده بولگن لیگی دیک, ترامپ نینگ عینی دمده, اسلام و عرب دنیا سی نینگ حمایه سی نی بوتونلی قولدن بیریب قویش خطری گه هم دوچ کیلیب قالگن لیگی کورینماقده.  

امریکا قوشمه ایالتلری کانگرسی نینگ میلادی 1995 نچی ییلیده امریکا نینگ تل ابیب ده گی ایلچی لیگی نینگ بیت المقدس گه انتقال ایتتریلیشی گه قرار قیلگن لیگی گه قره مسدن, امریکا نینگ سابق دولت رهبر لری وضعیت نینگ حساسیتی گه اهمیت بیریب اوشبو قرار نی آلتی آیلیک مدت لر بیلن معطل قیلیب کیلماقده ایدی.  خوب بوگون قنده ی قیلیب امریکا 22 ییل کیین بونده ی بیر ایش نی قیلیش گه حرکت ایتدی؟

بیت المقدس نینگ اسرائیل پایتختی اوله راق اعلان ایتیلیشی هم امریکا قوشمه ایالت لری نینگ سوریه, عراق و عموماً آلیب قره گنده اورته شرقده قیلگن ستراتیژیک اشتباه لری دن بیری گه ایله نیب قالدی. تروریزم و افراطی لیککه قرشی کوره ش بهانه سی بیلن عراق, سوریه و یمن کبی اولکه لرده دولت لرنینگ یوق ایتیلیب خودی منه شوو اولکه لرنینگ عملده بولینگن لیگی اینگ کوپ امریکا قوشمه ایالتلری نینگ رقیب لری دن عبارت روسیه و ایران نینگ منفعتی گه اویغون بولدی.  روسیه, سوریه ده اوز کوچینی آرتیریب, حتی سوریه نینگ غربی نی تقریباً اوز قولیگه آلدی.  ایران ایسه, عراق و سوریه ده اوز نفوذی نی آرتیریب, لبنان و حزب الله واسطه سی بیلن اسرائیل گه ییتیب باریش امکانیتی گه ایگه بولگن لیگی دیک, یمن و بحرین کبی اولکه لر یولی بیلن امریکا قوشمه ایالتلری نینگ کورفزده گی متفق لری نی محاصره ایتیب بیر تهدید گه ایله نیب قالگن وضعیتده.  امریکا, متفقی و ستراتیژیک اورتاغی بولگن ترکیه نی سوریه مسئله سی بوییچه ترک ایتگن لیگی دیک, ترکیه اوچون تهدید تشکیل ایتیتگن ترور تشکیلاتی پی کا کا, پی وای دی/وای پی جی و فَتو نی حمایه لب, منطقه ده گی اینگ مهم متفقی بولگن انقره رهبریتی نی روسیه و ایران بیلن همکارلیک قیلیش گه مجبور قیلماقده.  کورفزده قطر گه قره ته سعودی عربستان و بیرلشگن عرب امیرلیک لری نینگ باسیم قیلیتگن لیگی نی هم اوشبو مسئله گه قوشیمچه قیلیش کیره ک. 

امریکا قوشمه ایالتلری, اورته شرقده گی اشتباه سیاست لری نتیجه سیده تشکیل تاپگن ترکیه, روسیه, ایران و قطر دن عبارت بلاک گه قرشی, اوز رهبر لیگی آستیده سعودی عربستان و کورفز اولکه لری بیلن مصر و اسرائیل بلاکی نی تشکیل ایتگن وضعیتده.  ایران نینگ سونگگی پیتلرده منطقه ده قولگه کریتیتگن موفقیت لری نینگ اینگ کوپ اسرائیل, سعودی عربستان و شونده ی قیلیب امریکا گه قره ته بیر تهدید خصوصیتی گه ایگه ایکن لیگی سببلی, ترور تشکیلاتی داعش نینگ منطقه ده گی ساحه لری نینگ همه سی نی قولدن بیریتگن شونده ی بیر پیتده تشلنگن اوشبو قدم, ترامپ باشقچیلیگیده امریکا قوشمه ایالتلری, محمد بن سلمان رهبر لیگیده, سعودی عربستان (و کورفز) بیلن اسرائیل آره سیده سونگگی پیت لرده پیدا بولیتگن کیلیشوو نینگ بیر محصولی کبی کورینماقده.

حریری نینگ پایتخت ریاضده استعفا گه مجبور ایتیلیشی و همده محمود عباس نینگ فلسطین رهبریتی نامیدن قبول قیلینیشی, امکان سیز شرایط نی قمره گن بیر تینچ لیک کیلیشووی گه مجبور قیلینیشی نی اوشبو دایره گه کیریتیش ممکن.  سونگگی پیت لرده عباس شرقی بیت المقدس نینگ همه سی اورنیگه شهر نینگ جنوبشرقیده اورین آلگن ابو دیس قصبه سی نی فلسطین پایتختی اوله راق قبول ایتیش گه مجبور قیلیندی.  سینا دن بیر مقدار توپراق نینگ فلسطین رهبریتی گه (احتمالاً تضمینات صفتیده) بیریلیشی بیلن مصر نینگ هم اوشبو بلاک نینگ تشکیل ایتیلیشی گه حصه قوشیشی طلب ایتیلدی.  جوده یقین بیر پیتده مصر نینگ قیزیل دینگیزده گی ایککی ستراتیژیک ارال نی سعودی عربستان گه بیریشی نی هم اوشبو دایره ده بهالنتیریش کیره ک.  مصرده گی جنرال السیسی نینگ هم, اوشبو یول بیلن مالی یاردم و سیاسی حمایه کسب ایتیش نی هدف قیلیب آلگن بولیشی ممکن. 

بیراق, اورته شرقده گی اوشبو پلان لرنینگ تطبیق ایتیله آلمس لیک احتمالی هم موجود البته که. ترامپ, بیت المقدس نی اسرائیل پایتختی اوله راق اعلان ایتیب اوز اوینی نی اوینه گن وضعیتده.  ترکیه, اردُن و اسلام دنیا سی نینگ کوپلب اولکه لری اوشبو قرار گه قرشی قتتیق عکس العمل کورسه ته دی.  بیراق, اوشبو دایره ده مصر و سعودی عربستان (کورفز) خلقی و رهبریتی نینگ عکس العملی حیاتی اهمیت گه ایگه. مصر و سعودی عربستان خلقی نینگ جدی بیر شکلده عکس العمل کورسه تیشی تقدیرده, رهبریت لرنینگ اوشبو وضعیت گه قرشی عکس العملی نینگ اورته شرقده گی نظام نی بوتونلی اوزگرتیشی ممکن. 

نتیجه ده بیت المقدس تینچ بولمسدن, اورته شرقده تینچ لیک نی اورنه تیش ممکن ایمس. 



علاقه لی ینگی لیکلر