بشارالاسد کوچلری ادلبده هجوم اویوشتیردی

اونلب کیشی اولیب یره لندی

بشارالاسد کوچلری ادلبده هجوم اویوشتیردی

سوریه مخالف و انقلابچی کوچلر ملی ائتلافی، بشارالاسد رژیمی و ایران حمایه سیده گی تروریست گروپلرنینگ ادلب ولایتی نینگ معرة النعمان تومنی گه اویوشتیرگن هجومی بیلن ساچی کیلیشووینی نقض قیلگنینی معلوم قیلیب، بیرلشگن ملتلر خوفسیزلیک کینگیشینی سوریه ده گی تینچ اهالی نینگ قوریقلنیشی اوچون حرکت قیلیش گه دعوت ایتدی.

 سوریه مخالف و انقلابچی کوچلر ملی ائتلافیدن، بشارالاسد رژیمی و ایران حمایه سیده گی تروریست گروپلرنینگ ادلب نینگ جنوبیده جایلشگن معرة النعمان اویوشتیرگن توپ آتیشلری بیلن تیگیشلی یازمه بیانات بیریلدی.

مذکور بیاناتده، رژیم کوچلری تامانیدن اولوسوال لیکده گی تینچ اهالی گه 20 دن آرتیق توپ فیر قیلیب، ادلبده آتش کیسیننی اوز ایچی گه آلگن ساچی کیلیشووینی نقض قیلگن لیگی بیلدیریلدی.

"اوشبو هجومده ملکی تلفاتلر یوز بیرگن لیگی گه دقت قره تیب، خلق ارا جمعیت نینگ بو قتل عام و نقض قیلیش حادثه لریگه قرشی حرکت قیلیشی کیره ک. بو معما وضعیت گه جدی قره ب حرکت گه اوتیش کیره ک" دیب ایتیلگن.

بیاناتده، سوریه مخالف و انقلابچی کوچلر ملی ائتلافی نینگ سوریه ده گی تینچ اهالینی قوریقلشی اوچون حرکت گه اوتیشینی خواهلندی.

بشارالاسد و ایران حمایه سیده گی تروریست گروپلر سوچی کیلیشووینی نقض قیلیب ادلب بحراننی کمه یتیریش منطقه سی ایچیده جایلشگن تومن گه هجوم اویوشتیریشی عاقبتیده 11 کیشی حیایتینی ییتیریب 25 کیشی اهالی یره لنگن ایدی.

خوددی شو هجوم نینگ ارتیدن اولوسواللیکده گی 21 مکتب تعطیل قیلینگن ایدی.

بشارالاسد کوچلری، تورکیه و روسیه اورته سیده ادلبده گی آتش کیسیننی تقویه قیلیش اوچون قول قوییلگن ساچی کیلیشوویگه قره مه ی هجوم اویوشتیریش گه دوام ایتماقده.

 



علاقه لی ینگی لیکلر