په پاکستان کې د مساپروړونکي موټر د اور اخیستو له امله فاجعه رامنځته شوه

د پاکستان  د کوهاټ په ښار کې  د یو مساپروړونکي  موټر د اور اخیستو له امله  ګڼ شمیر کسانو ژوند  د لاسه ورکړ.

په پاکستان کې د مساپروړونکي موټر د اور اخیستو له امله فاجعه رامنځته شوه

د پاکستان  د کوهاټ په ښار کې  د یو مساپروړونکي  موټر د اور اخیستو له امله  ګڼ شمیر کسانو ژوند  د لاسه ورکړ.

د پاکستان  نه د ترلاسه شوي رپوټ له مخې  پیښه  نن  د جون پنځمه  د سې شنبې د سهار په وختي ساعتونو کې رامنځته شوه.

پیښه  د کوهاټ ښار د خواصي بندا په سیمه کې  د انډس په لویه لاره کې  رامنځته شوې ده .

د سیمې  پولیسو خبري رسنیو ته ویلي دي چې  د لومړنیو معلوماتو له مخې په پیښه کې  لږ تر لږه  ۶ تنو ژوند  د لاسه ورکړی او  ۶ تنه  نور سخت ټپیان شوي دي چې  روغتونونو ته  انتقال شوي دي.

پولیسو ویلي دي چې  مساپروړونکي  کوچني موټر  د حرکت په حال کې اور اخیستی  او مساپرو د موټر نه د وتو فرصت  هم  ندی موندلی.

د پيښې اصلي لامل ناڅرګند  دی  او په اړه يي  تحقیقات پیل شوي دي. د پيښې نه وروسته  د انډس لویه لاره د څه مودې لپاره  د ټرافیک پر مخ  تړل شوې وه.



اړوند خبرونه