بیت المقدس مسئله سی

پروفیسر داکتر قدرت بلبل

بیت المقدس مسئله سی

بیت المقدس, مسلمانلر, مسیحی لر و یهودی لر اوچون مقدس بیر شهردن عبارت.  مسلمان لرنینگ ایلک قبله سی اوشبو شهر.  عینی دمده اوشبو شهر حضرت محمد (ص) نینگ معراج گه کوتریلگن شهردن عبارت.  تُرک شاعر سزائی قاره قوچ نینگ ایتگن لیگی دیک, کوکده قوریلیب ییرگه توشیریلگن بیر شهردن عبارت بیت المقدس. 

میلادی 1516 نچی ییلیده عثمانلی امپراطورلیگی نینگ پادشاه لریدن بیری بولگن یاووز سلطان سلیم تامانیدن فتح ایتیلیشی آرتیدن میلادی 1917 نچی ییلی گه قدر عثمانلی حاکمیتیده بولگن بیت المقدس شهریده خودی منه شوو مدت مابینیده فرقلی دین لرنینگ منسوب لری تینچ بیر شکلده یشب کیلگن. 

اوشه دورده مکه و مدنیه بیلن بیرگه بیت المقدس اورته شرق و دنیا گه تینچ لیک نینگ کینگ قولاچ یایلگن  مرکز لردن بیری بولیب کیلدی.  حاضرگی کونده ایسه, اسرائیل نینگ قان کولی گه ایلنتیرگن اوشبو جغرافیه ایریم تامان لر طرفیدن "بحران لرنینگ مرکزی" اوله راق یاد ایتیلماقده. 

امریکا قوشمه ایالتلری نینگ بیت المقدس بیلن علاقه لی قراری و اوشبو قرار گه قرشی کورسه تیلگن عکس العمل لر

امریکا قوشمه ایالتلری اوز ایچکی سیاست لری نینگ نتیجه سی اوله راق بیر تامانلمه بیر شکلده بیت المقدس نی اسرائیل پایتختی اوله راق اعلان ایتدی.  خلق ارا جامعه ایسه اوشبو وضعیت گه قرشی عکس العمل کورستدی. بیرلشگن ملت لر تشکیلاتیده گی کورینیب تورگن تهدید لر و حرمت سیزلیک لر گه قره مسدن, بوتون اولکه لر امریکا نینگ اوشبو قراری گه قرشی بیر یقه دن باش چیقاردی.  بونده ی بیر وضعیت آلدین جوده هم آز کورینگن ایدی.  بیرلشگن ملت لر تشکیلاتی خوف سیزلیک کینگشیده ایسه, 14 عضو امریکا قوشمه ایالتلری گه مخالفت ایترایکن, 1 اولکه طرفدارلیک بیلدیردی.  عمومی کینگش ییغیلیشی جریانیده ایسه امریکا قوشمه ایالت لریدن تشقری فقط گینه 8 اولکه اوشبو قرار نی قبول قیلدی.  اسلام اولکه لری, اوروپا بیرلیگی دولت لری, افریقا, لاتین امریکا, اوزاق شرق اولکه لری, حاضرگه چه هیچ مثالی کورینمه گن بیر شکلده اوشبو قرار گه قرشی متحد بیر شکلده حرکت قیلدی. 

تقریباً برچه اولکه لر ده اوشبو قرار گه قرشی ناراضی چیلیک نمایش لری اوتکزیلدی.  حتی خودی منه شوو ناراضی چیلیک نمایش لری امریکا قوشمه ایالت لری و اسرائیلده هم بولیب اوتدی.  شونده ی قیلیب بشریت اوشبو وضعیت گه قرشی بیرلشگن بولدی. 

اوشبو خصوصده اسلام همکارلیک تشکیلاتی نینگ حاضرگی دور باشلیغی بولگن ترکیه جمهوریتی نینگ اساسی رولی نی هم ایسدن چیقارمس لیک کیره ک.  ترکیه جمهوریتی جمهوررئیسی رجب طیب اردوغان نینگ اوروپا بیرلیگی رهبر لری, روسیه دولت رهبری پوتین, پاپ فرانسیس و باشقه مسئول لر بیلن قیلگن صحبت لری هم خودی منه شونده ی بیر عکس العمل نینگ کورسه تیلیشی بوییچه کتته رول گه ایگه ایدی. 

بیت المقدس مسئله سی, اوز آره لریده کوپلب قیین چیلیک لری بولگن ایریم اسلام اولکه لری نی هم بیرلشتیریب قویدی.  عینی دمده اوروپا اولکه لری بیلن اسلام اولکه لری نینگ هم بیر هدف دایره سیده بیرله شیش لریگه سبب بولدی بیت المقدس مسئله سی. 

امریکا قوشمه ایالتلری نینگ اوشبو قراری نینگ فلسطین مسئله سی بوییچه هم خلق ارا جامعه نینگ ایریم نرسه لر نی درک ایتیشی گه سبب بولیشی نی امید ایتیب قاله میز.  اوشبو قرار گه قرشی فکر بیرلیگی نینگ, فلسطینده دوام ایتیاتگن تبعیض نینگ درک ایتیلیشی و منطقه ده حقیقت لرنینگ کورینیشی گه سبب بولیشی هم موجود امید لر آره سیده اورین آلماقده. 

خلق ارا جامعه مقاومت کورستمَسه ایدی بیت المقدس نینگ حالی نیمه بولر ایدی؟

امریکا قوشمه ایالتلری نینگ بیت المقدس بیلن علاقه لی اوشبو قراری شر دیک کورینگن ایریم نرسه لرنینگ خیر بولیشی نینگ ممکن ایکن لیگی گه تیگیشلی یخشی بیر مثال نی تشکیل ایتماقده. 

اوشبو قرار گه قرشی مقاومت کورسه تیلمس لیگی تقدیرده, ترکیه جمهوریتی نینگ سابق باش وزیر لری دن بیری بولگن رحمتلی نجم الدین اربکان نینگ ایتگن لیگی دیک, اسرائیل, منطقه اولکه لری نی هم اوز ایچی گه آله دیگن شکلده, دیجله و فرات نی قمره گن ایریم جای لر نی آلیش خیالی نی مطرح قیلگن بولر ایدی.  حاضرگی وضعیتی بیلن اسرائیل نینگ قنده ی تهدید لر گه سبب بولیاتگن لیگی گه قره گنده, کتته بیر اسرائیل نینگ مطرح بولیشی تقدیرده قنده ی تهدید لرنینگ مطرح بوله دیگن لیگی نی توشینیب انگلش کیره ک.

اوز توپراق لری نی کینگیتیریش گه حرکت ایتیاتگن و اوز لری نی خاص بیر نسل اوله راق اویلیاتگن صهیونیست یهودی لر نینگ سبب بولیشی ممکن بولگن تهدید لر نی اینگ کوپ ارقچی و فاشیست بولمه گن یهودی لر نینگ توشینیب آلگن لیگی نی ایسله تیب اوتیش ممکن.  هیتلرنینگ آلمان لرنینگ "اینگ اوستین نسل" ایکن لیگی نی اویله گن نازیزم آیدیولوژی سی نینگ دنیا ده قنده ی کتته قیین چیلیک لر یره تگن لیگی کورینیب تورگن بیر حقیقت دن عبارت.  امریکا قوشمه ایالت لری نینگ بیت المقدس بیلن علاقه لی اوشبو قراری گه قرشی مقاومت کورسه تیلمس لیگی تقدیرده, بونگه اوخشش ینه بیر "اینگ اوستین نسل" آیدیولوژی سی نینگ پیدا بولیشی ممکن ایدی. 

بیت المقدس قراری بوییچه اوروپا بیرلیگی و اسلام اولکه لری نینگ مشترک بیر شکلده عکس العمل کورستگن لیگی سونگگی پیتلرده مطرح بولیب قالگن اسلام و غرب آره سیده گی علاقه لرنینگ بیر بیر لری گه مخالفت دن عبارت ایکن لیگی گه تیگیشلی مفکوره نینگ اونچه لیک هم توغری ایمس لیگی نی کورسه تیب بیردی. 

امریکا قوشمه ایالتلری نینگ اوشبو قراری گه قرشی مقاومت کورسه تیلمس لیگی تقدیرده, حقلی تامان ایمس, بلکه کوچلی طرف نینگ حاکم ایکن لیگی مفکوره سی اوز کوچی نی آرتیرگن بولرایدی.  مظلوم جغرافیه لرنینگ حق سیزلیک لر گه قرشی مقاومت کوچی انچه کمییب قالر ایدی. 

اوشبو قرار گه قرشی عکس العمل کورسه تیلمسه ایدی, اسرائیل عسکر لری گه قرشی قهرمان لر کبی مقاومت کورستگن, فلسطین نینگ فخرلی قیزی عهد گه قنده ی قیلیب قره گن بولر ایدیک. 

غزه ده فلسطین لیک لرنینگ اوی لری نینگ ویران قیلینمس لیگی اوچون بولدوزر لرنینگ تگیده قالیب کیتگن امریکالیک مدنی فعال لر دن بیری بولگن 24 یاشلی راکل کوری نینگ هم ایسدن چیقاریلمس لیگی کیره ک. 

نازیزم نینگ تکرارلنمسلیگی کیره ک, یهودی نازیزمی نینگ مانع بولینیشی ضروری

خوب, فقط گینه اوشبو فعالیت لر ییترلیک می؟

البته که, ییترلیک ایمس.  شونده ی قیلیب بیت المقدس نینگ سقوط قیلیشی تقدیرده, یوقاریده بحث ایتیلگن وضعیت لرنینگ همه سی تیسکری سی گه ایله نیب قاله دی.  بیت المقدس نینگ سقوط قیلمس لیگی اوچون اینگ کوپ ایرکین لیک طرفداری یهودی لرنینگ مقاومت قیلیش لری کیره ک.  بونده ی بولمس لیگی تقدیرده, بیرینچی بولیب اولر قیین چیلیککه دوچ کیلیب قاله دی. آلمان نازیزمیده هم ایلک مغلوبیت گه اوچره گن لرنینگ, ایرکین لیک طرفداری آلمان لیک لردن عبارت بولگن لیک لری بیلینماقده.  آلمان نایزمی بیلن بشریت نینگ جوده هم کتته قیین چیلیککه دوچ کیلیب قالگن لیگی سببلی, ایندی یهودی نازیزمی گه مانع بولینیشی کیره ک. 

شونده ی قیلیب بیت المقدس فقط گینه مسلمان لر, مسیحی لر و یهودی لرنینگ مسئله سیدن عبارت ایمس. 

بیت المقدس بیر بشریت مسئله سیدن عبارت. 

باشقه چه قیلیب ایتگنده بیت المقدس نینگ سقوط قیلیشی تقدیرده, وجدان, عدالت و بشریت هم سقوط قیله دی...        

ییلدیریم بایزید عالی بیلیم یورتی سیاست بیلیم لری فاکولته سی نینگ باشلیغی پروفیسر داکتر قدرت بلبل نینگ اوشبو خصوصده گی فکر و ملاحظه لری نی حضورینگیز گه تقدیم ایتدیک عزیز دوست لر. 



علاقه لی ینگی لیکلر