د افغانستان  په غزني ولایت کې  د افغان ځواکونو او طالبانو ترمنځه  سخته  جګړه دوام لري.

د افغانستان تاریخي ښار غزني د اور په لمبو کې سوځي

د افغانستان  په غزني ولایت کې  د افغان ځواکونو او طالبانو ترمنځه  سخته  جګړه دوام لري.

 

د افغانستان  لوی درستیز شریف یفتلي  خبري رسنیو ته ویلي دي چې  افغان ځواکونو  په غزني ښار کې د طالبانو ټول بریدونه په شا تنبولي دي  او په بعضو سیمو کې  نښتې دوام لري.

هغه ویلي دي چې طالبانو د ملکي وګړو په کورونو کې  پټ شوي دي چې د همدې امله  افغان ځواکونه  په ډیر دقت سره  عملیات  ترسره کوي.

هغه وویل چې  هغه  سیمې چې د طالبانو په لاس کې  دي  هر څه ژر به  د بیرته ونیول شي.

د بله پلوه  د غزني ولایت ولایتي شورا مرستیال  امان الله کامراني  خبري رسنیو ته ویلي دي چې  اوس هم  د یاد شوي ولایت  یو زیات شمیر سیمې  د طالبانو په لاس کې دي او طالبانو یو زیات شمیر دولتي  ودانۍ سوځولي دي.

همداشان  د غزني ولایت د ولایتي شورا  یو تن غړي  نصیر احمد فقیري  بیا ویلي دي چې په نښتو کې  تر ۳۰ تنو ډیرو ملکي وګړو ژوند د لاسه ورکړی دی.

د غزني ولایت  دولتي روغتون  بیا ویلي دي چې  په لسګونو تنه مړي او ټپیان روغتون ته راوړل شوي دي چې  نور په روغتون کې ځای  پاتې ندی.

د غزني  سیمه ایزو چارواکیو بیا ویلي دي چې په جګړه کې تر اوسه پورې  ۱۲۷تنه وژل شوي  او تر ۲۰۰ تنو  ډیر ټپيان شوي دي.

د غزني امنیتي چارواکیو  ویلي دي چې  ځانګړو ځواکونو او کوماندو ځواکونو  په ښار کې  په عملیاتو پیل کړی دی . یو زیات شمیر مړي او ټپیان روغتونونو ته انتقال شوي دي.

د غزني ولایت د دولتي روغتون  رئیس  باز محمد همت  خبري رسنیو ته ویلي دي چې تر اوسه پورې  د ۱۱۰ تنو  پوځیانو مړي  روغتون ته راوړل شوي دي چې لوی اکثریت يي  ملي پولیس  تشکیلوي.

هغه ویلي دي چې ددې سربیره  د نږدې شلو تنو ملکي وګړو مړي هم  روغتون ته راوړل شوي دي.

د ټپیانو شمیره ۱۷۰ تنه ده.

د بله پلوه  د افغانستان ولسمشر محمد اشرف غني  غزني ولایت ته د تازه دمو ځواکونو د استولو پریکړه کړې ده .

هغه دا پریکړه  تیره ورځ د غزني د والي، امنیې قومندان، ملي اردو ځواکونو  مشر  او امنیت رئیس  سره  د خبرو نه وروسته  کړې ده .  



اړوند خبرونه